وزیراعلیٰ کےپی سہیل آفریدی: افغان قیادت کو کہوں گا حملے بند کریں، ہمارا جینا مرنا پاکستان کے ساتھ ہے
وزیراعلیٰ خیبر پختونخوا سہیل آفریدی نے کہا ہے کہ اگر وہ افغانستان گئے تو افغان قیادت کو واضح طور پر بتائیں گے کہ ہم پختون، مسلمان اور پڑوسی ہیں، اس لیے پاکستان پر حملے بند کیے جائیں۔ انہوں نے کہا کہ پاکستان سے عشق ہمارا ایمان ہے اور ہماری وفاداری صرف ریاست پاکستان کے ساتھ ہے۔ ڈیفنس کاریسپونڈنٹس سے گفتگو کرتے ہوئے انہوں نے کہا کہ ہر مسئلے کا حل مذاکرات میں ہے اور اگر صوبے کو اعتماد میں لیا جائے تو مسائل تیزی سے حل ہوسکتے ہیں۔
خیبر پختونخوا میں سیکیورٹی فورسز کی کامیاب کارروائیاں، بھارت نواز فتنۃ الخوارج کے 23 دہشتگرد ہلاک
خیبر پختونخوا میں سیکیورٹی فورسز نے دو کامیاب انٹیلی جنس بیسڈ آپریشنز میں بھارت کی سرپرستی یافتہ فتنۃ الخوارج کے 23 دہشتگردوں کو ہلاک کر دیا۔ باجوڑ میں کارروائی کے دوران گروہ کے اہم سرغنہ سجاد عرف ابوذر سمیت 11 دہشتگرد مارے گئے، جب کہ بنوں میں مزید 12 دہشتگردوں کو ٹھکانے لگا دیا گیا۔ آئی ایس پی آر کے مطابق دہشتگرد شہریوں اور فورسز پر حملوں کی منصوبہ بندی کر رہے تھے۔ بنوں میں ایک دہشتگرد بارودی مواد نصب کرتے ہوئے خود ہلاک ہو گیا، جو تنظیم کی مایوسی اور کم ہوتی صلاحیتوں کا ثبوت ہے۔ سیکیورٹی فورسز نے واضح کیا کہ عزمِ استحکام کے وژن کے تحت ملک سے دہشتگردی کے مکمل خاتمے کیلئے کلیئرنس آپریشنز جاری رہیں گے۔
پاکستان کسی دہشت گرد گروہ سے مذاکرات نہیں کرے گا، ترجمان دفتر خارجہ
دفتر خارجہ کے ترجمان طاہر حسین اندرابی نے واضح کیا ہے کہ پاکستان کسی بھی دہشت گرد گروہ، خصوصاً ٹی ٹی پی اور بی ایل اے سے مذاکرات نہیں کرے گا۔ انہوں نے بتایا کہ افغان طالبان کے ساتھ بات چیت کا تیسرا دور استنبول میں کامیابی سے مکمل ہوا، تاہم طالبان انتظامیہ عملی اقدامات کے بجائے صرف وعدوں تک محدود رہی۔ ترجمان کے مطابق افغانستان سے پاکستان پر حملوں میں اضافے کے باوجود پاکستان نے تحمل کا مظاہرہ کیا، مگر دہشت گردوں کو پناہ گزین ظاہر کرنا ایک خطرناک چال ہے۔ پاکستان اپنی سلامتی کے لیے ہر ممکن اقدام کرے گا۔
شہباز شریف کا قومی اسمبلی سے خطاب: دہشت گردی کے خلاف جنگ میں کوئی رکاوٹ برداشت نہیں،طالبان ٹی ٹی پی کو لگام دیں
وزیراعظم شہباز شریف نے قومی اسمبلی سے خطاب میں کہا کہ پاکستان کی ترقی میں کسی رکاوٹ کو حائل نہیں ہونے دیں گے۔ انہوں نے افغان طالبان سے کالعدم ٹی ٹی پی کے خلاف کارروائی کا مطالبہ کرتے ہوئے کہا کہ چالیس سالہ مہمان نوازی کا صلہ دنیا دیکھ رہی ہے۔ شہباز شریف نے 27ویں آئینی ترمیم کی منظوری کو جمہوریت کی کامیابی قرار دیا۔
اسلام آباد جوڈیشل کمپلیکس خودکش حملہ: حملہ آور 200 روپے میں پہنچا، رائیڈر گرفتار
