پاک بحریہ کا اینٹی شپ بیلسٹک میزائل کا کامیاب تجربہ، صدر، وزیراعظم اور آرمی چیف فیلڈ مارشل کی مبارکباد
پاک بحریہ نے ملکی دفاع کے حوالے سے ایک اور اہم سنگِ میل عبور کرتے ہوئے مقامی طور پر تیار کردہ بحری جہاز سے داغے جانے والے اینٹی شپ بیلسٹک میزائل کا کامیاب تجربہ کرلیا۔
اس تاریخی تجربے پر صدرِ مملکت، وزیرِاعظم، آرمی چیف اور دیگر عسکری قیادت نے سائنسدانوں اور انجینئرز کو مبارکباد دی۔
پاک بحریہ کا اینٹی شپ بیلسٹک میزائل — دوہری صلاحیت کا حامل ہتھیار
آئی ایس پی آر کے مطابق یہ جدید میزائل سمندر اور خشکی، دونوں اہداف کو انتہائی درستی (High Accuracy) کے ساتھ نشانہ بنانے کی صلاحیت رکھتا ہے۔
یہ نظام جدید رہنمائی (Guidance) کے آلات اور اعلیٰ درجے کی مانورنگ خصوصیات سے لیس ہے، جو دشمن کے بحری اور زمینی اثاثوں کے خلاف اسے انتہائی مؤثر بناتی ہیں۔
فلائٹ ٹیسٹ کی نگرانی اعلیٰ عسکری و تکنیکی قیادت نے کی
تجرباتی پرواز کے مشاہدے میں:
چیف آف دی نیول اسٹاف ایڈمرل نوید اشرف
سینئر سائنسدان
دفاعی انجینئرز
نے شرکت کی، جنہوں نے میزائل کے مختلف فیزز کا تکنیکی جائزہ لیا۔
آئی ایس پی آر کے مطابق پاک بحریہ کا اینٹی شپ بیلسٹک میزائل کا کامیاب تجربہ پاکستان کی تکنیکی مہارت اور قومی سلامتی کے تحفظ کے لیے پاک بحریہ کے غیر متزلزل عزم کا مظہر ہے۔
اعلیٰ قیادت کی مبارکباد
صدر آصف علی زرداری، وزیراعظم شہباز شریف، آرمی چیف فیلڈ مارشل عاصم منیر، چیئرمین جوائنٹ چیفس جنرل ساحر شمشاد مرزا اور سروس چیفس نے پاک بحریہ کا اینٹی شپ بیلسٹک میزائل کامیاب تجربے میں شریک تمام یونٹس، انجینئرز اور سائنسدانوں کو مبارکباد دیتے ہوئے اسے ملکی دفاع کے لیے اہم پیش رفت قرار دیا۔
فتح-4 کروز میزائل کا حالیہ تجربہ
واضح رہے کہ چند ماہ قبل 30 ستمبر کو پاک فوج نے 750 کلومیٹر تک مار کرنے والے مقامی طور پر تیار کردہ فتح-4 کروز میزائل کا بھی کامیاب تجربہ کیا تھا۔
یہ جدید میزائل:
جدید ایویونکس
اعلیٰ نیویگیشنل سسٹمز
زمین سے لگ کر پرواز (Terrain-Hugging Flight)
کی صلاحیت رکھتا ہے، جو اسے دشمن کے دفاعی سسٹمز سے بچنے اور ہدف پر انتہائی درستگی سے ضرب لگانے کے قابل بناتی ہے۔
دفاعی میدان میں پاکستان کی اہم پیش رفت
پے در پے کامیاب تجربات اس بات کی واضح دلیل ہیں کہ پاکستان نہ صرف مقامی سطح پر جدید دفاعی ٹیکنالوجی تیار کرنے کی صلاحیت رکھتا ہے بلکہ علاقائی سطح پر ایک مضبوط، مؤثر اور جدید دفاعی طاقت بن کر ابھر رہا ہے۔
#ISPR
Rawalpindi, 25 November, 2025#Pakistan Navy conducted a successful test flight of an indigenously developed ship launched Anti-Ship Ballistic Missile.
The weapon system is capable of engaging sea as well as ground targets with high precision. The system is equipped with… pic.twitter.com/8ypMOVLwlE
— Pakistan Armed Forces News 🇵🇰 (@PakistanFauj) November 25, 2025
