خیبرپختونخوا میں سیکیورٹی فورسز کی کارروائیاں، بھارتی حمایت یافتہ 4 دہشت گرد ہلاک، بھارتی حمایت یافتہ عناصر کی موجودگی کے خاتمے کے لیے سرچ اور کلیئرنس آپریشنز جاری
اسلام آباد (رئیس الاخبار) :— خیبر پختونخوا کے مختلف علاقوں میں سیکیورٹی فورسز نے کامیاب کارروائیاں کرتے ہوئے بھارتی حمایت یافتہ فتنۂ خوارج کے 4 دہشت گردوں کو ہلاک کر دیا۔
پاک فوج کے شعبہ تعلقات عامہ (آئی ایس پی آر) کے مطابق 17 اور 18 نومبر کے درمیان صوبے کے مختلف علاقوں میں متعدد انٹیلی جنس بیسڈ آپریشنز (IBOs) کیے گئے۔ کارروائیوں میں مارے جانے والے دہشت گرد بھارتی پراکسی نیٹ ورک سے تعلق رکھتے تھے اور ملک میں دہشت گردی کی مختلف وارداتوں میں ملوث تھے۔
باجوڑ میں اہم کارروائی
بیان کے مطابق سیکیورٹی فورسز نے باجوڑ میں خوارج کی موجودگی کی خفیہ اطلاع پر ٹارگٹڈ آپریشن کیا۔ کارروائی کے دوران فورسز نے دہشت گردوں کے ٹھکانے کو مؤثر انداز میں نشانہ بنایا، جس کے نتیجے میں فائرنگ کے تبادلے میں ایک خارجی دہشت گرد ہلاک ہو گیا۔
شمالی وزیرستان میں 2 دہشت گرد مارے گئے
آئی ایس پی آر کے مطابق شمالی وزیرستان کے علاقوں اسپین وام اور ذاکر خیل میں کیے گئے آپریشنز کے دوران مزید دو دہشت گرد ہلاک کر دیے گئے۔ یہ دہشت گرد بھارتی حمایت یافتہ نیٹ ورک کا حصہ تھے اور علاقے میں امن و امان کی صورتحال خراب کرنے کی کوششوں میں سرگرم تھے۔
ڈیرہ اسمٰعیل خان میں کارروائی، ایک دہشت گرد ہلاک
ایک اور انٹیلی جنس بیسڈ کارروائی ڈیرہ اسمٰعیل خان میں کی گئی، جہاں فائرنگ کے تبادلے میں ایک مزید دہشت گرد مارا گیا۔ خیبرپختونخوا میں سیکیورٹی فورسز کی کارروائیاں میں موقع سے اسلحہ و گولہ بارود بھی برآمد کر لیا۔
علاقے میں سرچ اینڈ کلیئرنس جاری
بیان میں کہا گیا کہ خیبرپختونخوا میں سیکیورٹی فورسز کی کارروائیاں کے بعد علاقے میں بھارتی حمایت یافتہ عناصر کی موجودگی کے خاتمے کے لیے سرچ اور کلیئرنس آپریشنز جاری ہیں، تاکہ ممکنہ خطرات کو مکمل طور پر ختم کیا جا سکے۔
آئی ایس پی آر کے مطابق سیکیورٹی فورسز اور قانون نافذ کرنے والے ادارے نیشنل ایکشن پلان کے تحت فیڈرل ایپکس کمیٹی کی منظور کردہ حکمتِ عملی "عزمِ استحکام” کے مطابق بیرونی حمایت یافتہ دہشت گردی کے مکمل خاتمے کے لیے بھرپور انداز میں کارروائیاں جاری رکھیں گے۔
In early hours of 18 November 2025, in a failed attempt to target innocent civilians in Bannu District, one kharji belonging to Indian Proxy Fitna Al Khwarij got eliminated while planting an improvised explosive device.
The incident highlights the growing desperation of the…
— DG ISPR (@OfficialDGISPR) November 19, 2025
One Response