ٹی ٹوئنٹی ورلڈکپ: پاکستان کی شرکت پر فیصلہ کن مرحلہ، وزیراعظم شہباز شریف سے محسن نقوی کی ملاقات،وزیراعظم کو آئی سی سی کی پالیسیوں اور حالیہ فیصلوں پر بریفنگ
اسلام آباد : ٹی ٹوئنٹی ورلڈکپ میں پاکستان کی شرکت کے معاملے پر چیئرمین پاکستان کرکٹ بورڈ اور وفاقی وزیر داخلہ محسن نقوی نے وزیراعظم شہباز شریف سے اہم ملاقات کی، جس میں آئی سی سی کے مبینہ دہرے معیار، پاکستان اور بنگلا دیش کے مؤقف، اور ورلڈکپ میں شمولیت یا عدم شمولیت سے متعلق ممکنہ اثرات پر تفصیلی غور کیا گیا۔
محسن نقوی وزیراعظم شہباز شریف سے ملاقات کے لیے وزیراعظم ہاؤس پہنچے، جہاں انہوں نے وزیراعظم کو آئی سی سی کی پالیسیوں اور حالیہ فیصلوں پر بریفنگ دی۔
آئی سی سی کے دہرے معیار پر شدید تحفظات
ذرائع کے مطابق شہباز شریف سے محسن نقوی کی ملاقات میں چیئرمین پی سی بی نے وزیراعظم کو آگاہ کیا کہ:
آئی سی سی بھارت کے لیے ایک قانون جبکہ دیگر ممالک کے لیے دوسرا قانون نافذ کرتا ہے۔
انہوں نے بتایا کہ بھارت نے چیمپئنز ٹرافی کے دوران پاکستان آنے سے انکار کیا، جس پر آئی سی سی نے بھارت کو متبادل وینیو فراہم کیا، جبکہ اسی طرز کے سیکیورٹی خدشات پر بنگلا دیش کو ورلڈکپ سے باہر کر دیا گیا۔
بنگلا دیش کے ساتھ امتیازی سلوک
ذرائع کے مطابق شہباز شریف سے محسن نقوی کی ملاقات میں چیئرمین پی سی بی نے کہا کہ بنگلا دیش نے آئی سی سی کو بھارت میں سیکیورٹی خدشات کے باعث نہ جانے سے آگاہ کیا تھا، مگر اسے متبادل وینیو دینے کے بجائے ورلڈکپ سے باہر کر دیا گیا، جو واضح امتیازی رویہ ہے۔
مالی نقصان اور پاکستان کا مؤقف
محسن نقوی نے وزیراعظم کو بتایا کہ اگر پاکستان ورلڈکپ میں شرکت نہیں کرتا تو:
پاکستان کو شمولیت کے عوض ملنے والی خطیر رقم سے محروم ہونا پڑے گا
تاہم بھارت کے خلاف میچ نہ کھیلنے کی صورت میں زیادہ مالی نقصان بھارت اور آئی سی سی کو ہوگا
انہوں نے واضح کیا کہ:
"اگر ہم بھارت کے ساتھ میچ نہ کھیلیں تو نقصان بھارت کو زیادہ ہوگا، پاکستان کو نہیں۔”
بھارت کے خلاف میچ کے بائیکاٹ کا امکان
ذرائع کے مطابق پاکستان 15 فروری کو کولمبو میں بھارت کے خلاف شیڈول میچ کا بائیکاٹ کر سکتا ہے۔
بھارت کے خلاف میچ نہ کھیلنے کی صورت میں پاکستان کے صرف 2 پوائنٹس کٹ ہوں گے، جبکہ آئی سی سی کو بھاری مالی نقصان اٹھانا پڑے گا۔
ذرائع نے بتایا کہ:
پی سی بی کے پاس بھارت کے خلاف میچ نہ کھیلنے کا آپشن موجود ہے
ورلڈکپ میں شرکت کی صورت میں بھی پاکستان تمام آپشنز اوپن رکھے گا
وزیراعظم کا اعتماد
ذرائع کے مطابق شہباز شریف سے محسن نقوی کی ملاقات میں چیئرمین پی سی بی نے ورلڈکپ میں پاکستان کی شمولیت یا عدم شمولیت پر وزیراعظم کو مکمل طور پر اعتماد میں لیا۔
وزیراعظم شہباز شریف نے محسن نقوی پر مکمل اعتماد کا اظہار کرتے ہوئے کہا:
"ہم وہی فیصلہ کریں گے جو پاکستان اور بنگلا دیش کے مفاد میں ہوگا۔”
واضح رہے کہ آئی سی سی ورلڈکپ سے بنگلا دیش کی بے دخلی کے بعد پاکستان کرکٹ بورڈ نے احتجاج اور قانونی و سفارتی آپشنز پر غور شروع کر دیا ہے۔
BREAKING: PM SHEHBAZ SHARIF ALLOWS MOHSIN NAQVI TO TAKE PAKISTAN'S TEAM TO SRI LANKA FOR WORLD CUP 💚💚💚 pic.twitter.com/uvj6XsneLV
— Farid Khan (@_FaridKhan) January 26, 2026
