نوکنڈی میں ایف سی ہیڈکوارٹر پر خاتون خودکش حملہ، بی ایل ایف نے ذمہ داری قبول کرلی

نوکنڈی میں ایف سی ہیڈکوارٹر پر خاتون خودکش حملہ، بی ایل ایف نے ذمہ داری قبول کرلی

چاغی ضلع کے قصبے نوکنڈی میں فرنٹیئر کور کے ہیڈکوارٹر پر گزشتہ شب ایک خاتون خودکش حملہ آور نے حملہ کیا، جس کے نتیجے میں علاقے میں شدید فائرنگ کا تبادلہ ہوا اور متعدد حملہ آور مارے گئے۔

حکام نے بتایا کہ حملہ اتوار کی شب 8 بج کر 40 منٹ پر ہوا جب ایف سی ہیڈکوارٹر پر خاتون خودکش حملہ آور نے داخلی حصے کے قریب خود کو دھماکے سے اُڑا لیا۔
کالعدم بلوچستان لبریشن فرنٹ (بی ایل ایف) نے حملے کی ذمہ داری قبول کرتے ہوئے خاتون حملہ آور کی تصویر جاری کی ہے، جس کی شناخت زرینہ رفیق کے نام سے کی گئی۔

سیکیورٹی حکام کے مطابق ایف سی ہیڈکوارٹر پر خاتون خودکش حملہ کے فوراً بعد مزید حملہ آوروں نے کمپاؤنڈ میں داخل ہونے کی کوشش کی، جن میں سے تین حملہ آور قلعے میں داخل ہوتے ہی مارے گئے، جبکہ دیگر حملہ آور بھی سیکیورٹی فورسز کی جوابی کارروائی کے دوران ہلاک ہوگئے۔
حکام کا کہنا ہے کہ کمپاؤنڈ کو آپریشن کے بعد مکمل طور پر کلیئر کردیا گیا ہے۔

مقامی افراد کے مطابق پیر کی شام تک علاقے میں وقفے وقفے سے فائرنگ کی آوازیں سنی جاتی رہیں، جس سے اندازہ ہوتا ہے کہ سیکیورٹی فورسز کلیئرنس آپریشن مکمل کرنے میں مصروف تھیں۔

بلوچستان کے مختلف علاقوں میں حالیہ مہینوں کے دوران دہشت گردی کے واقعات میں اضافہ دیکھا گیا ہے، جبکہ سیکیورٹی فورسز نے متعدد کارروائیوں میں دہشت گردوں کے ٹھکانوں کو نشانہ بنایا ہے۔

حکام کا کہنا ہے کہ ملک دشمن عناصر ترقیاتی منصوبوں اور امن کے قیام کو سبوتاژ کرنے کی کوشش کر رہے ہیں، تاہم فورسز کسی بھی قیمت پر امن دشمن سرگرمیوں کو کامیاب نہیں ہونے دیں گی۔

ادیلہ بلوچ اور زرینہ بلوچ ایک واقعہ، دو تقدیریں

کالعدم تنظیمیں بی ایل اے اور بی ایل ایف خوف، بلیک میلنگ، دھمکیوں اور جھوٹے نظریات کے ذریعے نوجوان بلوچوں، خصوصاً خواتین کو اپنے جال میں پھنسانے کا ایک ہی حربہ استعمال کرتی ہیں۔
اسی مکروہ سلسلے میں عدیلہ بلوچ اور زرینہ بلوچ ایک ہی… pic.twitter.com/1bU8p6Ebhl
— Mahnoor Haider (@Mahnoor_Haider2) December 1, 2025