فیلڈ مارشل عاصم منیر کا کوئٹہ گیریژن کا دورہ، دہشتگردی کے خاتمے کے عزم کا اعادہ، قومی سلامتی پر کوئی سمجھوتہ نہیں کیا جائے گا
پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل سید عاصم منیر نے کوئٹہ گیریژن کا دورہ کیا جہاں انہوں نے افسران اور جوانوں سے ملاقات کی اور پیشہ ورانہ تیاریوں کا جائزہ لیا۔
آئی ایس پی آر کے مطابق کوئٹہ آمد پر کور کمانڈر کوئٹہ نے فیلڈ مارشل سید عاصم منیر کا استقبال کیا۔ دورے کے دوران فیلڈ مارشل نے کمانڈ اینڈ اسٹاف کالج کوئٹہ کے اعلیٰ تربیتی معیار اور پیشہ ورانہ کارکردگی کو سراہا۔
فیلڈ مارشل سید عاصم منیر نے خطاب کرتے ہوئے کہا کہ جدید جنگ کی بدلتی ہوئی نوعیت کے پیش نظر مسلسل تربیت اور جدید ٹیکنالوجی سے ہم آہنگی انتہائی ضروری ہے۔
عاصم منیر کا کوئٹہ گیریژن کا دورہ اس دوران انہوں نے اس عزم کا اعادہ کیا کہ پاکستان کی مسلح افواج ہر قسم کی دہشتگردی کے مکمل خاتمے کے لیے پُرعزم ہیں اور قومی سلامتی پر کوئی سمجھوتہ نہیں کیا جائے گا۔
فیلڈ مارشل نے کہا کہ پاکستان کی ترقی کو پروپیگنڈا یا بیرونی حمایت یافتہ دہشتگردی کے ذریعے نہیں روکا جا سکتا۔ ان کا کہنا تھا کہ بلوچستان میں پائیدار امن کے قیام کے لیے عوام دوست پالیسیوں اور بہتر طرزِ حکمرانی کی ضرورت ہے۔
آئی ایس پی آر کے مطابق فیلڈ مارشل نے بلوچستان میں تعینات سیکیورٹی فورسز کے بلند حوصلے، پیشہ ورانہ صلاحیت اور آپریشنل تیاری کو بھی سراہا۔
ISPR Press Release
Rawalpindi, 19 May 2026;
Field Marshal Syed Asim Munir, NI (M), HJ, COAS & CDF, visited Quetta Garrison today.
During the visit, the Field Marshal addressed student officers and faculty members at Command and Staff College, Quetta. During his address, the… pic.twitter.com/xDNuDoRtsQ
— War Analyst (@War_Analysts) May 19, 2026
