شہباز شریف کی الطاف حسن قریشی کے گھر آمد، اہلخانہ سے تعزیت اور فاتحہ خوانی
وزیراعظم محمد شہباز شریف نے معروف اور سینیئر صحافی الطاف حسن قریشی مرحوم کے گھر جا کر ان کے اہل خانہ سے ملاقات کی اور گہرے دکھ کا اظہار کیا۔ وزیراعظم نے مرحوم کے بیٹے اور بیٹی سے تعزیت کی اور الطاف حسن قریشی کی صحافتی خدمات کو زبردست خراجِ عقیدت پیش کرتے ہوئے کہا کہ ان کی وفات سے صحافت میں کبھی نہ پُر ہونے والا خلا پیدا ہوا ہے۔