شہباز شریف کا دورہ قطر، امیرِ قطر سے اہم ملاقات، خطے کی صورتحال پر تبادلہ خیال، قطری فضائیہ کے لڑاکا طیاروں نے وزیراعظم کے جہاز کو حفاظتی حصار میں لیا
شہباز شریف سعودی عرب کا دورہ مکمل کرنے کے بعد قطر پہنچ گئے جہاں انہوں نے شیخ تمیم بن حمد الثانی سے اہم ملاقات کی۔ ملاقات میں خطے کی مجموعی صورتحال، خصوصاً خلیجی کشیدگی پر تفصیلی تبادلہ خیال کیا گیا۔
وزیراعظم شہباز شریف کا دورہ قطر کے موقع پر قطر کے عوام کے ساتھ مکمل یکجہتی کا اظہار کرتے ہوئے کہا کہ پاکستان قطر اور دیگر ممالک پر حملوں کی مذمت کرتا ہے اور خطے میں امن و استحکام کا خواہاں ہے۔
دوطرفہ تعلقات مضبوط بنانے پر اتفاق
وزیراعظم شہباز شریف اور امیر قطر نے:
دوطرفہ تعلقات مزید مضبوط بنانے
سکیورٹی تعاون بڑھانے
توانائی کے شعبے میں شراکت داری
خلیجی ممالک کے ساتھ روابط میں اضافہ
پر اتفاق کیا۔ دونوں رہنماؤں نے پاکستان اور خلیجی ممالک کے دیرینہ تعلقات کو مزید مستحکم بنانے کے عزم کا اعادہ بھی کیا۔
وزیراعظم نے کشیدگی میں کمی اور مسائل کے حل کے لیے مذاکرات کی اہمیت پر زور دیا اور خطے میں امن و استحکام کو ترجیح دینے کی ضرورت پر زور دیا۔
دوحہ پہنچنے پر شاندار استقبال
دوحہ پہنچنے پر قطر کے وزیر مملکت برائے خارجہ امور سلطان بن سعد المریخی نے وزیراعظم اور پاکستانی وفد کا استقبال کیا۔
وزیراعظم شہباز شریف کا دورہ قطر پر ان کے ہمراہ:
اسحاق ڈار
عطاء تارڑ
طارق فاطمی
مشرف زیدی
بھی موجود تھے۔
قطری مسلح افواج کے چاق و چوبند دستے نے وزیراعظم کو سلامی پیش کی جبکہ دوحہ ایئرپورٹ اور شہر کو پاکستانی پرچموں سے سجایا گیا۔
قطری فضائیہ کا خصوصی پروٹوکول
وزیراعظم آفس کے مطابق، جیسے ہی وزیراعظم کا طیارہ قطر کی فضائی حدود میں داخل ہوا تو قطری فضائیہ کے لڑاکا طیاروں نے وزیراعظم کے جہاز کو حفاظتی حصار میں لے لیا۔
قطری لڑاکا طیاروں نے وزیراعظم کے طیارے کو ایئرپورٹ تک محفوظ انداز میں پہنچایا، جس پر وزیراعظم شہباز شریف نے قطری قیادت اور پائلٹس کا شکریہ ادا کیا۔
Prime Minister Muhammad Shehbaz Sharif, who arrived in Doha earlier today, held a warm and cordial meeting with His Highness Sheikh Tamim bin Hamad Al Thani, the Amir of the State of Qatar.
During their meeting held at the Amiri Diwan that lasted over an hour, both leaders… pic.twitter.com/EEF4ZEZo7y
— Government of Pakistan (@GovtofPakistan) April 16, 2026
