صدر مملکت آصف علی زرداری سے فیلڈ مارشل سید عاصم منیر نے ایوان صدر میں ملاقات کی، جس میں افغان طالبان کے سرحدی حملوں، اسپن بولدک اور کُرم سیکٹر کی صورتحال پر بریفنگ دی گئی۔ صدر نے پاک فوج کے کردار، بہادری اور دفاعی تیاریوں کو سراہا اور قومی خودمختاری کے دفاع کے عزم کا اعادہ کیا۔
خیبر پختونخوا کے نومنتخب وزیراعلیٰ سہیل آفریدی نے گورنر فیصل کریم کنڈی سے عہدے کا حلف اٹھالیا۔ تقریب گورنر ہاؤس پشاور میں منعقد ہوئی جس میں پی ٹی آئی رہنماؤں اور کارکنان نے بڑی تعداد میں شرکت کی۔ سہیل آفریدی نے اپنے خطاب میں امن، روزگار اور گورننس میں بہتری کو اپنی ترجیحات قرار دیا۔
آئی ایس پی آر کا بیان — دنیا بھارت کو علاقائی عدم استحکام کا مرکز مانتی ہے، پاک فوج نے بھارتی پروپیگنڈے کو بے نقاب کر دیا۔
پاکستان نے جنوبی افریقہ کو پہلے ٹیسٹ میچ میں 93 رنز سے شکست دے کر سیریز میں 0-1 کی برتری حاصل کرلی۔ لاہور میں کھیلے گئے میچ میں شاہین آفریدی اور نعمان علی نے شاندار بولنگ کا مظاہرہ کرتے ہوئے چار، چار وکٹیں حاصل کیں۔
افغان طالبان کا اسپن بولدک حملہ ناکام، پاک فوج کی جوابی کارروائی میں 50 جنگجو ہلاک اور متعدد زخمی۔
ماہرین نے خبردار کیا ہے کہ رواں سال "لا نینا” کے باعث پاکستان کو غیر معمولی سردی کا سامنا کرنا پڑے گا۔ شمالی علاقوں میں درجہ حرارت میں نمایاں کمی اور سیلاب متاثرین کے لیے سخت مشکلات متوقع ہیں۔ ماحولیاتی ادارے فصلوں، صحت، اور خوراک پر سنگین اثرات کی پیش گوئی کر رہے ہیں۔
کرم سیکٹر میں پاک-افغان سرحد پر ایک بار پھر افغان طالبان کی بلااشتعال فائرنگ، پاک فوج کے بروقت اور مؤثر جوابی کارروائی سے طالبان پوسٹوں اور ایک ٹینک کو تباہ کر دیا گیا۔ سیکیورٹی ذرائع کے مطابق متعدد طالبان ہلاک ہو کر پوسٹیں چھوڑ کر فرار ہوگئے۔ وزارتِ دفاع نے کشیدہ حالات کی تصدیق کرتے ہوئے کہا ہے کہ دونوں ممالک کے درمیان تعلقات منقطع ہیں اور کسی بھی وقت دوبارہ جھڑپیں شروع ہو سکتی ہیں۔ وزیراعظم شہباز شریف نے واضح کیا کہ اب دہشت گردی کے خلاف ٹھوس فیصلوں کا وقت آ چکا ہے۔
وفاقی وزیر خزانہ محمد اورنگزیب نے کہا ہے کہ پاکستان اور آئی ایم ایف کے درمیان اسٹاف لیول معاہدہ رواں ہفتے طے پانے کی امید ہے، جس کے بعد 1.2 ارب ڈالر کی قسط کا اجراء ممکن ہوگا۔
انہوں نے بتایا کہ مذاکرات تعمیری ماحول میں ہوئے ہیں جبکہ پی آئی اے نجکاری، بجلی کمپنیوں کی فروخت اور گرین بانڈ اجراء پر بھی پیش رفت ہوئی ہے۔
ماہرین کے مطابق یہ معاہدہ پاکستانی معیشت کے لیے اعتماد بحالی کا اشارہ ثابت ہو سکتا ہے۔
