استنبول میں وزیراعظم شہباز شریف کی ترک سرمایہ کاروں سے اہم ملاقاتیں، پاکستان میں سرمایہ کاری بڑھانے کی دعوت
استنبول: وزیراعظم شہباز شریف نے اپنے سرکاری دورۂ ترکیہ کے دوران ترک کاروباری گروپوں اور صنعتی تنظیموں کے اعلیٰ عہدیداروں سے اہم ملاقاتیں کیں، جن میں پاکستان میں سرمایہ کاری کے نئے مواقع، دوطرفہ اقتصادی تعاون اور تجارتی شراکت داری کو مزید وسعت دینے پر تفصیلی تبادلہ خیال کیا گیا۔
وزیراعظم کی ملاقاتیں چالک ہولڈنگ (Çalık Holding) کے چیئرمین احمد چالک، البیرک گروپ (Albayrak Group) کے چیئرمین احمد البیرک اور یونین آف دی چیمبرز اینڈ کموڈیٹی ایکسچینجز آف ترکیہ (TOBB) کے صدر رفعت حصارسیکیعلو سے ہوئیں۔
شہباز شریف کی ترک سرمایہ کاروں سے اہم ملاقاتیں کے دوران وزیراعظم نے پاکستان اور ترکیہ کے درمیان تاریخی، برادرانہ اور اسٹریٹجک تعلقات کو مزید مضبوط اقتصادی شراکت داری میں تبدیل کرنے کی ضرورت پر زور دیا۔ انہوں نے کہا کہ حکومت سرمایہ کاروں کو شفاف، مستحکم اور کاروبار دوست ماحول فراہم کرنے کے لیے پُرعزم ہے، جبکہ ملکی معیشت کے بنیادی اشاریے بھی مسلسل بہتر ہو رہے ہیں۔
شہباز شریف کی ترک سرمایہ کاروں سے اہم ملاقاتیں اس دوران وزیراعظم نے ترک سرمایہ کاروں کو توانائی، کان کنی و معدنیات، انفرا اسٹرکچر، میری ٹائم، لاجسٹکس، انفارمیشن ٹیکنالوجی، ٹیلی کمیونیکیشن، مینوفیکچرنگ، زراعت اور نجکاری سمیت مختلف شعبوں میں سرمایہ کاری بڑھانے کی دعوت دی۔
انہوں نے کہا کہ خصوصی سرمایہ کاری سہولت کونسل (SIFC) ملکی و غیر ملکی سرمایہ کاروں کو ون ونڈو سہولت فراہم کر رہی ہے، جس سے سرمایہ کاری کے عمل کو آسان اور تیز بنایا گیا ہے۔
وزیراعظم نے چالک ہولڈنگ کی پاکستان میں موجودہ سرمایہ کاری کو سراہتے ہوئے کمپنی کو توانائی، آئی ٹی، انفرا اسٹرکچر اور نجکاری کے منصوبوں میں مزید سرمایہ کاری کی دعوت دی۔ اسی طرح انہوں نے البیرک گروپ کی پاکستان میں خدمات کو سراہتے ہوئے بندرگاہوں کی جدید کاری، میری ٹائم انفرا اسٹرکچر اور لاجسٹکس کے شعبوں میں سرمایہ کاری بڑھانے پر زور دیا۔
یونین آف دی چیمبرز اینڈ کموڈیٹی ایکسچینجز آف ترکیہ (TOBB) کے صدر سے ملاقات میں وزیراعظم نے دونوں ممالک کے نجی شعبوں کے درمیان براہ راست روابط مضبوط بنانے کے لیے مستقل ادارہ جاتی نظام قائم کرنے کی تجویز دی اور ترک کاروباری وفد کو پاکستان کا دورہ کرنے کی دعوت دی۔
ترک کاروباری رہنماؤں نے پاکستان میں جاری اقتصادی اصلاحات، سرمایہ کار دوست پالیسیوں اور بہتر ہوتے ہوئے کاروباری ماحول کو سراہا۔ انہوں نے مختلف اسٹریٹجک شعبوں میں سرمایہ کاری بڑھانے اور پاکستان کے ساتھ طویل المدتی اقتصادی شراکت داری کو مزید فروغ دینے میں گہری دلچسپی کا اظہار کیا۔
وزیراعظم محمد شہباز شریف سے استنبول میں ترکیہ کے نمایاں کاروباری گروپوں کی ساتھ ملاقاتیں
وزیراعظم محمد شہباز شریف سے استنبول میں ترکیہ کے سرکردہ کاروباری گروپوں اور صنعتی تنظیموں کے اعلیٰ عہدیداران نے الگ الگ ملاقاتیں کیں جن میں اقتصادی تعاون کو مضبوط بنانے اور معیشت کے کلیدی… pic.twitter.com/xDZXkhjXHG
— Government of Pakistan (@GovtofPakistan) July 4, 2026
READ MORE FAQS”
سوال: وزیراعظم شہباز شریف نے کن ترک کمپنیوں سے ملاقات کی؟
جواب: چالک ہولڈنگ، البیرک گروپ اور یونین آف دی چیمبرز اینڈ کموڈیٹی ایکسچینجز آف ترکیہ (TOBB) کے نمائندوں سے ملاقات کی۔
سوال: سرمایہ کاری کے لیے کن شعبوں کی پیشکش کی گئی؟
جواب: توانائی، معدنیات، انفرا اسٹرکچر، آئی ٹی، ٹیلی کمیونیکیشن، زراعت، لاجسٹکس، بندرگاہوں کی ترقی اور نجکاری سمیت مختلف شعبے۔
سوال: SIFC کا کیا کردار ہے؟
جواب: خصوصی سرمایہ کاری سہولت کونسل (SIFC) ملکی و غیر ملکی سرمایہ کاروں کو ون ونڈو سہولت اور ادارہ جاتی معاونت فراہم کرتی ہے۔
سوال: ترک سرمایہ کاروں کا ردعمل کیا تھا؟
جواب: ترک کاروباری رہنماؤں نے پاکستان کی اقتصادی اصلاحات اور سرمایہ کار دوست پالیسیوں کو سراہتے ہوئے مستقبل میں مزید سرمایہ کاری میں دلچسپی کا اظہار کیا۔
