قومی کرکٹر ابرار احمد شادی کے بندھن میں بندھ گئے۔ بارات کراچی میں پہنچی، ولیمہ 6 اکتوبر کو ہوگا۔ مداحوں کی جانب سے مبارکبادوں کا تانتا بندھ گیا۔
نمیبیا اور زمبابوے نے افریقی کوالیفائرز جیت کر ٹی ٹوئنٹی ورلڈکپ 2026 کے لیے کوالیفائی کرلیا۔ نمیبیا کا یہ چوتھا میگا ایونٹ ہوگا جبکہ زمبابوے نے کینیا کو شکست دے کر ورلڈ کپ کا ٹکٹ حاصل کیا۔
پاکستانی گھڑ سوار ایشین گیمز 2026 کیلئے کوالیفائی کر گئے، عثمان خان نے شاندار کارکردگی سے ملک کا نام روشن کیا۔
ویمنز ورلڈ کپ میں آسٹریلیا نے نیوزی لینڈ کو 89 رنز سے ہرایا، پاکستان کا آج بنگلہ دیش سے اہم میچ ہوگا۔
پاکستان کرکٹ بورڈ اور ایشین کرکٹ کونسل کے چیئرمین محسن نقوی نے بھارتی میڈیا کے الزامات کو سختی سے مسترد کرتے ہوئے واضح کیا ہے کہ انہوں نے کبھی بی سی سی آئی سے معافی نہیں مانگی اور نہ ہی آئندہ مانگیں گے۔ ایشیا کپ فائنل میں بھارتی ٹیم کے رویے اور بعد میں سامنے آنے والے پروپیگنڈے کو محسن نقوی نے جھوٹ اور سیاست قرار دیا۔ ان کا کہنا تھا کہ بطور اے سی سی چیئرمین وہ اس دن بھی ٹرافی دینے کے لیے تیار تھے اور آج بھی ہیں۔ اس تنازع نے پاک بھارت تعلقات میں کشیدگی کے پس منظر کو مزید نمایاں کر دیا ہے، جبکہ عالمی سطح پر بھی بھارتی رویے کو کھیل کے جذبے کے منافی قرار دیا جا رہا ہے۔
شارلٹس ول اوپن اسکواش میں پاکستانی کھلاڑیوں عاصم خان اور اشعب عرفان نے پہلے راؤنڈ میں شاندار کامیابی حاصل کی۔ عاصم نے جے پی ٹیو کو تین ایک سے ہرایا، جبکہ اشعب نے عمر سعید کو تین دو سے شکست دی۔ راؤنڈ آف سکسٹین میں اشعب کا مقابلہ ویر چھوٹرانی سے جبکہ عاصم کا ٹموتھی براؤنیل سے ہوگا۔
پاکستان کرکٹ بورڈ (پی سی بی) نے قومی کرکٹرز کے لیے غیر ملکی لیگز میں شرکت کا این او سی کارکردگی سے مشروط کر دیا ہے۔ اس فیصلے سے بابراعظم، شاہین آفریدی، محمد رضوان سمیت کئی بڑے نام براہِ راست متاثر ہوئے ہیں۔
آئی سی سی ویمنز ورلڈ کپ 2025 بھارت میں شروع ہو گیا ہے۔ پاکستان ویمنز ٹیم اپنا پہلا میچ 2 اکتوبر کو بنگلا دیش کے خلاف کھیلے گی جبکہ 5 اکتوبر کو کولمبو میں پاکستان اور بھارت کی خواتین ٹیموں کے درمیان ہائی وولٹیج مقابلہ ہوگا۔ کپتان فاطمہ ثنا کی قیادت میں پاکستان کی ٹیم سیمی فائنل تک رسائی کے عزم کے ساتھ میدان میں اترے گی۔
قومی سلیکشن کمیٹی نے ساوتھ افریقہ کیخلاف ہوم ٹیسٹ سیریز کیلئے 18 رکنی پاکستانی اسکواڈ کا اعلان کردیا، شان مسعود قیادت کریں گے جبکہ تین نئے کھلاڑیوں کو بھی موقع دیا گیا ہے۔
دھناشری ورما نے طلاق کے بعد 60 کروڑ روپے کے مطالبے کی خبروں کو بے بنیاد قرار دے کر حقیقت سامنے رکھ دی۔
