صدر زرداری کی وزیراعظم شہباز شریف سے ملاقات، سیاسی، معاشی اور سیکیورٹی صورتحال پر تبادلہ خیال

لاہور میں صدر زرداری کی وزیراعظم شہباز شریف سے ملاقات، سیاسی، معاشی اور سیکیورٹی صورتحال پر تبادلہ خیال

لاہور (14 نومبر 2026): صدر مملکت آصف علی زرداری نے وزیراعظم شہباز شریف سے لاہور میں ملاقات کی، جس میں ملک کی مجموعی سیاسی، معاشی اور سیکیورٹی صورتحال سمیت اہم قومی امور پر تبادلہ خیال کیا گیا۔

صدر مملکت آصف علی زرداری وزیراعظم شہباز شریف کی رہائش گاہ ماڈل ٹاؤن پہنچے، جہاں وزیراعظم نے ان کا پرتپاک استقبال کیا۔

وزیراعظم آفس سے جاری بیان کے مطابق ملاقات میں اتحادی جماعتوں کے درمیان باہمی تعاون، مشاورت کے تسلسل اور عوامی فلاح و بہبود کے منصوبوں پر پیش رفت کا جائزہ لیا گیا۔

اس موقع پر وزیراعظم شہباز شریف نے صدر مملکت کو اپنے حالیہ دورۂ ترکیہ اور موسمیاتی تبدیلی سے متعلق 31ویں کانفرنس آف پارٹیز (COP31) میں شرکت کے حوالے سے بھی آگاہ کیا۔

صدر زرداری کی وزیراعظم شہباز شریف سے ملاقات میں دونوں رہنماؤں نے ملک میں معاشی استحکام اور ترقیاتی عمل کو تیز کرنے کے لیے مشترکہ کوششیں جاری رکھنے کے عزم کا اعادہ کیا۔

ذرائع کے مطابق صدر مملکت اور وزیراعظم کے درمیان ملاقات ایک گھنٹے سے زائد وقت تک جاری رہی، جس میں ملکی سیاسی صورتحال سمیت دیگر اہم معاملات پر بھی گفتگو ہوئی۔

صدر زرداری کی وزیراعظم شہباز شریف سے ملاقات میں اسپیکر قومی اسمبلی سردار ایاز صادق، سابق وزیراعظم راجا پرویز اشرف، سینیٹر سلیم مانڈوی والا، وفاقی وزیر قانون اعظم نذیر تارڑ، وزیراعظم کے مشیر رانا ثنا اللہ اور رکن قومی اسمبلی حمزہ شہباز شریف بھی موجود تھے۔

صدر مملکت آصف علی زرداری کی لاہور میں ماڈل ٹاون میں وزیراعظم محمد شہباز شریف کی رہائش گاہ آمد

وزیراعظم محمد شہباز شریف نے صدر مملکت آصف علی زرداری کا پُرتپاک استقبال کیا۔

ملاقات میں ملک کی مجموعی سیاسی، معاشی اور سیکیورٹی صورتحال پر تفصیلی گفتگو

وزیراعظم نے صدر پاکستان کو اپنے دورہء ترکیہ اور 31ویں کانفرنس آف پارٹیز میں اپنے شرکت کے بارے میں بتایا۔

ملاقات میں اتحادی جماعتوں کے درمیان باہمی تعاون، مشاورت کے تسلسل اور عوامی فلاحی منصوبوں کی پیشرفت پر تبادلہ خیال کیا گیا

دونوں رہنماؤں نے ملک میں معاشی استحکام اور ترقیاتی عمل کو تیز کرنے کے لیے مل کر کام کرنے کے عزم کا اعادہ کیا

ملاقات میں سپیکر قومی اسمبلی سردار ایاز صادق،
 سابق وزیر اعظم  راجہ پرویز اشرف، سینیٹر سلیم مانڈوی والا، وزیر قانون اعظم نذیر تارڑ، وزیر اعظم کے مشیر رانا ثناللہ، اور ممبر قومی اسمبلی میاں حمزہ شہباز شریف موجود تھے۔
— The President of Pakistan (@PresOfPakistan) November 14, 2026