جی ایچ کیو میں سعودی چیف آف جنرل اسٹاف جنرل فیاض الرویلی کی جنرل عاصم منیر سے ملاقات

جی ایچ کیو میں سعودی چیف آف جنرل اسٹاف جنرل فیاض الرویلی کی جنرل عاصم منیر سے ملاقات، دفاعی تعاون، سیکیورٹی شراکت داری اور انسداد دہشت گردی تعاون بڑھانے پر اتفاق

اسلام آباد (رئیس الاخبار) :— سعودی عرب کی مسلح افواج کے چیف آف جنرل اسٹاف جنرل فیاض بن حمید الرویلی نے آج جی ایچ کیو راولپنڈی میں پاک فوج کے سربراہ جنرل سید عاصم منیر سے ملاقات کی۔

جنرل فیاض الرویلی کی جنرل عاصم منیر سے ملاقات میں باہمی دلچسپی کے امور پر تفصیلی بات چیت ہوئی، خصوصاً پاکستان اور سعودی عرب کے درمیان دیرینہ دفاعی تعلقات، اسٹریٹیجک تعاون، دفاعی شراکت داری، انسداد دہشت گردی اقدامات اور سیکیورٹی اشتراک کو مزید مضبوط بنانے پر زور دیا گیا۔ دونوں رہنماؤں نے دفاعی شعبوں میں عملی تعاون بڑھانے اور خطے میں امن و استحکام کے لیے مشترکہ کوششیں جاری رکھنے کے عزم کا اظہار کیا۔

سعودی چیف آف جنرل اسٹاف نے پاکستان کی جانب سے سعودی مسلح افواج کے ساتھ مختلف شعبوں میں تعاون کو سراہا اور اس تعاون کو مزید وسعت دینے کی خواہش کا اظہار کیا۔

دورے کے دوران جنرل فیاض الرویلی نے یادگارِ شہداء پر پھولوں کی چادر چڑھائی اور پاک فوج کے چاق و چوبند دستے نے انہیں گارڈ آف آنر پیش کیا۔

#ISPR
Rawalpindi, 24 November, 2025

H.E General Fayyadh Bin Hameed Al Rowaili, Chief of General Staff (CGS), Saudi Armed Forces, called on Field Marshal Syed Asim Munir, NI (M), HJ, Chief of Army Staff (#COAS), #Pakistan Army at General Headquarters (GHQ) today.

During the… pic.twitter.com/7tFxOCgc6e
— Pakistan Armed Forces News 🇵🇰 (@PakistanFauj) November 24, 2025