معرکہ حق میں جدید ٹیکنالوجی نے پاکستان کو برتری دلائی، وزیراعظم شہباز شریف

معرکہ حق میں جدید ٹیکنالوجی نے پاکستان کو برتری دلائی،ملک اب 60 فیصد سے زائد ڈرونز مقامی سطح پر تیار کرنے کی صلاحیت حاصل کر چکا ہے وزیراعظم شہباز شریف

اسلام آباد: وزیراعظم شہباز شریف نے کہا ہے کہ معرکہ حق کے دوران پاکستان کی مسلح افواج نے جدید ٹیکنالوجی، خودمختار دفاعی نظام اور سائبر سکیورٹی کے مؤثر استعمال کے ذریعے ملک کی سرحدوں کا کامیابی سے دفاع کیا، جبکہ پاکستان دفاعی ٹیکنالوجی میں تیزی سے خود انحصاری کی جانب بڑھ رہا ہے۔

اسلام آباد میں انڈس روبوٹکس اینڈ آٹونومس سسٹم ایکسپو سے خطاب کرتے ہوئے وزیراعظم شہباز شریف نے کہا کہ یہ نمائش اور اس سے وابستہ اقدامات پاکستان کو اکیسویں صدی کی جدید ٹیکنالوجی میں صفِ اول کے ممالک میں شامل کرنے کی جانب اہم پیش رفت ہیں۔

انہوں نے کہا کہ دفاعی شعبے میں جدید ٹیکنالوجی کا استعمال قومی سلامتی کو مزید مضبوط بنا رہا ہے اور پاکستان نے اس میدان میں نمایاں کامیابیاں حاصل کی ہیں۔ وزیراعظم کے مطابق ملک اب 60 فیصد سے زائد ڈرونز مقامی سطح پر تیار کرنے کی صلاحیت حاصل کر چکا ہے، جو دفاعی خود کفالت کی جانب ایک اہم سنگ میل ہے۔

شہباز شریف نے کہا کہ فیلڈ مارشل سید عاصم منیر کی قیادت میں معرکہ حق کے دوران مسلح افواج نے جدید دفاعی حکمت عملی، خودمختار نظام اور سائبر سکیورٹی کا کامیاب استعمال کیا۔ انہوں نے اس موقع پر پاک فضائیہ کے سربراہ اور پاک بحریہ کے سربراہ کی خدمات کو بھی سراہتے ہوئے کہا کہ تینوں افواج کے درمیان مثالی ہم آہنگی نے پاکستان کے دفاع کو مزید مضبوط بنایا۔

وزیراعظم نے کہا کہ پاکستان اپنی خودمختاری اور قومی سلامتی کے تحفظ کے لیے جدید دفاعی ٹیکنالوجی، مصنوعی ذہانت، روبوٹکس اور سائبر صلاحیتوں کو مزید فروغ دے گا تاکہ مستقبل کے چیلنجز کا مؤثر انداز میں مقابلہ کیا جا سکے۔

انہوں نے اس عزم کا اظہار کیا کہ حکومت تحقیق، اختراع اور مقامی دفاعی صنعت کی ترقی کے لیے ہر ممکن وسائل فراہم کرے گی تاکہ پاکستان نہ صرف اپنی دفاعی ضروریات پوری کر سکے بلکہ جدید ٹیکنالوجی کے شعبے میں عالمی سطح پر بھی نمایاں مقام حاصل کرے۔

وزیراعظم نے کہا کہ جدید ٹیکنالوجی میں سرمایہ کاری صرف دفاع تک محدود نہیں بلکہ معیشت، صنعت، تعلیم اور قومی ترقی کے دیگر شعبوں میں بھی مثبت نتائج مرتب کرے گی، جس سے پاکستان ایک مضبوط، محفوظ اور جدید ریاست کے طور پر ابھرے گا۔

“Last year, during the historic Marka-e-Haq, the entire world witnessed how our valiant armed forces resolutely guarded our physical and cyber frontiers through the highly effective use of advanced autonomous systems. Led by Field Marshal Syed Asim Munir and ably supported by Air… pic.twitter.com/zKxHYaFCYO
— Government of Pakistan (@GovtofPakistan) July 22, 2026