برطانوی وزیراعظم کیئر اسٹارمر مستعفی، لیبر پارٹی قیادت چھوڑنے کا بھی اعلان، اپنے فیصلے سے متعلق برطانیہ کے بادشاہ کنگ چارلس کو بھی آگاہ کر دیا
لندن: برطانوی وزیراعظم کیئر اسٹارمر نے عہدے سے مستعفی ہونے کا اعلان کرتے ہوئے کہا ہے کہ وہ لیبر پارٹی کی قیادت بھی چھوڑ رہے ہیں، تاہم نئے قائد کے انتخاب تک اپنی ذمہ داریاں انجام دیتے رہیں گے۔
ٹین ڈاؤننگ اسٹریٹ میں پریس بریفنگ کے دوران کیئر اسٹارمر نے کہا کہ گزشتہ کچھ عرصے سے مسلسل یہ تاثر دیا جا رہا تھا کہ لیبر پارٹی کمزور ہو چکی ہے اور اس کی عوامی حمایت میں کمی آ رہی ہے۔ انہوں نے کہا کہ پارٹی کے وسیع تر مفاد کو مدنظر رکھتے ہوئے وہ قیادت سے الگ ہونے کا فیصلہ کر رہے ہیں۔
کیئر اسٹارمر نے بتایا کہ انہوں نے اپنے فیصلے سے متعلق برطانیہ کے بادشاہ کنگ چارلس کو بھی آگاہ کر دیا ہے اور ان سے تفصیلی گفتگو کی ہے۔ انہوں نے واضح کیا کہ اقتدار کی منتقلی کے عمل کو منظم اور ہموار بنانے کے لیے وہ نئے قائد کے انتخاب تک وزارتِ عظمیٰ کے فرائض انجام دیتے رہیں گے۔
برطانوی وزیراعظم نے کہا کہ وہ اپنے جانشین کے ساتھ مکمل تعاون کریں گے تاکہ حکومت کے امور میں تسلسل برقرار رہے اور عوامی مفادات متاثر نہ ہوں۔ ان کا کہنا تھا کہ جمہوری عمل اور قومی استحکام کو یقینی بنانا ان کی اولین ترجیح ہے۔
واضح رہے کہ کیئر اسٹارمر نے 2024 کے عام انتخابات میں لیبر پارٹی کو تاریخی کامیابی دلائی تھی۔ اس کامیابی کے نتیجے میں 14 سال سے اقتدار میں موجود کنزرویٹو پارٹی کی حکومت کا خاتمہ ہوا اور لیبر پارٹی دوبارہ برسرِ اقتدار آئی۔
سیاسی مبصرین کے مطابق برطانوی وزیراعظم کیئر اسٹارمر مستعفی ہونا برطانوی سیاست میں ایک اہم موڑ ثابت ہو سکتا ہے، کیونکہ ان کی قیادت میں لیبر پارٹی نے نہ صرف اقتدار حاصل کیا بلکہ کئی اہم اصلاحات اور پالیسی اقدامات بھی متعارف کرائے۔
برطانیہ میں ایک دہائی کے دوران متعدد وزرائے اعظم تبدیل ہو چکے ہیں اوروزیراعظم کیئر اسٹارمر مستعفی ہونا اس سیاسی سلسلے کی ایک اور اہم کڑی قرار دیا جا رہا ہے۔ اب تمام نظریں لیبر پارٹی کی جانب سے نئے قائد کے انتخاب پر مرکوز ہیں، جو مستقبل میں ملک کی سیاسی سمت کا تعین کرے گا۔
BREAKING: Sir Keir Starmer has announced a timetable for his resignation as prime minister.
Live updates: https://t.co/0NZcBgSmUq pic.twitter.com/awlsBDQYLK
— Sky News (@SkyNews) June 22, 2026
READ MORE FAQS”
سوال: کیئر اسٹارمر نے استعفیٰ کیوں دیا؟
جواب: کیئر اسٹارمر کے مطابق انہوں نے پارٹی کی خواہش پر لیبر پارٹی کی قیادت چھوڑنے کا فیصلہ کیا ہے۔
سوال: کیا کیئر اسٹارمر فوری طور پر عہدہ چھوڑ رہے ہیں؟
جواب: نہیں، وہ نئے قائد کے انتخاب اور اقتدار کی منتقلی تک اپنے عہدے پر برقرار رہیں گے۔
سوال: کیئر اسٹارمر کب وزیراعظم بنے تھے؟
جواب: کیئر اسٹارمر 2024 کے عام انتخابات میں لیبر پارٹی کی تاریخی کامیابی کے بعد برطانیہ کے وزیراعظم بنے تھے۔
سوال: لیبر پارٹی کب اقتدار میں آئی تھی؟
جواب: لیبر پارٹی 4 جولائی 2024 کو 14 سال بعد دوبارہ اقتدار میں آئی تھی۔
سوال: برطانیہ میں اگلا وزیراعظم کیسے منتخب ہوگا؟
جواب: لیبر پارٹی اپنے داخلی انتخابی عمل کے ذریعے نئے قائد کا انتخاب کرے گی، جو بعد ازاں وزیراعظم کا عہدہ سنبھالے گا۔
