مائیکروسافٹ کی سروسز 70 سے زائد ممالک میں متاثر، 40 کروڑ صارفین کو مشکلات کا سامنا

مائیکروسافٹ کی سروسز 70 سے زائد ممالک میں متاثر، 40 کروڑ صارفین کو مشکلات کا سامنا

مائیکروسافٹ نے دنیا کے 70 سے زائد ممالک میں اپنی مختلف سروسز میں آنے والے بڑے تعطل پر معذرت کرتے ہوئے کہا ہے کہ متاثرہ سروسز بتدریج بحال کی جا رہی ہیں۔ تعطل کے باعث آؤٹ لک، مائیکروسافٹ ٹیمز اور مصنوعی ذہانت کے ٹول کو پائلٹ سمیت مائیکروسافٹ 365 کی متعدد سہولیات متاثر ہوئیں۔

کمپنی کے مطابق یہ تکنیکی خرابی نیٹ ورک کی صلاحیت بڑھانے کے عمل کے دوران پیش آئی۔ مائیکروسافٹ نے واضح کیا کہ اس واقعے کا سائبر حملے یا مصنوعی ذہانت سے کوئی تعلق نہیں تھا۔

رپورٹس کے مطابق اس تعطل سے دنیا بھر میں کاروباری اداروں، سرکاری محکموں اور عام صارفین کو مشکلات کا سامنا کرنا پڑا۔ صارفین نے ای میلز بھیجنے اور وصول کرنے، آن لائن فائلوں تک رسائی اور کیلنڈر استعمال کرنے میں مسائل کی شکایات کیں۔

مائیکروسافٹ نے جمعے کی دوپہر تک سروسز کی بحالی میں حوصلہ افزا پیش رفت کی اطلاع دیتے ہوئے کہا کہ ای میل ٹریفک معمول کی سطح پر واپس آ رہی ہے، تاہم بحالی کا عمل بتدریج جاری ہے۔

آن لائن سروسز کی نگرانی کرنے والی ویب سائٹ ڈاؤن ڈیٹیکٹر کے مطابق 74 ممالک میں ایک لاکھ 40 ہزار سے زائد صارفین نے آؤٹ لک میں مسائل کی شکایات درج کرائیں۔ تاہم متاثرہ صارفین کی اصل تعداد کی باضابطہ تصدیق نہیں ہو سکی۔

اس تعطل کے اثرات دیگر ٹیکنالوجی کمپنیوں تک بھی پہنچے۔ اوپن اے آئی نے مائیکروسافٹ سروسز سے اپنے کنکشن میں مسئلے کی تحقیقات شروع کرنے کی اطلاع دی، جبکہ اینتھروپک نے بھی مشکلات کی نشاندہی کی۔

برطانیہ میں طبی خدمات، فارمیسیوں، پولیس اور تعلیمی اداروں سمیت مختلف شعبے متاثر ہوئے، جبکہ سنگاپور اور آسٹریلیا کے بعض سرکاری اداروں نے بھی سروسز میں رکاوٹوں کی اطلاع دی۔

سائبر سیکیورٹی ماہرین نے اس واقعے کو اہم یاددہانی قرار دیتے ہوئے کہا ہے کہ دنیا بھر کے کاروبار اور ضروری خدمات چند بڑی ٹیکنالوجی کمپنیوں پر بہت زیادہ انحصار کر رہی ہیں۔ ان کے مطابق ایسی بندش کاروباری سرگرمیوں، رابطوں اور روزمرہ خدمات کو بڑے پیمانے پر متاثر کر سکتی ہے۔

We are deeply sorry for the disruption this incident has caused our customers and partners. We know the trust they place in our services and take that responsibility extremely seriously. We are seeing broad recovery and stability across our services.

This was a technical issue not related to cyber or AI / agents. The incident was introduced by an issue during an earlier network capacity upgrade that surfaced following a recent network change. We have addressed the underlying issue and continue to restore service to remaining customers and regions.

Given the scale of demand, we restored services gradually, validating stability at each stage. While this took longer, it helped ensure a stable restoration.

We will provide a full post-incident report once our review is complete.
— Microsoft (@Microsoft) November 13, 2026