چیئرمین پیپلزپارٹی بلاول بھٹو زرداری نے گورنر خیبرپختونخوا فیصل کریم کنڈی کو عدالت کے حکم پر عملدرآمد کے لیے فوری پشاور پہنچنے کی ہدایت کر دی۔
گورنر کنڈی کا کہنا تھا کہ وہ آئینی تقاضے پورے کریں گے اور آج رات پشاور پہنچ جائیں گے۔
پشاور ہائیکورٹ نے گورنر کو حکم دیا ہے کہ وہ 15 اکتوبر تک وزیراعلیٰ سہیل آفریدی سے حلف لیں، بصورتِ دیگر اسپیکر حلف لیں گے۔
وزیراعظم شہباز شریف نے کہا ہے کہ 1967 سے پہلے کی سرحدوں کے ساتھ فلسطینی ریاست کا قیام پاکستان کی مشرقِ وسطیٰ پالیسی کی اساس ہے۔ شرم الشیخ میں اجلاس کے بعد اپنے بیان میں انہوں نے امریکی صدر ڈونلڈ ٹرمپ کی غزہ میں جنگ بندی کے لیے کوششوں کو سراہا۔
چین نے پاکستان پر مکمل اعتماد کا اظہار کرتے ہوئے کہا ہے کہ پاک چین آہنی دوستی ناقابلِ شکست ہے، امریکا سے تعلقات سے مفادات متاثر نہیں ہوں گے۔
قذافی اسٹیڈیم لاہور میں جاری پہلے ٹیسٹ میچ کے تیسرے دن دلچسپ مقابلے کے بعد جنوبی افریقہ نے 2 وکٹوں پر 51 رنز بنائے۔ پاکستان کو جیت کے لیے 8 وکٹیں درکار ہیں جبکہ مہمان ٹیم کو ہدف حاصل کرنے کے لیے مزید 226 رنز بنانے ہیں۔ چوتھا دن فیصلہ کن ہوگا۔
پشاور ہائیکورٹ نے خیبرپختونخوا کے نئے وزیراعلیٰ سہیل آفریدی کی حلف برداری اور سابق وزیراعلیٰ علی امین گنڈاپور کے استعفیٰ سے متعلق آئینی درخواستوں پر فیصلہ محفوظ کرلیا ہے۔ تحریک انصاف کا مؤقف ہے کہ گورنر کو آئینی طور پر نئے وزیراعلیٰ سے حلف لینا چاہیے جبکہ گورنر ہاؤس کا کہنا ہے کہ استعفیٰ ابھی منظور نہیں ہوا۔ اس صورتحال نے صوبائی سیاست کو غیر یقینی بنا دیا ہے۔
ذرائع کے مطابق 16 اکتوبر سے پٹرول کی قیمت میں 6 روپے 10 پیسے اور ہائی اسپیڈ ڈیزل میں 97 پیسے فی لیٹر کمی کا امکان ہے، اوگرا نے سمری وزارتِ خزانہ کو بھجوانے کی تیاری کر لی۔
پیر مظہر سعید شاہ نے ناگزیر وجوہات کی بنا پر وزارت اطلاعات آزاد کشمیر سے استعفیٰ دے دیا، میڈیا کے ساتھ تعاون پر شکریہ ادا کیا۔
ایف بی آر افسر رانا وقار علی کو کرپشن الزامات پر برطرف کر دیا گیا، وزیراعظم کی منظوری سے نوٹیفکیشن جاری۔ اپیل کا حق 30 روز میں استعمال کیا جا سکتا ہے۔
پاکستان ٹیلی کمیونی کیشن کمپنی (پی ٹی سی ایل) نے اعلان کیا ہے کہ زیرِ سمندر انٹرنیٹ کیبل کی مرمت کے باعث ملک بھر میں انٹرنیٹ سروسز متاثر ہونے کا امکان ہے۔ مرمت کا کام 14 اکتوبر کو شروع ہوگا اور تقریباً 18 گھنٹے جاری رہے گا۔ پی ٹی سی ایل نے صارفین کو یقین دہانی کرائی ہے کہ متبادل راستے فعال کیے جا رہے ہیں تاکہ سروس کا تسلسل برقرار رہے۔
