راجن پور: کچے کے ڈاکوؤں کے خلاف کارروائی میں گینگ کا سرغنہ ہلاک

کچے کے ڈاکوؤں کے خلاف کارروائی، پنجاب پولیس کی بڑی کامیابی

راجن پور: کچے کے ڈاکوؤں کے خلاف کارروائی میں پنجاب پولیس نے شاندار کامیابی حاصل کی ہے۔ سال نو کے آغاز پر راجن پور پولیس نے انٹیلی جنس بیسڈ آپریشن کے دوران کچے کے ڈاکوؤں کے خلاف مہم چلائی، جس میں مطلوب لونڈ گینگ کا سرغنہ شاہ دین لونڈ ہلاک ہوگیا۔

پنجاب پولیس کے ترجمان نے بتایا کہ ہلاک ہونے والا ڈاکو قتل، اغوا، ڈکیتی اور دیگر سنگین جرائم میں متعدد مقدمات میں مطلوب تھا۔ اس کارروائی سے علاقے میں خوف و دہشت کے خاتمے کی امید پیدا ہوئی ہے۔

پولیس کی بھاری نفری نے گینگ کے ٹھکانوں پر چھاپہ مارا، اس دوران فائرنگ کے تبادلے میں 3 دیگر ڈاکو زخمی ہوئے لیکن اپنے ساتھیوں کے ہمراہ فرار ہونے میں کامیاب ہو گئے۔ ترجمان نے واضح کیا کہ پولیس کی جانب سے کچے کے ڈاکوؤں کے خلاف کارروائی مزید جاری رہے گی تاکہ علاقے میں امن قائم کیا جا سکے۔

منشیات فروشوں کے خلاف کارروائی: باجوڑ میں کرپٹ پولیس اہلکار معطل، کراچی میں بڑی مقدار میں نشہ آور اشیاء برآمد

راجن پور پولیس کے اس آپریشن کو مقامی عوام نے سراہا اور کہا کہ ایسے اقدامات سے نہ صرف قانون نافذ کرنے والے اداروں کی کارکردگی ظاہر ہوتی ہے بلکہ عام شہری بھی محفوظ محسوس کرتے ہیں۔