سہ ملکی ٹی 20 میچ سری لنکا کی سنسنی خیز جیت: پاکستان کو 6 رنز سے شکست، کمل مشرا اور چمیرا چھا گئے
راولپنڈی: سہ ملکی ٹی 20 سیریز کے سنسنی خیز مقابلے میں سری لنکا نے پاکستان کو 6 رنز سے شکست دے دی۔ 185 رنز کے ہدف کے تعاقب میں پاکستانی ٹیم مقررہ اوورز میں 7 وکٹوں کے نقصان پر 178 رنز ہی بنا سکی۔
آخری اوور میں سری لنکن فاسٹ بولر دشمنتھا چمیرا نے شاندار بولنگ کرتے ہوئے پاکستان کو 10 رنز بنانے نہ دیے اور ٹیم کو فتح دلائی۔ انہوں نے میچ میں مجموعی طور پر 4 وکٹیں حاصل کیں، جبکہ ایشان ملنگا نے 2 کھلاڑیوں کو آؤٹ کیا۔
پاکستان کی بیٹنگ
کپتان سلمان علی آغا کی 63 رنز کی اننگز ٹیم کے کام نہ آ سکی۔
دیگر نمایاں بلے بازوں میں:
عثمان خان — 33 رنز، صائم ایوب — 27 رنز، محمد نواز — 27 رنز، صاحبزادہ فرحان — 9 رنز، بابر اعظم — صفر پر آؤٹ
پاکستان کی بیٹنگ آغاز سے ہی دباؤ کا شکار رہی، جب بابر اعظم بغیر کوئی رن بنائے پویلین لوٹ گئے۔
سری لنکا کی اننگ
اس سے قبل سری لنکا نے ٹاس کے بعد پہلے بیٹنگ کرتے ہوئے 5 وکٹوں کے نقصان پر 184 رنز بنائے۔
اہم اسکور:
کمل مشرا — 76 رنز (48 گیندوں پر، 6 چوکے، 3 چھکے) ، کوسل مینڈس — 40 رنز، جنتھ لیانگے — 24 رنز ناٹ آؤٹ، کپتان شناکا — 17 رنز (رن آؤٹ)
پاکستان کی جانب سے ابرار احمد نے 2 وکٹیں حاصل کیں جبکہ سلمان مرزا اور صائم ایوب نے ایک، ایک کھلاڑی کو آؤٹ کیا۔
اسکواڈ میں تبدیلیاں
پاکستان ٹیم کیونکہ پہلے ہی فائنل کے لیے کوالیفائی کر چکی ہے، اس لیے آج کے میچ میں نسیم شاہ اور عثمان طارق کی جگہ سلمان مرزا اور ابرار احمد کو شامل کیا گیا۔
سری لنکا نے زمبابوے کے خلاف کامیاب ٹیم کو برقرار رکھا اور کوئی تبدیلی نہیں کی۔
Sri Lanka win a thriller in Rawalpindi by 6 runs, despite a fighting effort from @SalmanAliAgha1 💥
Pakistan are now set to meet Sri Lanka in the tri-series final on Saturday 🗓️#CricketKiJeet | #PAKvSL | #BackTheBoysInGreen pic.twitter.com/oo1UDRznTg
— Pakistan Cricket (@TheRealPCB) November 27, 2025
