وزارتِ اطلاعات میں اہم تقرری: اشفاق احمد خلیل وفاقی سیکرٹری اطلاعات و نشریات تعینات، میرٹ اور تجربے کی بنیاد پرعہدے کے لیے شارٹ لسٹ کیا گیا
اسلام آباد (رئیس الاخبار) :— حکومتِ پاکستان نے وزارتِ اطلاعات و نشریات میں اہم انتظامی تبدیلی کرتے ہوئے سینئر افسر اشفاق احمد خلیل کو وفاقی سیکرٹری اطلاعات و نشریات کے عہدے پر تعینات کر دیا ہے۔ وہ اس سے قبل وزارت میں ایڈیشنل سیکرٹری کے طور پر خدمات سرانجام دے رہے تھے۔
ذرائع کے مطابق اشفاق احمد خلیل کا شمار اُن افسران میں ہوتا ہے جنہوں نے وزارت اطلاعات کے مختلف ونگز میں کلیدی عہدوں پر فرائض انجام دیے۔ وہ پریس انفارمیشن ڈیپارٹمنٹ (پی آئی ڈی) پشاور میں ڈائریکٹر جنرل، پاکستان ایمبیسی ٹوکیو میں پریس قونصلر، ڈائریکٹوریٹ آف الیکٹرانک میڈیا اینڈ پبلی کیشنز، پیمرا، انفارمیشن سروس اکیڈمی اور دیگر متعلقہ اداروں میں بھی اہم ذمہ داریاں سنبھال چکے ہیں۔
وزیراعظم کی جانب سے شارٹ لسٹنگ کے بعد تقرری
اشفاق احمد خلیل وفاقی سیکرٹری اطلاعات تقرری سے قبل وزیراعظم محمد شہباز شریف نے وزارت اطلاعات کے سینئر افسران طارق خان، ارشد منیر، اشفاق احمد خلیل، عمرانہ وزیر اور سعید احمد شیخ کے انٹرویوز کیے۔ میرٹ اور تجربے کی بنیاد پر اشفاق احمد خلیل کو عہدے کے لیے شارٹ لسٹ کر کے وفاقی سیکرٹری تعینات کیا گیا۔
حکومتی حلقوں کے مطابق امید کی جا رہی ہے کہ اشفاق احمد خلیل وفاقی سیکرٹری اطلاعات تعیناتی کے بعد وزارت میں انتظامی اور پالیسی سطح پر تسلسل برقرار رہے گا جبکہ حکومتی رابطہ کاری اور میڈیا مینجمنٹ مزید مؤثر ہو گی۔
متعلقہ حکومتی ترجیح
حکومت کا کہنا ہے کہ تجربہ کار افسر کی تعیناتی کا مقصد وزارت اطلاعات کے کام کو مزید مستحکم کرنا، عوامی رابطہ کاری کو بہتر بنانا اور ریاستی بیانیے کو زیادہ مؤثر طریقے سے اجاگر کرنا ہے۔
وزارت اطلاعات کے سینئر افسر اشفاق احمد خلیل وفاقی سیکریٹری اطلاعات و نشریات کے عہدے پر تعینات
وزیراعظم محمد شہباز شریف کی منظوری کے بعد نوٹیفیکیشن جاری
اشفاق احمد خلیل اس سے قبل وزارت اطلاعات و نشریات میں ایڈیشنل سیکریٹری کے طور پر خدمات سرانجام دے رہے تھے
اشفاق احمد خلیل… pic.twitter.com/He5LQxskWv
— PTV News (@PTVNewsOfficial) November 24, 2025
