اسرائیل اور حزب اللہ جنگ بندی پر متفق، لبنان میں حملوں سے 47 افراد اور اسرائیلی فوج کے 4 اہلکار ہلاک

اسرائیل اور حزب اللہ جنگ بندی پر متفق، لبنان میں حملوں سے 47 افراد اور اسرائیلی فوج کے 4 اہلکار ہلاک

بیروت: اسرائیل اور حزب اللہ کے درمیان جنگ بندی پر اتفاق ہوگیا ہے، تاہم جنگ بندی نافذ ہونے سے قبل لبنان میں شدید فضائی حملوں کے نتیجے میں درجنوں افراد جان کی بازی ہار گئے۔

لبنان کی وزارت صحت کے مطابق آدھی رات سے دوپہر تک جاری اسرائیلی فضائی حملوں میں کم از کم 47 افراد ہلاک جبکہ 97 زخمی ہوئے۔ وزارت صحت نے بتایا کہ ہلاکتوں اور زخمیوں کی تعداد میں مزید اضافہ بھی ہوسکتا ہے۔

اسرائیلی فوج نے اس سے قبل تصدیق کی تھی کہ اس نے مشرقی لبنان کی وادی بقاع میں حزب اللہ کے دو کمانڈ سینٹرز کو نشانہ بنایا۔ اسرائیل کا دعویٰ ہے کہ ان کارروائیوں کا مقصد حزب اللہ کی عسکری صلاحیتوں کو کمزور کرنا تھا۔

دوسری جانب اسرائیلی فوج (آئی ڈی ایف) کے ترجمان بریگیڈیئر جنرل ایفی ڈیفرین نے اعلان کیا کہ اسرائیل اور حزب اللہ کے درمیان جنگ بندی نافذ العمل ہوچکی ہے۔ ان کا کہنا تھا کہ اگر ضرورت پڑی تو اسرائیلی فوج دوبارہ کارروائی کرنے کے لیے تیار ہے۔

اسرائیل اور حزب اللہ جنگ بندی کا اعلان ایک ایسے وقت میں سامنے آیا جب جنوبی لبنان میں رات بھر ہونے والے حملوں میں کم از کم 18 افراد ہلاک ہوئے جبکہ اسرائیلی فوج کے مطابق اس کے چار اہلکار بھی مارے گئے۔

اسرائیلی فوج کا کہنا ہے کہ اس نے حزب اللہ سے وابستہ 80 سے زائد اہداف کو نشانہ بنایا اور تنظیم کے درجنوں ارکان کو ہلاک کیا۔ تاہم حزب اللہ نے ان دعوؤں کو مسترد کرتے ہوئے اسرائیل پر جنگ بندی کی خلاف ورزی کا الزام عائد کیا ہے۔

حزب اللہ نے اپنے بیان میں کہا کہ اسرائیل نے ماضی میں بھی اسرائیل اور حزب اللہ جنگ بندی معاہدوں کی پاسداری نہیں کی اور اگر لبنان یا اس کے عوام کے خلاف کوئی جارحیت ہوئی تو تنظیم دفاع کا حق محفوظ رکھتی ہے۔

ایک امریکی عہدیدار نے بھی تصدیق کی ہے کہ اسرائیل اور حزب اللہ کے درمیان جنگ بندی معاہدہ طے پا گیا ہے اور یہ مقامی وقت کے مطابق نافذ العمل ہوچکا ہے۔

تجزیہ کاروں کے مطابق اسرائیل اور حزب اللہ جنگ بندی امریکہ اور ایران کے درمیان حالیہ امن معاہدے کے بعد سامنے آئی ہے، جس کے تحت خطے میں کشیدگی کم کرنے اور لبنان میں مستقل جنگ بندی کی راہ ہموار کرنے کی کوششیں کی جارہی ہیں۔

Israel remains committed to the ceasefire agreement reached between Israel, Lebanon and the US.

If Hezbollah does not violate the agreement, it will be kept.

Under all circumstances, Israel retains its right to respond to attacks against it and to thwart threats to its…
— Ambassador Yechiel (Michael) Leiter (@yechielleiter) June 18, 2026