خیبر پختونخوا میں سیکیورٹی فورسز نے بھارتی حمایت یافتہ فتنۃ الخوارج کے نیٹ ورک کے خلاف دو بڑی کارروائیاں کرتے ہوئے 13 خطرناک دہشتگردوں کو ہلاک کردیا۔ آئی ایس پی آر کے مطابق 20 اور 21 نومبر کو لکی مروت اور ڈیرہ اسماعیل خان میں انٹیلی جنس معلومات کی بنیاد پر الگ الگ آپریشنز کیے گئے جن میں خوارج کے اہم ٹھکانوں کو نشانہ بنایا گیا۔
ترجمان دفتر خارجہ طاہر اندرابی نے واضح کیا ہے کہ جب تک افغانستان سے پاکستان پر دہشت گردوں کی معاونت اور حملوں کا سلسلہ جاری ہے، دونوں ممالک کے درمیان تجارت بحال نہیں ہو سکتی۔ ہفتہ وار بریفنگ میں انہوں نے کہا کہ پاکستان کے پاس تجارت معطل کرنے کے علاوہ کوئی دوسرا آپشن نہیں بچا کیونکہ افغانستان سے پاکستانی تاجروں، شہریوں اور تجارت پر مسلسل حملے ہو رہے ہیں، اور پاکستان اپنے لوگوں کی جانوں کی قیمت پر تجارت نہیں کر سکتا۔
بنوں کے تھانہ ہوید کی حدود میں امن و امان کی کوششوں کو نشانہ بناتے ہوئے نامعلوم حملہ آوروں نے رات گئے امن کمیٹی کے دفتر پر دھاوا بول دیا، جہاں اندھادھند فائرنگ کے نتیجے میں 7 افراد موقع پر ہی جاں بحق جبکہ ایک شدید زخمی ہوگیا۔ حملہ آور فائرنگ کے بعد فرار ہونے میں کامیاب ہوگئے جن کی تلاش کے لیے پولیس اور قانون نافذ کرنے والے اداروں نے علاقے میں سرچ آپریشن شروع کردیا ہے۔
فیصل آباد کے علاقے ملک پور کی ایک کیمیکل فیکٹری میں بوائلر پھٹنے سے چار بچوں اور خواتین سمیت 17 افراد جاں بحق جبکہ 20 سے زائد زخمی ہوگئے۔ دھماکے کے نتیجے میں قریب موجود 9 گھروں کی چھتیں بھی گر گئیں۔ ریسکیو ٹیموں نے ملبہ ہٹا کر لاشیں اور زخمیوں کو نکال کر الائیڈ اسپتال منتقل کیا، جہاں متعدد افراد کی حالت تشویشناک ہے۔ پولیس نے فیکٹری منیجر کو گرفتار کرلیا جبکہ مالک موقع سے فرار ہوگیا۔ آئی جی پنجاب نے ریسکیو اداروں کو فوری اقدامات کی ہدایت کی۔
دبئی ائیر شو طیارہ حادثہ میں بھارتی تیجاس طیارہ مقامی وقت کے مطابق 2:10 پر مظاہرے کے دوران گر کر تباہ ہوگیا۔
سابق امریکی صدر ڈونلڈ ٹرمپ نے دعویٰ کیا ہے کہ مئی میں پاکستان اور بھارت کے درمیان ایٹمی جنگ کے خدشات ان کی جانب سے دونوں ممالک پر ’’350 فیصد ٹیرف‘‘ عائد کرنے کی دھمکی کے بعد ختم ہوئے۔ ٹرمپ کے مطابق وزیر اعظم شہباز شریف نے انہیں فون کر کے کہا کہ ’’آپ نے لاکھوں جانیں بچائیں‘‘۔ ٹرمپ نے کہا کہ بھارت اور پاکستان ایٹمی ہتھیاروں کے ساتھ جنگ کے دہانے پر تھے، تاہم ٹیرف کی دھمکی کے بعد دونوں ملک پیچھے ہٹ گئے۔ بھارت نے پہلے بھی ٹرمپ کے دعووں کی تردید کی ہے اور کہا ہے کہ کشیدگی کا خاتمہ علاقائی و سفارتی عوامل کی وجہ سے ہوا تھا۔
سپریم کورٹ میں 27ویں آئینی ترمیم کے بعد پیدا ہونے والی صورتحال پر بلائے گئے اہم فل کورٹ اجلاس میں ججوں نے ترمیم کے عدلیہ کے اختیارات پر اثرات، ادارہ جاتی ردِعمل اور مستقبل کے لائحہ عمل پر تفصیلی مشاورت کی۔ اجلاس کے دوران ایک جج کی جانب سے ترمیم کے خلاف اجتماعی استعفوں کی تجویز بھی پیش کی گئی، مگر اس پر کسی نے اتفاق نہیں کیا۔ اجلاس میں یہ سوال بھی اٹھایا گیا کہ کیا سپریم کورٹ پارلیمنٹ کو قانون سازی یا آئینی ترمیم سے روک سکتی ہے؟ چیف جسٹس یحییٰ آفریدی نے واضح کیا کہ عدالتی نظرثانی کا اختیار قانون بننے کے بعد استعمال ہوتا ہے، پہلے نہیں۔ اجلاس میں سینئر ججز نے حالات کو افسوسناک قرار دیتے ہوئے اس بات پر زور دیا کہ عدلیہ کو ایک مضبوط ادارہ جاتی ردعمل دینا چاہیے، تاہم کوئی مشترکہ فیصلہ سامنے نہ آسکا۔
خیبرپختونخوا کے مختلف علاقوں میں سیکیورٹی فورسز نے کامیاب انٹیلی جنس بیسڈ کارروائیوں کے دوران بھارتی حمایت یافتہ فتنۂ خوارج کے 4 دہشت گردوں کو ہلاک کر دیا۔ آئی ایس پی آر کے مطابق باجوڑ، شمالی وزیرستان اور ڈیرہ اسمٰعیل خان میں کی گئی کارروائیوں میں دہشت گردوں کے ٹھکانے تباہ کیے گئے اور اسلحہ و بارود برآمد کیا گیا۔ کلیئرنس آپریشنز جاری ہیں۔
وزیراعظم شہباز شریف اسلام آباد میں رواداری اور برداشت کے عالمی دن کی تقریب سے اہم خطاب کر رہے ہیں جس میں انہوں نے نبی کریم ﷺ کے اسوہ حسنہ اور قائد اعظم کے نظریے کا حوالہ دیا۔
پاکستان نیوی نے بحیرہ عرب میں بڑی کارروائی کرتے ہوئے تقریباً 13 کروڑ ڈالر مالیت کی 2 ہزار کلوگرام سے زائد میتھ ایمفیٹامین (آئس) برآمد کر لی۔ کارروائی پی این تبوک نے کمبائنڈ میری ٹائم فورس اور کمبائنڈ ٹاسک فورس 150 کی معاونت سے انجام دی۔ گزشتہ دو ماہ میں یہ نیوی کی تیسری بڑی کامیاب کارروائی ہے، جو غیر قانونی اسمگلنگ کے خلاف سخت عزم کا ثبوت ہے۔ نیوی نے کہا کہ وہ قومی بحری مفادات اور عالمی سمندری سلامتی کے تحفظ کے لیے پُرعزم ہے۔
