امریکا کا وینزویلا پر بڑا حملہ، صدر نکولس مادورو اور اہلیہ کی گرفتاری کا دعویٰ
امریکی صدر ڈونلڈ ٹرمپ نے دعویٰ کیا ہے کہ امریکا نے وینزویلا کے خلاف بڑے پیمانے پر فوجی کارروائی کی ہے، جس کے دوران صدر نکولس مادورو اور ان کی اہلیہ کو گرفتار کر کے ملک سے باہر منتقل کر دیا گیا۔ ٹرمپ کے مطابق یہ آپریشن امریکی قانون نافذ کرنے والے اداروں کے تعاون سے مکمل ہوا، جبکہ مزید تفصیلات آج مار اے لاگو میں ہونے والی پریس کانفرنس میں فراہم کی جائیں گی۔ تاہم اس دعوے کی آزاد ذرائع سے تاحال تصدیق نہیں ہو سکی۔
امریکا ٹیرف اور سرمایہ کاری سے کھربوں ڈالر کما رہا ہے، 5 جنگیں بھی رکوا دیں، صدر ڈونلڈ ٹرمپ کا بیان
سابق امریکی صدر ڈونلڈ ٹرمپ نے دعویٰ کیا ہے کہ امریکا نے ٹیرف اور سرمایہ کاری پالیسیوں سے کھربوں ڈالر کمائے جبکہ انہی معاشی اقدامات کی بدولت آٹھ میں سے پانچ جنگیں بھی رک گئیں۔ ٹرمپ کے مطابق افراط زر نہ ہونے کے برابر ہے اور اسٹاک مارکیٹ مسلسل ریکارڈ بنا رہی ہے۔
بیجنگ کیساتھ رواں ماہ تجارتی معاہدے پر دستخط متوقع،اگلے سال ٹرمپ کا دورہ چین کا اعلان
امریکی صدر ڈونلڈ ٹرمپ نے اعلان کیا ہے کہ وہ اگلے سال کے آغاز میں چین کا دورہ کریں گے، جہاں ان کی ملاقات صدر شی جن پنگ سے متوقع ہے۔ اس موقع پر ایک اہم تجارتی معاہدے پر دستخط کی امید ظاہر کی گئی ہے۔ ٹرمپ کے مطابق یہ معاہدہ امریکا اور چین کے درمیان تعلقات میں نیا موڑ ثابت ہوگا، جبکہ آسٹریلیا کے ساتھ دفاعی تعاون بھی مزید مضبوط کیا جائے گا۔
ٹرمپ کا غزہ امن سربراہی اجلاس سے خطاب، معاہدے پر شہباز شریف اور فیلڈ مارشل کا شکریہ،شہبازشریف کو خطاب کی دعوت
شرم الشیخ میں منعقدہ تاریخی غزہ امن معاہدے میں امریکی صدر ڈونلڈ ٹرمپ، السیسی، اردوان، امیر قطر اور وزیراعظم شہباز شریف نے شرکت کی۔
اس معاہدے سے برسوں کی جنگ کے بعد مشرقِ وسطیٰ میں امن، ترقی اور استحکام کے نئے دور کا آغاز ہوا۔ ٹرمپ نے اعلان کیا کہ “ہم نے جنگ نہیں، امن جیتا ہے۔”
وزیراعظم شہباز شریف نے کہا کہ “صدر ٹرمپ نوبیل امن انعام کے حقیقی مستحق ہیں۔”
پاکستان اب تاریخ کا تماشائی نہیں۔۔مرکزی کردار
یوں لگتا ہے کہ وقت نے ایک بار پھر تاریخ کے پرانے اوراق کو پلٹ کر ایک نیا باب لکھ دیا ہے۔ وہی پاکستان، جو کبھی سرد جنگ میں امریکا کا منظورِ نظر تھا، آج ایک نئے انداز میں عالمی بساط پر اُبھرتا دکھائی دیتا ہے۔ جنرل عاصم منیر کی قیادت میں پاکستان صرف عسکری ہی نہیں بلکہ سیاسی و سفارتی محاذ پر بھی مرکزی کردار بن رہا ہے۔ سعودی عرب، ترکیہ، ایران، چین اور روس کے ساتھ بڑھتے تعلقات اور گریٹر اسرائیل کے منصوبے کے مقابل ایک نیا اتحاد دنیا کے توازن کو بدلنے کے قریب ہے۔ یہی وہ وقت ہے جب پاکستان تاریخ کا تماشائی نہیں بلکہ اس کا اصل کردار بن چکا ہے۔
دوحہ پر اسرائیلی حملہ: حماس کی قیادت، قطر کی پوزیشن، امریکا کی ناراضگی اور عالمی ردعمل
اسرائیل کی جانب سے قطر کے دارالحکومت دوحہ پر فضائی حملے نے مشرقِ وسطیٰ کی سیاست میں ہلچل مچا دی۔ اس کارروائی کا مبینہ ہدف حماس کے رہنما تھے، تاہم ابتدائی رپورٹس کے مطابق کوئی بڑا لیڈر نشانہ نہیں بنا۔ قطر، جو برسوں سے حماس کو سیاسی پناہ اور مالی امداد فراہم کرتا رہا ہے، اب ایک مشکل سفارتی صورتحال سے دوچار ہے۔ امریکہ اور عالمی قوتوں نے اس کارروائی پر تشویش کا اظہار کیا ہے، جبکہ سوال یہ اٹھ رہا ہے کہ حماس مستقبل میں اپنی قیادت کے لیے محفوظ پناہ گاہ کہاں تلاش کرے گا۔
ایران اسرائیل جنگ کسی بھی وقت چھڑ سکتی ہے: ایرانی نائب صدر
ایران کے نائب صدر محمد رضا عارف نے کہا ہے کہ موجودہ حالات میں اسرائیل کے خلاف ہر وقت جنگ کے لیے تیار رہنا ضروری ہے کیونکہ کوئی باضابطہ جنگ بندی معاہدہ موجود نہیں۔ جون کی جنگ میں ایران کو بھاری نقصان اٹھانا پڑا، لیکن جوابی میزائل حملوں سے اسرائیل کا دفاع ناکام ہوا۔ دوسری جانب تہران نے آئی اے ای اے کے ساتھ مذاکرات جاری رکھنے کا اعلان کیا ہے۔
سیز فائر نہ کراتا تو پاکستان اور بھارت کے درمیان دنیا کی سب سے بڑی جنگ ہوتی؛ ٹرمپ
ڈونلڈ ٹرمپ نے دعویٰ کیا ہے کہ ان کے بغیر بھارت اور پاکستان کے درمیان تباہ کن جنگ چھڑ سکتی تھی، انہوں نے تجارتی دباؤ اور سفارتی مداخلت کے ذریعے حالات قابو میں رکھے۔