ڈیرہ اسماعیل خان میں پولیس موبائل پر حملہ، 3 اہلکار شہید، اے ایس آئی، ایک کانسٹیبل اور ڈرائیور شہید ، ایک کانسٹیبل معجزانہ طور پر محفوظ
خیبر پختونخوا کے ضلع ڈیرہ اسماعیل خان میں پنیالہ پولیس اسٹیشن کی حدود میں پولیس موبائل پر دھماکے اور فائرنگ کے نتیجے میں 3 پولیس اہلکار شہید ہوگئے۔
پولیس کے مطابق نامعلوم دہشت گردوں نے پولیس موبائل کو نشانہ بنایا، دھماکے کے بعد فائرنگ بھی کی گئی جس کے نتیجے میں اے ایس آئی، ایک کانسٹیبل اور ڈرائیور شہید ہوگئے، جبکہ ایک کانسٹیبل معجزانہ طور پر محفوظ رہا۔
ڈیرہ اسماعیل خان میں پولیس موبائل پر حملہ کے فوراً بعد ڈی ایس پی پنیالہ اور ایس ایچ او موقع پر پہنچ گئے اور علاقے کی ناکہ بندی کر دی گئی ہے۔
گزشتہ چند روز سے خیبر پختونخوا کے مختلف اضلاع میں دہشت گردی کے واقعات میں اضافہ دیکھنے میں آ رہا ہے۔
گزشتہ روز بنوں میں میرانشاہ روڈ پر دہشت گردوں کے حملے میں اسسٹنٹ کمشنر شمالی وزیرستان شاہ ولی سمیت 4 افراد شہید جبکہ 2 اہلکار زخمی ہوئے تھے۔
اس سے ایک روز قبل لکی مروت میں پولیس موبائل پر خودکش حملے میں ایک پولیس اہلکار شہید اور 5 زخمی ہوئے تھے۔
سیکیورٹی حکام کے مطابق خیبر پختونخوا کے جنوبی اضلاع میں پولیس اور قانون نافذ کرنے والے اداروں کو حالیہ مہینوں میں بار بار دہشت گرد حملوں کا سامنا ہے۔
ڈیرہ اسماعیل خان میں پولیس پر دہشت گردوں کا حملہ۔۔۔
3 پولیس اہلکار شہید۔۔۔ pic.twitter.com/ZKR0kAqv6r
— Khawaja Yaseen Usmani (@YaseenUSM_Offl) December 3, 2025
