شمالی وزیرستان میں سیکیورٹی فورسز کا آپریشن، 5 خوارج ہلاک، میجر حافظ احسان الٰہی شہید

شمالی وزیرستان میں سیکیورٹی فورسز کا آپریشن، 5 بھارتی سرپرستی میں سرگرم خوارج ہلاک، میجر حافظ احسان الٰہی شہید

راولپنڈی: خیبرپختونخوا کے ضلع شمالی وزیرستان میں سیکیورٹی فورسز نے انٹیلی جنس بنیادوں پر کامیاب آپریشن کرتے ہوئے بھارتی سرپرستی میں سرگرم 5 خوارج کو ہلاک کر دیا، جبکہ فائرنگ کے تبادلے میں پاک فوج کے ایک افسر میجر حافظ احسان الٰہی شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے رزمک میں سیکیورٹی فورسز نے دہشت گردوں کی موجودگی کی اطلاع پر آپریشن کیا۔ کارروائی کے دوران شدید فائرنگ کے تبادلے میں بھارتی سرپرستی میں سرگرم 5 خوارج مارے گئے۔

آئی ایس پی آر کے مطابق آپریشن کے دوران دہشت گردوں کے قبضے سے اسلحہ، گولہ بارود اور دیگر جنگی سامان بھی برآمد کر لیا گیا۔

ترجمان پاک فوج نے بتایا کہ ہلاک ہونے والے خوارج دہشت گردی کی متعدد کارروائیوں اور معصوم شہریوں کے قتل میں ملوث تھے اور قانون نافذ کرنے والے اداروں کو مطلوب تھے۔

بیان کے مطابق آپریشن کے دوران بہادری سے لڑتے ہوئے میانوالی سے تعلق رکھنے والے میجر حافظ احسان الٰہی شہید نے جامِ شہادت نوش کیا۔

آئی ایس پی آر کا کہنا ہے کہ علاقے میں موجود دیگر ممکنہ بھارتی حمایت یافتہ دہشت گردوں کے خاتمے کے لیے کلیئرنس آپریشن جاری ہے اور سیکیورٹی فورسز ملک سے غیر ملکی سرپرستی میں ہونے والی دہشت گردی کے مکمل خاتمے تک اپنی کارروائیاں جاری رکھیں گی۔

ترجمان پاک فوج نے کہا کہ وطن کے دفاع میں بہادر افسران اور جوانوں کی قربانیاں قوم کے عزم کو مزید مضبوط بناتی ہیں اور دہشت گردی کے خلاف جنگ منطقی انجام تک جاری رہے گی۔

On 01 August 2026, Security Forces conducted an intelligence based operation in general area Razmak, North Waziristan District, on reported presence of Khwarij belonging to Indian Proxy, Fitna Al Khwarij.

During the conduct of operation, due to effective engagement by own… pic.twitter.com/gvveEqt5bU
— DG ISPR (@OfficialDGISPR) August 1, 2026