آزاد کشمیر احتجاج سے قبل حکومت پاکستان نے اہم اقدام اٹھاتے ہوئے دو وفاقی وزرا کو مظفرآباد بھیج دیا ہے تاکہ حالات قابو میں رہیں اور تصادم نہ ہو۔
اسلام آباد میں یکم اکتوبر تک ڈرائیونگ لائسنس حاصل کرنا لازمی ہے۔ اس تاریخ کے بعد بغیر لائسنس ڈرائیونگ کرنے والوں کے خلاف سخت قانونی کارروائی کی جائے گی۔
پاکستان میں قومی مالیاتی کمیشن (این ایف سی) ایوارڈ ایک بار پھر زیرِ بحث ہے۔ وفاقی حکومت اور صوبوں کے درمیان ٹیکس ریونیو کی تقسیم پر اختلافات بڑھ رہے ہیں۔ بڑھتے قرضے، غربت، کمزور صحت و تعلیم کے اخراجات اور اشرافیہ پر ٹیکس نہ لگانا بنیادی مسائل قرار دیے جا رہے ہیں۔
اسلام آباد ڈینگی کیسز تیزی سے بڑھنے لگے، صرف 24 گھنٹوں میں 32 نئے مریض سامنے آ گئے۔ ضلعی صحت افسر ڈاکٹر راشدہ بتول کے مطابق اسپتالوں میں 22 مریض زیر علاج ہیں جبکہ ڈسٹرکٹ ہیلتھ سروسز نے 440 مقامات کا معائنہ کر کے 12 ہاٹ اسپاٹ کی نشاندہی کی۔
اسلام آباد ہائی کورٹ کے پانچ سینئر ججوں نے چیف جسٹس کے اختیارات اور انتظامی اقدامات کے خلاف سپریم کورٹ سے رجوع کر لیا ہے۔ درخواستوں میں مؤقف اپنایا گیا ہے کہ بینچوں کی تشکیل اور مقدمات کی منتقلی صرف قواعد اور ججوں کی مشاورت سے ہونی چاہیے۔ ججز نے ’’ماسٹر آف دی روسٹر‘‘ کے یکطرفہ اصول کو مسترد کرتے ہوئے نوٹیفکیشنز اور کمیٹیوں کو غیر قانونی قرار دیا ہے۔ ماہرین کے مطابق یہ معاملہ چیف جسٹس کے اختیارات اور عدلیہ کے اندرونی ڈھانچے کے لیے تاریخی نوعیت رکھتا ہے، جو مستقبل میں عدالتی نظام پر گہرے اثرات ڈال سکتا ہے۔
اسلام آباد ہائیکورٹ نے 190 ملین پاؤنڈ کیس میں عمران خان اور بشریٰ بی بی کی بریت کی درخواست 25 ستمبر کو سماعت کیلئے مقرر کردی۔ چیف جسٹس سرفراز ڈوگر اور جسٹس اعظم خان پر مشتمل ڈویژن بینچ سماعت کرے گا۔
تھرپارکر کی تحصیل اسلام کوٹ میں ڈینگی کے کیسز میں خطرناک حد تک اضافہ ہوگیا۔ محکمہ صحت کے مطابق صرف ایک ہفتے میں 100 نئے کیسز رپورٹ ہوئے اور ڈینگی ٹیسٹ مثبت آنے کی شرح 54 فیصد تک جا پہنچی ہے۔
اسلام آباد میں ڈینگی وائرس کے 25 نئے کیسز سامنے آئے جن میں 14 مریض اسپتال میں زیر علاج ہیں۔ ضلعی انتظامیہ نے ہاٹ اسپاٹس پر کارروائیاں تیز کرتے ہوئے اسپرے اور فوگنگ کے ذریعے ڈینگی پر قابو پانے کی کوششیں شروع کر دی ہیں۔
وزیر اعظم شہباز شریف نے اعلان کیا ہے کہ پاکستان پہلی بار شنگھائی تعاون تنظیم (SCO) کے سربراہی اجلاس کی میزبانی کرے گا۔ انہوں نے حکام کو تیاریوں کی ہدایت دی اور کہا کہ یہ موقع پاکستان کی بین الاقوامی ساکھ کو بہتر بنانے اور خطے میں تعاون بڑھانے کا ذریعہ ہوگا۔ ساتھ ہی ٹی چوک فلائی اوور اور ٹرانسپورٹ منصوبوں کا بھی اعلان کیا۔
چیف جسٹس یحییٰ آفریدی نے جسٹس منصور علی شاہ کو ییل یونیورسٹی کے عالمی سیمینار میں شرکت کی اجازت دینے سے انکار کر دیا۔ سپریم کورٹ کے مطابق 8 ستمبر کو عدالتی سال کا آغاز ہے اور تمام ججز کی شرکت لازمی ہے۔
