وزیراعلیٰ مریم نواز کا بڑا فیصلہ، امتحانات ملتوی کرنے پر ڈی سی جہلم عہدے سے ہٹا دیے گئے

وزیراعلیٰ مریم نواز کا بڑا فیصلہ، امتحانات ملتوی کرنے پر ڈی سی جہلم عہدے سے ہٹا دیے گئے

لاہور: وزیراعلیٰ پنجاب مریم نواز نے وی آئی پی وزٹ کے باعث ضمنی امتحانات ملتوی کرنے کی کوشش پر ڈپٹی کمشنر جہلم میر رضا کو عہدے سے ہٹا دیا۔ وزیراعلیٰ نے سرکاری ہدایات کی خلاف ورزی پر سخت برہمی کا اظہار کرتے ہوئے واضح کیا کہ ان کے دورے کی وجہ سے عوام بالخصوص طلبہ کو کسی قسم کی پریشانی کا سامنا نہیں ہونا چاہیے۔

تفصیلات کے مطابق وزیراعلیٰ پنجاب مریم نواز کے دورہ جہلم کے موقع پر وی وی آئی پی سیکیورٹی اور انتظامی مصروفیات کو جواز بنا کر کمپیوٹر سائنس کا ضمنی امتحان ملتوی کرنے کی کوشش کی گئی تھی، جس پر وزیراعلیٰ نے نوٹس لیتے ہوئے ڈپٹی کمشنر جہلم میر رضا کو عہدے سے ہٹانے کا فیصلہ کیا۔

اس حوالے سے ڈپٹی کمشنر جہلم کو عہدے سے ہٹانے کا نوٹیفکیشن بھی جاری کر دیا گیا ہے۔ اس سے قبل راولپنڈی بورڈ آف انٹرمیڈیٹ اینڈ سیکنڈری ایجوکیشن نے ڈپٹی کمشنر جہلم کی سفارش پر انٹرمیڈیٹ سیکنڈ ایئر کے ضمنی امتحانات 2026 کے کمپیوٹر سائنس کے دونوں گروپس کے پرچے 10 نومبر سے ملتوی کرکے 30 نومبر مقرر کر دیے تھے۔

تاہم معاملے کا نوٹس لینے کے بعد مریم نواز نے اعلان کیا کہ طلبہ کے امتحانات اپنے اصل شیڈول کے مطابق 10 نومبر کو ہی ہوں گے، خواہ ضلعی انتظامیہ کی جانب سے کوئی انتظامی فیصلہ کیا گیا ہو۔

وزیراعلیٰ نے واضح کیا کہ ان کے دوروں کے دوران عوام، بالخصوص طلبہ کی تعلیمی سرگرمیاں متاثر نہیں ہونی چاہئیں۔ بورڈ حکام کے مطابق امتحانات ملتوی کرنے کا فیصلہ صرف جہلم کے امتحانی مراکز کے لیے کیا گیا تھا، جبکہ راولپنڈی بورڈ کے دائرہ اختیار میں آنے والے دیگر اضلاع میں کمپیوٹر سائنس کے پرچے مقررہ شیڈول کے مطابق ہوں گے۔

بعد ازاں وزیراعلیٰ کی ہدایت پر جہلم میں بھی 10 نومبر کا اصل امتحانی شیڈول بحال کر دیا گی

Notwithstanding any acts of foolishness or misplaced over-smartness on part of the district administration, the examinations shall be held strictly in accordance with the original schedule, i.e. Tuesday, 10th November.
— Maryam Nawaz Sharif (@MaryamNSharif) November 8, 2026