پاک فوج کے ترجمان ڈی جی آئی ایس پی آر لیفٹیننٹ جنرل احمد شریف چوہدری آج دوپہر 2 بجے اہم پریس کانفرنس کریں گے، جس میں سیکیورٹی صورتحال سمیت اہم قومی و علاقائی امور پر اظہارِ خیال متوقع ہے۔
ایبٹ آباد گلیات میں چند روز سے جاری برفباری کا سلسلہ رک گیا ہے تاہم سرد ہواؤں اور بادلوں کے باعث سردی کی شدت برقرار ہے، گزشتہ دو دنوں میں 40 ہزار سیاح گلیات پہنچ گئے۔
نائب وزیراعظم اور وزیر خارجہ اسحاق ڈار کے دورہ بیجنگ کے دوران پاکستان اور چین نے پاک چین اقتصادی راہداری (سی پیک) سمیت مختلف شعبوں میں تعاون کو نئی جہت دینے پر اتفاق کیا ہے۔ اعلیٰ سطحی ملاقاتوں میں دوطرفہ تعلقات، علاقائی صورتحال، پارٹی ٹو پارٹی روابط اور سفارتی تعلقات کی 75ویں سالگرہ کو شایانِ شان انداز میں منانے کے عزم کا اعادہ کیا گیا۔
راجن پور میں کچے کے ڈاکوؤں کے خلاف کارروائی کے دوران مطلوب لونڈ گینگ کا سرغنہ ہلاک، علاقے میں خوف و دہشت ختم، پنجاب پولیس کی ہمت اور انتھک کوششیں رنگ لے آئیں۔
خیبرپختونخوا کے اضلاع لکی مروت اور بنوں میں دہشت گردی کے دو واقعات میں ٹریفک پولیس کے تین اہلکار اور ایک پولیس کانسٹیبل شہید ہو گئے۔ لکی مروت کے علاقے سرائے نورنگ میں ڈیوٹی پر مامور اہلکاروں پر موٹر سائیکل سوار دہشت گردوں نے فائرنگ کی، جبکہ بنوں میں کانسٹیبل کو گھر سے ڈیوٹی جاتے ہوئے نشانہ بنایا گیا۔ پولیس نے دونوں واقعات کے بعد سرچ آپریشن شروع کر دیا ہے۔
کراچی گیس بندش کی خبر نے شہریوں میں تشویش پیدا کر دی تھی، تاہم سوئی سدرن نے وضاحت جاری کرتے ہوئے مکمل گیس بندش کی تردید کر دی۔
پی آئی اے نے رمضان المبارک کے دوران پروازوں میں افطار کی سہولت فراہم کرنے کے لیے کھجوروں اور جوس کی خریداری کا ٹینڈر جاری کر دیا، جس کے تحت لاکھوں مسافروں کو دورانِ پرواز افطار فراہم کی جائے گی۔
عالمی اور مقامی مارکیٹ میں سونے اور چاندی کی قیمتوں میں کمی کے بعد اچانک بڑا اضافہ ریکارڈ کیا گیا ہے۔ عالمی مارکیٹ میں سونا 57 ڈالر مہنگا ہو کر 4379 ڈالر فی اونس جبکہ پاکستان میں فی تولہ سونا 5700 روپے اضافے کے بعد 4 لاکھ 60 ہزار 262 روپے تک پہنچ گیا ہے۔
پنجاب بار کونسل نے سٹی کورٹ کراچی میں عدالتی ہڑتال کے دوران پیشی اور پیشہ ورانہ ضابطے کی خلاف ورزی پر سابق ڈی جی آئی ایس آئی جنرل فیض حمید کے وکیل میاں علی اشفاق ایڈووکیٹ کا لائسنس معطل کر دیا ہے، جبکہ مستقل منسوخی کے لیے کیس ڈسپلنری کمیٹی کو بھجوا دیا گیا ہے۔
وزیراعظم شہباز شریف نے خیبرپختونخوا کے ضلع کوہاٹ میں ناشپا بلاک میں تیل و گیس کے بڑے ذخائر کی دریافت پر قوم کو مبارک باد دیتے ہوئے کہا ہے کہ توانائی کے مقامی وسائل کی دریافت سے درآمدی بل میں نمایاں کمی ممکن ہوگی۔ اجلاس میں او جی ڈی سی ایل نے یومیہ 4100 بیرل تیل کی پیداوار سے آگاہ کیا جبکہ سپلائی چین کی ڈیجیٹائزیشن اور آر ایل این جی منصوبوں پر پیش رفت پر بھی بریفنگ دی گئی۔
