سونے کی قیمت میں بڑا دھماکہ، فی تولہ 9,100 روپے مہنگا، نئی قیمت 4 لاکھ 28 ہزار روپے سے تجاوز کر گئی
کراچی: عالمی اور مقامی صرافہ بازاروں میں مسلسل پانچ کاروباری سیشنز کے بعد جمعرات کو سونے کی قیمت میں نمایاں اضافہ ریکارڈ کیا گیا، جس کے باعث سرمایہ کاروں اور خریداروں کو ایک مرتبہ پھر مہنگائی کے بڑے جھٹکے کا سامنا کرنا پڑا۔
بین الاقوامی بلین مارکیٹ میں فی اونس قیمت میں 91 ڈالر کا بڑا اضافہ ہوا، جس کے بعد عالمی سطح پر سونے کی نئی قیمت 4,063 ڈالر فی اونس تک پہنچ گئی۔
عالمی مارکیٹ میں ہونے والے اس اضافے کے اثرات پاکستان کی مقامی صرافہ مارکیٹ پر بھی واضح طور پر دیکھنے میں آئے، جہاں 24 قیراط فی تولہ 9,100 روپے کا نمایاں اضافہ ریکارڈ کیا گیا۔
صرافہ بازار کے مطابق اضافے کے بعد فی تولہ 4 لاکھ 28 ہزار 736 روپے ہو گئی، جو حالیہ عرصے کی بلند ترین سطحوں میں شمار کی جا رہی ہے۔
اسی طرح 10 گرام 24 قیراط سونے کی قیمت میں 7,802 روپے کا اضافہ ہوا، جس کے بعد نئی قیمت 3 لاکھ 67 ہزار 572 روپے مقرر کی گئی۔
دوسری جانب چاندی کی قیمتوں میں بھی اضافہ دیکھنے میں آیا۔ مقامی مارکیٹ میں فی تولہ چاندی 203 روپے مہنگی ہو کر 6 ہزار 445 روپے تک پہنچ گئی، جبکہ 10 گرام چاندی کی قیمت 174 روپے اضافے کے بعد 5 ہزار 525 روپے ہو گئی۔
ماہرین کے مطابق عالمی معاشی غیر یقینی صورتحال، ڈالر کی نقل و حرکت، مرکزی بینکوں کی پالیسیوں اور محفوظ سرمایہ کاری کی بڑھتی ہوئی طلب کے باعث سونے کی قیمتوں میں اتار چڑھاؤ جاری ہے۔
#NFP News Today
Yep, that lines up with what’s being reported.
*What happened:*
A new US-Iran ceasefire MoU was digitally signed by Trump + President Pezeshkian, mediated by Pakistan. It takes immediate effect with a 60-day timetable to negotiate a final settlement. Key points:… pic.twitter.com/CGoQUbUCtP
— Shayan Ali (@Shayan_2211) July 2, 2026
READ MORE FAQS”
سونے کی قیمت آج پاکستان میں کتنی ہے؟
پاکستان میں 24 قیراط فی تولہ 4 لاکھ 28 ہزار 736 روپے ہے۔
آج سونے کی قیمت میں کتنا اضافہ ہوا؟
آج فی تولہ قیمت میں 9,100 روپے اضافہ ریکارڈ کیا گیا۔
عالمی مارکیٹ میں سونے کی قیمت کتنی ہے؟
بین الاقوامی مارکیٹ میں فی اونس سونے کی قیمت 4,063 ڈالر ہوگئی ہے۔
کیا چاندی بھی مہنگی ہوئی ہے؟
جی ہاں، فی تولہ چاندی 203 روپے اضافے کے بعد 6,445 روپے ہوگئی ہے۔
سونے کی قیمت کیوں بڑھ رہی ہے؟
ماہرین کے مطابق عالمی معاشی غیر یقینی صورتحال، محفوظ سرمایہ کاری کی طلب اور عالمی مالیاتی رجحانات قیمتوں میں اضافے کی اہم وجوہات ہیں۔
