الیکشن کمیشن نے رانا ثناء اللہ کی بطور سینیٹر کامیابی کا نوٹیفکیشن جاری کر دیا ہے جو لاہور ہائیکورٹ کے فیصلے سے مشروط ہے۔ یہ نشست پی ٹی آئی سینیٹر اعجاز چوہدری کی نااہلی کے بعد خالی ہوئی تھی۔
وزیر اعظم شہباز شریف اور قازقستان کے نائب وزیر اعظم مورات نورتیلو کی ملاقات میں تجارت، سرمایہ کاری، توانائی، کنیکٹیویٹی اور سی پیک کے تحت تعاون بڑھانے پر تفصیلی بات چیت ہوئی۔ دونوں ملکوں نے مستقبل میں اہم معاہدوں اور ایم او یوز پر دستخط کرنے پر اتفاق کیا۔
میجر عدنان اسلم شہید نے بنوں میں دہشتگردوں کے خلاف آپریشن میں جامِ شہادت نوش کیا۔ ان کی نمازِ جنازہ راولپنڈی میں فوجی اعزاز کے ساتھ ادا کی گئی، جس میں وزیراعظم، فیلڈ مارشل جنرل عاصم منیر اور اعلیٰ قیادت نے شرکت کی۔ شہید کی قربانی دہشتگردی کے خلاف جنگ میں پاکستان کی ثابت قدمی کی ایک اور روشن مثال ہے۔
اسلام آباد کی ڈسٹرکٹ اینڈ سیشن کورٹ نے پاکستان تحریک انصاف کے بانی عمران خان اور ان کی اہلیہ بشریٰ بی بی کی عبوری ضمانت میں توسیع کر دی۔ عدالت نے عمران خان کو 9 مئی واقعات اور دیگر مقدمات میں گرفتاری سے روکنے کے حکم کو برقرار رکھا، جبکہ بشریٰ بی بی کی توشہ خانہ کیس میں ضمانت بھی 7 اکتوبر تک بڑھا دی گئی۔
جسٹس منصور علی شاہ کا خط چیف جسٹس پاکستان کو، چھ اہم سوالات پر وضاحت کا مطالبہ، عدلیہ میں شفافیت اور ادارہ جاتی خودمختاری پر زور۔
توشہ خانہ 2 کیس کی سماعت کل اڈیالہ جیل میں ہوگی جہاں بانی پی ٹی آئی اور بشری بی بی کیخلاف مزید گواہان کے بیانات ریکارڈ ہوں گے۔
اسلام آباد ہائی کورٹ کی فل کورٹ میٹنگ اختلافات اور تنازعات کے ساتھ ختم ہوئی۔ چیف جسٹس سرفراز ڈوگر کی سربراہی میں قواعد اکثریتی ووٹ سے منظور ہوئے جبکہ 5 ججوں نے کھل کر مخالفت کی۔ جسٹس بابر ستار اور جسٹس اعجاز اسحاق کے خطوط زیر بحث نہ لائے جانے پر عدالتی تقسیم اور شفافیت پر سوالات اٹھنے لگے۔
اسلام آباد میں ڈینگی کیسز تیزی سے بڑھنے لگے، صرف 24 گھنٹوں میں مزید 15 مریض سامنے آگئے، مجموعی تعداد 227 ہوگئی، دیہی و شہری علاقے متاثر۔
اڈیالہ جیل میں عمران خان کی نئی میڈیکل رپورٹ سامنے آگئی۔ کان اور دانت کے مسائل کے سوا مجموعی صحت بہتر قرار، 15 ڈاکٹرز نے معائنہ کیا۔
اسلام آباد اور راولپنڈی میں موسلادھار بارش کے نتیجے میں کئی علاقے زیرآب آگئے، سڑکیں تالاب کا منظر پیش کرنے لگیں جبکہ نالہ لئی میں پانی کی سطح تشویشناک حد تک بلند ہوگئی۔ واسا نے ایمرجنسی نافذ کرتے ہوئے عملے کو ہائی الرٹ کر دیا ہے۔
