بجٹ میں عوام کو ریلیف دینے کے اقدامات کیے جا رہے ہیں، وزیراعظم شہباز شریف

بجٹ میں عوام کو ریلیف دینے کے اقدامات کیے جا رہے ہیں، ،سلام آباد میں معروف صنعتکاروں اور ممتاز کاروباری شخصیات کے ایک وفد نے وزیراعظم شہباز شریف سے ملاقات

اسلام آباد: وزیراعظم شہباز شریف نے کہا ہے کہ حکومت آئندہ بجٹ میں عوام کو ریلیف فراہم کرنے اور غیر رسمی معیشت کو ٹیکس نیٹ میں لانے کے لیے مؤثر اقدامات کر رہی ہے، جبکہ معاشی استحکام اور برآمدات پر مبنی ترقی حکومت کی اولین ترجیحات میں شامل ہیں۔

اسلام آباد میں معروف صنعتکاروں اور ممتاز کاروباری شخصیات کے ایک وفد نے وزیراعظم شہباز شریف سے ملاقات کی، جس میں ملکی معاشی صورتحال، وفاقی بجٹ 2026-27 اور سرمایہ کاری کے فروغ سے متعلق امور پر تفصیلی تبادلہ خیال کیا گیا۔

ملاقات میں میاں محمد منشا، عارف حبیب، عاطف باجوہ، محمد علی ٹبہ، مصدق ذوالقرنین سمیت مختلف شعبہ ہائے زندگی سے تعلق رکھنے والے ممتاز صنعتکار اور کاروباری رہنما شریک ہوئے۔

وزیراعظم شہباز شریف نے کاروباری شخصیات کو پاکستان کا سفیر قرار دیتے ہوئے مشکل معاشی حالات میں حکومت کا ساتھ دینے پر ان کا شکریہ ادا کیا۔ انہوں نے کہا کہ حکومت اور نجی شعبے کے درمیان مضبوط شراکت داری ہی پائیدار معاشی ترقی کی ضمانت ہے۔

وزیراعظم کا کہنا تھا کہ معیشت سے متعلق پالیسی سازی میں کاروباری برادری کی مشاورت انتہائی اہمیت رکھتی ہے۔ حکومت بجٹ میں ایسے اقدامات متعارف کرا رہی ہے جن سے عوام کو ریلیف ملے گا، معیشت کو دستاویزی شکل دی جائے گی اور ٹیکس نیٹ کو وسعت دی جائے گی۔

انہوں نے کہا کہ کاروبار دوست پالیسیوں کی بدولت ملکی معیشت میں استحکام آیا ہے اور بیرونی سرمایہ کاروں کا اعتماد بحال ہوا ہے۔ پاکستان برآمدات پر مبنی ترقی کی راہ پر گامزن ہے اور یہی حکومتی معاشی پالیسی کا بنیادی محور ہے۔

شہباز شریف نے مزید کہا کہ صنعت، زراعت اور انفارمیشن ٹیکنالوجی کے شعبوں میں ترقی کے ذریعے نہ صرف معیشت مزید مستحکم ہوگی بلکہ روزگار کے نئے مواقع بھی پیدا ہوں گے۔

اس موقع پر کاروباری وفد نے ٹیکس اصلاحات، کاروباری سہولیات اور سرمایہ کاری کے فروغ کے لیے حکومتی اقدامات کو سراہا اور معاشی ترقی کے لیے نجی شعبے کے تعاون کے عزم کا اظہار کیا۔

وزیراعظم محمد شہباز شریف سے ملک کے معروف صنعتکاروں اور ممتاز کاروباری شخصیات کے وفد کی ملاقات

ملاقات ملک کی مجموعی معاشی ترقی کی رفتار تیز کرنے اور مالی سال 2026-2027 کے بجٹ کے حوالےسے کاروباری برادری سے مشاورت کے تناظر میں تھی۔

وفد کو کاروبار، صنعت و تجارت کے فروغ کے حوالے سے… pic.twitter.com/QWPEOOHLzX
— Government of Pakistan (@GovtofPakistan) June 3, 2026