وزیراعظم شہباز شریف کا 2050 سے پہلے پاکستان کو بڑی معیشت بنانے کا عزم، خام معدنیات کی برآمد روکنے کا اعلان
اسلام آباد: وزیراعظم شہباز شریف نے کہا ہے کہ پاکستان اپنی قیمتی معدنیات خام شکل میں بیرون ملک بھیجنے کے بجائے ملک میں پراسیسنگ اور مینوفیکچرنگ کے بعد برآمد کرے گا۔ ان کا کہنا تھا کہ حکومت معدنیات کے شعبے میں سرمایہ کاروں کو یکساں مواقع اور پالیسیوں میں تسلسل فراہم کرے گی۔
پاکستان منرلز انویسٹمنٹ فورم 2026 کے شرکا سے خطاب کرتے ہوئے وزیراعظم نے عالمی سرمایہ کاروں اور مہمانوں کا خیرمقدم کیا اور کہا کہ پاکستانی معیشت نئے اعتماد کے ساتھ ترقی اور تبدیلی کے سفر پر گامزن ہے۔
شہباز شریف نے کہا کہ فیلڈ مارشل عاصم منیر اور ان کی ٹیم نے معدنیاتی ایجنڈے کو قومی معاشی وژن کا مرکزی حصہ بنانے میں اہم کردار ادا کیا ہے۔ پاکستان کے قیمتی معدنی وسائل ملکی صنعتوں کے لیے استعمال کیے جائیں گے تاکہ ملک میں ویلیو ایڈیشن کو فروغ دیا جا سکے۔
وزیراعظم کا کہنا تھا کہ دو دہائیوں سے تعطل کا شکار ریکوڈک منصوبہ عملی تکمیل اور آپریشنل مرحلے کی جانب بڑھ رہا ہے۔ ریکوڈک دنیا میں تانبے اور سونے کے بڑے غیر استعمال شدہ ذخائر میں سے ایک ہے، اور وہ دن دور نہیں جب ان معدنی وسائل کو ملکی ڈاؤن اسٹریم صنعتوں کے لیے بروئے کار لایا جائے گا۔
انہوں نے بیرک کمپنی کا پاکستان پر اعتماد برقرار رکھنے پر شکریہ ادا کرتے ہوئے کہا کہ پاکستان صرف خام معدنیات نکال کر بیرون ملک بھیجنے کا خواہش مند نہیں بلکہ معدنیات کی مقامی سطح پر پراسیسنگ اور تیاری کے بعد برآمدات بڑھانا چاہتا ہے۔
شہباز شریف نے گولڈمین سیکس کی پیشگوئی کا حوالہ دیتے ہوئے کہا کہ ادارے کے مطابق 2075 تک پاکستان دنیا کی چھٹی بڑی معیشت بن سکتا ہے، تاہم ان کا عزم ہے کہ پاکستان 2050 سے پہلے ہی بڑی معیشتوں میں شامل ہوگا۔
وزیراعظم نے کہا کہ معدنیات کے شعبے میں سرمایہ کاروں کو مساوی اور منصفانہ شراکت داری کی پیشکش کی جائے گی، جو پاکستان اور سرمایہ کار دونوں کے لیے فائدہ مند ہوگی۔ سرمایہ کاروں کی توقعات پر پورا اترنے کے لیے طریقہ کار آسان بنایا جا رہا ہے جبکہ لائسنس اور معاہدوں کے اجرا میں مکمل شفافیت یقینی بنائی جائے گی۔
انہوں نے مزید کہا کہ نیشنل منرل ڈیٹا سینٹر اور ارضیاتی ریکارڈ کی ڈیجیٹلائزیشن کے ذریعے سرمایہ کاروں کو مستند معلومات فراہم کی جائیں گی اور ان کے مفادات کے تحفظ کے لیے حکومت ایک ٹیم کے طور پر کام کرے گی۔
READ MORE FAQS”
سوال 1: پاکستان منرلز انویسٹمنٹ فورم 2026 سے وزیراعظم شہباز شریف نے کیا خطاب کیا؟
جواب: وزیراعظم نے پاکستان کی معدنی دولت کو ملکی صنعتوں کے لیے استعمال کرنے، خام معدنیات کی مقامی پراسیسنگ اور عالمی سرمایہ کاری کے فروغ پر زور دیا۔
سوال 2: ریکوڈک منصوبے کے بارے میں وزیراعظم نے کیا کہا؟
جواب: شہباز شریف کے مطابق دو دہائیوں سے تعطل کا شکار ریکوڈک منصوبہ عملی تکمیل اور آپریشنل مرحلے کی جانب بڑھ رہا ہے۔
سوال 3: پاکستان معدنیات کی برآمد کے لیے کیا حکمت عملی اپنانا چاہتا ہے؟
جواب: وزیراعظم کے مطابق پاکستان خام معدنیات برآمد کرنے کے بجائے انہیں ملک میں پراسیس اور تیار کرکے ویلیو ایڈڈ مصنوعات کی صورت میں برآمد کرنا چاہتا ہے۔
سوال 4: حکومت معدنیات کے شعبے میں سرمایہ کاروں کو کیا سہولتیں دے گی؟
جواب: حکومت طریقہ کار آسان بنانے، لائسنس اور معاہدوں کے اجرا میں شفافیت، پالیسیوں میں تسلسل اور سرمایہ کاروں کو مستند معلومات فراہم کرنے کے لیے اقدامات کرے گی۔
سوال 5: وزیراعظم نے پاکستان کی معیشت کے مستقبل کے بارے میں کیا عزم ظاہر کیا؟
جواب: شہباز شریف نے کہا کہ گولڈمین سیکس کی پیشگوئی کے مطابق پاکستان 2075 تک دنیا کی چھٹی بڑی معیشت بن سکتا ہے، تاہم ان کا عزم ہے کہ پاکستان 2050 سے پہلے ہی بڑی معیشتوں میں شامل ہو۔
