انسدادِ دہشت گردی عدالت اسلام آباد نے پی ٹی آئی قیادت کے مقدمات میں عدالتی احکامات کی خلاف ورزی پر ڈی آئی جی جواد طارق کو ایک ماہ قید اور ایک لاکھ روپے جرمانے کی سزا سنا دی، جسے اہم عدالتی پیش رفت قرار دیا جا رہا ہے۔
گلگت بلتستان حکومت سازی کے عمل میں بڑی سیاسی پیشرفت سامنے آگئی، استحکام پاکستان پارٹی کے صدر علیم خان نے بلاول بھٹو زرداری کی پیشکش قبول کرتے ہوئے پیپلز پارٹی کو وزیراعلیٰ، اسپیکر اور دیگر اہم عہدوں کے انتخاب میں مکمل تعاون کی یقین دہانی کرا دی۔
گلگت بلتستان اسمبلی کے 33 میں سے 30 نو منتخب ارکان نے حلف اٹھالیا جبکہ پیپلز پارٹی نے امجد حسین ایڈووکیٹ کو وزیراعلیٰ کے عہدے کے لیے نامزد کردیا ہے۔
سوئٹزرلینڈ کے برگن اسٹاک میں وزیراعظم شہباز شریف اور امریکی نائب صدر جے ڈی وینس کے درمیان اہم ملاقات ہوئی، جس میں ایران امریکا مذاکرات اور علاقائی صورتحال پر تبادلہ خیال کیا گیا۔
وزیر دفاع خواجہ آصف نے قومی اسمبلی میں انکشاف کیا ہے کہ اینٹی منی لانڈرنگ سمیت مختلف قوانین پر کام کے دوران اسد قیصر کے گھر آئی ایس آئی افسران کی موجودگی میں مشاورت اور قانون سازی کی جاتی رہی۔ ان کا کہنا تھا کہ وہ اپنے ضمیر کا بوجھ ہلکا کرنے کے لیے یہ حقیقت بیان کر رہے ہیں۔
معروف وکلا ایمان زینب مزاری اور ہادی علی چٹھہ کو انسانی حقوق کے فروغ، قانون کی حکمرانی اور بنیادی آزادیوں کے دفاع میں نمایاں خدمات پر 2026 کا معتبر لوڈووک ٹراریو انٹرنیشنل ہیومن رائٹس پرائز دے دیا گیا۔ دونوں وکلا اس وقت مختلف مقدمات میں قید کی سزا کا سامنا کر رہے ہیں۔
صدر مملکت آصف علی زرداری نے چار اہم ترمیمی بلز کی منظوری دے دی جبکہ عائشہ حمیرا چوہدری کی بطور رکن وفاقی پبلک سروس کمیشن تقرری کی بھی توثیق کر دی گئی۔
الیکشن کمیشن گلگت بلتستان نے جی بی کے 6 حلقوں میں انتخابی نتائج پر دائر اعتراضات مسترد کرتے ہوئے پیپلز پارٹی اور مسلم لیگ (ن) کی نشستیں برقرار رکھیں۔
وزیراعظم شہباز شریف نے قومی اسمبلی سے خطاب کرتے ہوئے ایک بار پھر اپوزیشن کو مذاکرات کی دعوت دیتے ہوئے کہا کہ حزب اختلاف ان کے بھائی ہیں اور وہ بطور وزیراعظم ہر وقت بات چیت کے لیے تیار ہیں۔ انہوں نے بلوچستان کے حقوق، صوبائی خودمختاری، دہشت گردی کے خلاف اقدامات اور پاک فوج کی قربانیوں پر بھی اظہار خیال کیا۔
پیپلز پارٹی کی پارلیمانی پارٹی کے اجلاس کے بعد چیئرمین بلاول بھٹو زرداری نے بجٹ اجلاس کے بائیکاٹ کا فیصلہ کیا اور پارلیمنٹ سے روانہ ہو گئے، تاہم پارٹی ذرائع کے مطابق پیپلز پارٹی مکمل طور پر اجلاس سے باہر نہیں ہو رہی۔
| فجر | 04:24 AM |
| طلوع آفتاب | 05:48 AM |
| ظہر | 12:05 PM |
| عصر | 03:38 PM |
| مغرب | 06:21 PM |
| عشاء | 07:46 PM |