شرم الشیخ میں منعقدہ تاریخی غزہ امن معاہدے میں امریکی صدر ڈونلڈ ٹرمپ، السیسی، اردوان، امیر قطر اور وزیراعظم شہباز شریف نے شرکت کی۔
اس معاہدے سے برسوں کی جنگ کے بعد مشرقِ وسطیٰ میں امن، ترقی اور استحکام کے نئے دور کا آغاز ہوا۔ ٹرمپ نے اعلان کیا کہ “ہم نے جنگ نہیں، امن جیتا ہے۔”
وزیراعظم شہباز شریف نے کہا کہ “صدر ٹرمپ نوبیل امن انعام کے حقیقی مستحق ہیں۔”
شرم الشیخ میں امریکی صدر ٹرمپ، مصری صدر السیسی، ترک صدر اردوان اور امیر قطر شیخ تمیم بن حمد نے غزہ امن معاہدے پر تاریخی دستخط کیے۔
یہ معاہدہ اسرائیل اور حماس کے درمیان فوری جنگ بندی، قیدیوں کی رہائی اور تعمیرِ نو فنڈ کے قیام کا ضامن ہے۔
عالمی رہنماؤں نے اسے مشرقِ وسطیٰ میں امن، ترقی اور استحکام کے نئے دور کا آغاز قرار دیا ہے۔
قذافی اسٹیڈیم لاہور میں جاری پاکستان بمقابلہ جنوبی افریقہ کے پہلے ٹیسٹ میں قومی ٹیم 378 رنز بنا کر آؤٹ ہوگئی۔ نعمان علی کی شاندار اسپن بولنگ نے جنوبی افریقہ کو 216 رنز پر 6 وکٹوں کے نقصان تک محدود کر دیا۔ سلمان علی آغا اور رضوان کی 163 رنز کی ریکارڈ شراکت ٹیم کے لیے اہم ثابت ہوئی۔
یروشلم میں امریکی صدر ڈونلڈ ٹرمپ کے اسرائیلی پارلیمنٹ سے تاریخی خطاب کے دوران فلسطین کے حق میں نعرے بازی اور احتجاج ہوا۔ بائیں بازو کے رکن ایمن عودہ کو ایوان سے نکال دیا گیا۔ ٹرمپ نے یرغمالیوں کی رہائی کو "نئی امید” قرار دیا جبکہ اسرائیلی وزیراعظم نیتن یاہو نے انہیں امن کا معمار کہا۔ عرب ممالک نے امن معاہدے میں اہم کردار ادا کیا۔ دنیا بھر میں اس خطاب پر تعریف اور تنقید دونوں سامنے آئیں۔
شہر قائد میں رینجرز، سی ٹی ڈی اور پولیس نے مشترکہ کارروائی کرتے ہوئے غیر قانونی طور پر مقیم افغان باشندوں کے خلاف بڑا آپریشن شروع کر دیا۔ متعدد مشتبہ افراد گرفتار، شناختی کاغذات کی تصدیق جاری۔
الخدمت فاؤنڈیشن اور این ڈی ایم اے کی جانب سے فلسطین کے لیے 24ویں امدادی کھیپ روانہ، 100 ٹن سامان میں راشن اور ضروری اشیاء شامل۔
شہباز شریف غزہ امن معاہدے پر دستخط کی تقریب میں شریک، عالمی رہنماؤں کے ہمراہ مشرق وسطیٰ میں امن کی نئی بنیاد رکھنے کا عزم۔
حماس غزہ جنگ بندی معاہدہ کے تحت 20 اسرائیلی یرغمالیوں کی رہائی، اسرائیل سینکڑوں فلسطینی قیدی رہا کرے گا، مشرق وسطیٰ میں امن کی نئی امید۔
| فجر | 04:58 AM |
| طلوع آفتاب | 06:21 AM |
| ظہر | 11:52 AM |
| عصر | 02:58 PM |
| مغرب | 05:22 PM |
| عشاء | 06:46 PM |