گنے کے کاشتکاروں کا احتجاج شوگر ملز کا 400 روپے فی من نرخ مسترد، یہ معاشی قتل ہے

گنے کے کاشتکار احتجاجی بینرز اٹھائے ریلی نکال رہے ہیں۔

گھوٹکی کے گنے کے کاشتکاروں نے شوگر ملز کی جانب سے مقرر کردہ 400 روپے فی من نرخ کو مسترد کر دیا ہے اور احتجاجی ریلی نکالی ہے۔ کسان رہنما آفتاب مزاری نے کہا کہ چینی کی قیمت کے مقابلے میں گنے کا یہ نرخ کسانوں کا معاشی نقصان اور قتل ہے۔ سجاول کی شوگر ملیں تاحال کرشنگ شروع نہیں کر سکیں۔

لاہور حافظ نعیم الرحمٰن کا اجتماع عام سے خطاب پاکستان کی خارجہ پالیسی آزاد ہو، امریکا کی غلامی نے ملک کو نقصان پہنچایا

لاہور حافظ نعیم الرحمٰن کا اجتماع عام سے خطاب

لاہور میں جماعت اسلامی پاکستان کے اجتماع عام ’بدل دو نظام‘ سے خطاب کرتے ہوئے امیر جماعت اسلامی حافظ نعیم الرحمٰن نے کہا کہ پاکستان کی خارجہ پالیسی مکمل طور پر آزاد اور خودمختار ہونی چاہیے، کیونکہ امریکا کی غلامی نے ملک کو شدید نقصان پہنچایا۔ انہوں نے کہا کہ بلوچستان اور خیبرپختونخوا کی موجودہ حالت بھی انہی پالیسیوں کا نتیجہ ہے۔ انہوں نے فلسطین پالیسی سے انحراف پر حکومت کو تنقید کا نشانہ بنایا اور خبردار کیا کہ کشمیر یا فلسطین پر کوئی سمجھوتہ قوم قبول نہیں کرے گی۔

وزیراعظم شہباز شریف کی زیر صدارت پاکستان ریلوے پر اجلاس، نظام کی بحالی اور اپ گریڈیشن کے اقدامات پر بریفنگ

شہباز شریف کی زیر صدارت پاکستان ریلوے پر اجلاس

اسلام آباد میں وزیراعظم محمد شہباز شریف کی زیر صدارت پاکستان ریلوے کے امور سے متعلق اہم اجلاس ہوا، جس میں ریلوے کی بحالی، جدید کاری، بین الاقوامی رابطوں اور آؤٹ سورسنگ کے جامع پلان پر تفصیلی بریفنگ دی گئی۔ وزیراعظم نے خطاب میں کہا کہ ریلوے کسی بھی ملک کی معیشت اور مواصلات کی ریڑھ کی ہڈی ہوتی ہے اور پاکستان ریلوے کو جدید خطوط پر استوار کرنے کے لیے اٹھائے گئے اقدامات قابل ستائش ہیں۔ انہوں نے وزیر ریلوے حنیف عباسی اور ان کی ٹیم کی کوششوں کو سراہتے ہوئے بین الاقوامی معیار کے قانونی و معاشی ماہرین کی خدمات لینے کی ہدایت کی۔

وزیراعلیٰ کےپی سہیل آفریدی: افغان قیادت کو کہوں گا حملے بند کریں، ہمارا جینا مرنا پاکستان کے ساتھ ہے

وزیراعلیٰ کےپی سہیل آفریدی کا افغان پالیسی اور سیکیورٹی امور پر بیان

وزیراعلیٰ خیبر پختونخوا سہیل آفریدی نے کہا ہے کہ اگر وہ افغانستان گئے تو افغان قیادت کو واضح طور پر بتائیں گے کہ ہم پختون، مسلمان اور پڑوسی ہیں، اس لیے پاکستان پر حملے بند کیے جائیں۔ انہوں نے کہا کہ پاکستان سے عشق ہمارا ایمان ہے اور ہماری وفاداری صرف ریاست پاکستان کے ساتھ ہے۔ ڈیفنس کاریسپونڈنٹس سے گفتگو کرتے ہوئے انہوں نے کہا کہ ہر مسئلے کا حل مذاکرات میں ہے اور اگر صوبے کو اعتماد میں لیا جائے تو مسائل تیزی سے حل ہوسکتے ہیں۔

[فرمان الہی]
[نماز کے اوقات]