امریکی تحویل سے 31 پاکستانی اور ایرانی شہریوں کی واپسی، اسحاق ڈار

امریکی تحویل سے 31 پاکستانی اور ایرانی شہریوں کی واپسی، اسحاق ڈار

نائب وزیراعظم اور وزیر خارجہ اسحاق ڈار نے کہا ہے کہ امریکی تحویل میں لیے گئے 31 افراد کی پاکستان کے ذریعے محفوظ واپسی ممکن بنائی گئی ہے، جن میں 11 پاکستانی اور 20 ایرانی شہری شامل ہیں۔

سماجی رابطے کی ویب سائٹ “ایکس” پر جاری اپنے بیان میں اسحاق ڈار نے کہا کہ تمام پاکستانی اور ایرانی شہری سنگاپور کے تعاون سے بحفاظت اپنے وطن روانہ ہوئے۔ ان کے مطابق سنگاپور سے بینکاک پہنچنے کے بعد خصوصی پرواز اسلام آباد کے لیے روانہ کی گئی۔

اسحاق ڈار نے بتایا کہ ایرانی شہریوں کو بھی پاکستان کے ذریعے وطن واپسی کی سہولت فراہم کی گئی، جس پر وہ سنگاپور حکومت اور وہاں کے وزیر خارجہ کے شکر گزار ہیں۔

انہوں نے کہا کہ ایرانی وزیر خارجہ عباس عراقچی کا پاکستان پر اعتماد قابلِ قدر ہے جبکہ تھائی لینڈ حکومت نے بینکاک میں ٹرانزٹ کے دوران مکمل تعاون فراہم کیا۔

نائب وزیراعظم نے وزارت خارجہ، وزارت داخلہ اور مختلف ممالک میں تعینات پاکستانی مشنز کی کوششوں کو بھی سراہتے ہوئے کہا کہ ان اداروں کی مشترکہ کاوشوں سے یہ کارروائی کامیابی سے مکمل ہوئی۔

واضح رہے کہ گزشتہ ہفتے اسحاق ڈار نے امریکی تحویل میں موجود پاکستانی اور ایرانی شہریوں کی واپسی کے لیے سنگاپور سے خصوصی تعاون کی درخواست کی تھی، جس کے بعد سفارتی سطح پر رابطوں اور انتظامات کو حتمی شکل دی گئی۔

Alhamdolillah, I am pleased to share that we have been successful in the repatriation of 11 Pakistani nationals, alongside 20 nationals of our brotherly country Iran, through Singapore, who were aboard vessels seized in the high seas by the United States.

All individuals are in…
— Ishaq Dar (@MIshaqDar50) May 15, 2026