اسلام آباد کچہری خودکش دھماکا کیس میں اہم پیش رفت، پولیس نے حملہ آور کے کچہری تک پہنچنے کی تفصیلات معلوم کرلیں۔ حملہ آور گولڑہ سے 200 روپے میں بائیک پر کچہری پہنچا، موٹرسائیکل رائیڈر کو حراست میں لے لیا گیا۔
خیبر پختونخوا اسمبلی میں امن جرگہ، امن کی بحالی اور عسکریت پسندی کے خاتمے کے لیے حکمتِ عملی پر غور
خیبر پختونخوا حکومت نے صوبے میں دہشت گردی کے حالیہ اضافے کے پیشِ نظر صوبائی اسمبلی میں تاریخی امن جرگہ شروع کر دیا۔ وزیرِ اعلیٰ سہیل آفریدی، گورنر فیصل کریم کنڈی، سیاسی و مذہبی رہنما شریک، صوبے میں پائیدار امن کے لیے نئی حکمتِ عملی پر مشاورت جاری۔
اسلام آباد خودکش دھماکے پر امریکا کا پاکستان سے اظہارِ یکجہتی
امریکا نے اسلام آباد کے ضلع کچہری میں ہونے والے خودکش دھماکے پر پاکستان کے ساتھ مکمل اظہارِ یکجہتی کیا ہے۔ امریکی ناظم الامور نیٹلی بیکر نے دہشت گردی کی مذمت کرتے ہوئے کہا کہ امریکا دہشت گردی کے خلاف پاکستان کے ساتھ کھڑا ہے اور متاثرہ خاندانوں سے دلی ہمدردی کا اظہار کرتا ہے۔
وانا کیڈٹ کالج میں افغان خوارجیوں کے خلاف آپریشن جاری، 115 افراد بحفاظت ریسکیو
جنوبی وزیرستان کے علاقے وانا میں سیکیورٹی فورسز نے کیڈٹ کالج میں چھپے افغان خوارجیوں کے خلاف آپریشن تیز کر دیا ہے۔ تین دہشت گردوں کو ایک مخصوص عمارت تک محدود کر دیا گیا ہے جبکہ 115 افراد کو بحفاظت نکال لیا گیا ہے۔ حملے کے دوران کالج میں تقریباً 650 افراد موجود تھے۔ فوج نے علاقے کو مکمل گھیرے میں لے لیا ہے اور آپریشن انتہائی احتیاط سے جاری ہے تاکہ کسی کیڈٹ کو نقصان نہ پہنچے۔
بھارتی دارالحکومت نئی دہلی میں دھماکہ، لال قلعہ میٹرو اسٹیشن کے قریب کار دھماکے میں 8 ہلاک، 11 زخمی
بھارتی دارالحکومت نئی دہلی میں لال قلعہ میٹرو اسٹیشن کے قریب ہونے والے خوفناک کار دھماکے نے شہر میں خوف و ہراس پھیلا دیا۔ دھماکے میں 8 افراد ہلاک اور 11 زخمی ہوئے، کئی گاڑیاں جل گئیں۔ پولیس اور بم ڈسپوزل اسکواڈ نے علاقے کو گھیرے میں لے لیا جبکہ دہلی اور ممبئی میں ہائی الرٹ جاری کر دیا گیا ہے۔ ابتدائی تحقیقات کے مطابق دہشت گردی کے امکان کو بھی زیرِ غور رکھا جا رہا ہے۔
پاکستان کو 6 نومبر کے پاک افغان مذاکرات سے مثبت نتائج کی امید ہے، دفترِ خارجہ
اسلام آباد میں دفترِ خارجہ کے ترجمان طاہر اندرابی نے کہا ہے کہ پاکستان کو 6 نومبر کو افغان طالبان کے ساتھ ہونے والے مذاکرات سے مثبت نتائج کی امید ہے۔ استنبول میں چار روزہ مذاکرات کے بعد پاکستان نے واضح کیا کہ افغان سرزمین دہشت گردی کے لیے استعمال نہیں ہونی چاہیے۔ ترجمان نے قطر اور ترکیہ کے کردار کو سراہتے ہوئے کہا کہ پاکستان خطے میں امن و استحکام کے لیے مذاکراتی عمل جاری رکھے گا۔