دو روزہ سرکاری دورے پر وزیراعظم شہباز شریف بحرین روانہ، پاک بحرین باہمی شراکت داری مضبوط بنانےکا عزم
وزیراعظم شہباز شریف اعلیٰ سطحی وفد کے ہمراہ دو روزہ سرکاری دورے پر بحرین روانہ ہوگئے ہیں، جہاں وہ بحرین کے بادشاہ حمد بن عیسیٰ الخلیفہ، ولی عہد و وزیراعظم شہزادہ سلمان بن حمد الخلیفہ اور نائب وزیراعظم شیخ خالد بن عبداللہ الخلیفہ سے اہم ملاقاتیں کریں گے۔ دفتر خارجہ کے مطابق یہ دورہ پاکستان اور بحرین کے دیرینہ تعلقات کی مضبوطی، نئی شراکت داری کی راہیں متعین کرنے اور دونوں ممالک کے درمیان نتائج پر مبنی تعاون کو فروغ دینے کے لیے انتہائی اہمیت رکھتا ہے۔
پاکستان اور سعودی عرب تعلقات مزید مضبوط بنانے پر اتفاق، وزیراعظم اور سعودی عسکری قیادت کی اہم ملاقات
اسلام آباد میں وزیراعظم شہباز شریف اور سعودی چیف آف جنرل اسٹاف جنرل فیاض بن حمید الرویلی کے درمیان اہم ملاقات ہوئی، جس میں اقتصادی، دفاعی اور سیکیورٹی تعاون کو مزید مضبوط بنانے پر اتفاق کیا گیا۔ ملاقات میں آرمی چیف فیلڈ مارشل عاصم منیر بھی موجود تھے۔ دونوں ممالک نے دہشت گردی کے خاتمے اور علاقائی استحکام کے لیے مشترکہ عزم کا اعادہ کیا۔
وزارتِ اطلاعات میں اہم تقرری: اشفاق احمد خلیل وفاقی سیکرٹری اطلاعات و نشریات تعینات
اسلام آباد میں وزارت اطلاعات کے سینئر افسر اشفاق احمد خلیل کو وفاقی سیکرٹری اطلاعات و نشریات کے عہدے پر تعینات کر دیا گیا ہے۔ اشفاق احمد خلیل اس سے قبل وزارت اطلاعات میں ایڈیشنل سیکرٹری کے طور پر خدمات سرانجام دے رہے تھے جبکہ وہ مختلف اہم ذمہ داریوں پر بھی فائز رہے ہیں۔ ان میں پریس انفارمیشن ڈیپارٹمنٹ (پی آئی ڈی) پشاور میں ڈائریکٹر جنرل، جاپان میں پاکستانی سفارتخانے میں پریس قونصلر، ڈائریکٹوریٹ آف الیکٹرانک میڈیا اینڈ پبلی کیشنز، پیمرا، انفارمیشن سروس اکیڈمی اور پی آئی ڈی کے اہم عہدے شامل ہیں۔
وزیراعظم شہباز شریف کی زیر صدارت پاکستان ریلوے پر اجلاس، نظام کی بحالی اور اپ گریڈیشن کے اقدامات پر بریفنگ
اسلام آباد میں وزیراعظم محمد شہباز شریف کی زیر صدارت پاکستان ریلوے کے امور سے متعلق اہم اجلاس ہوا، جس میں ریلوے کی بحالی، جدید کاری، بین الاقوامی رابطوں اور آؤٹ سورسنگ کے جامع پلان پر تفصیلی بریفنگ دی گئی۔ وزیراعظم نے خطاب میں کہا کہ ریلوے کسی بھی ملک کی معیشت اور مواصلات کی ریڑھ کی ہڈی ہوتی ہے اور پاکستان ریلوے کو جدید خطوط پر استوار کرنے کے لیے اٹھائے گئے اقدامات قابل ستائش ہیں۔ انہوں نے وزیر ریلوے حنیف عباسی اور ان کی ٹیم کی کوششوں کو سراہتے ہوئے بین الاقوامی معیار کے قانونی و معاشی ماہرین کی خدمات لینے کی ہدایت کی۔
350 فیصد ٹیرف کی دھمکی سے پاک بھارت جنگ رکی،ٹرمپ کا دعویٰ شہباز شریف کا فون کہا کہ لاکھوں جانیں بچائیں
سابق امریکی صدر ڈونلڈ ٹرمپ نے دعویٰ کیا ہے کہ مئی میں پاکستان اور بھارت کے درمیان ایٹمی جنگ کے خدشات ان کی جانب سے دونوں ممالک پر ’’350 فیصد ٹیرف‘‘ عائد کرنے کی دھمکی کے بعد ختم ہوئے۔ ٹرمپ کے مطابق وزیر اعظم شہباز شریف نے انہیں فون کر کے کہا کہ ’’آپ نے لاکھوں جانیں بچائیں‘‘۔ ٹرمپ نے کہا کہ بھارت اور پاکستان ایٹمی ہتھیاروں کے ساتھ جنگ کے دہانے پر تھے، تاہم ٹیرف کی دھمکی کے بعد دونوں ملک پیچھے ہٹ گئے۔ بھارت نے پہلے بھی ٹرمپ کے دعووں کی تردید کی ہے اور کہا ہے کہ کشیدگی کا خاتمہ علاقائی و سفارتی عوامل کی وجہ سے ہوا تھا۔
نبی کریم ﷺ کا اسوہ حسنہ رواداری اور امن کی عملی مثال ہے:وزیراعظم شہباز شریف کا عالمی یومِ برداشت پرخطاب
وزیراعظم شہباز شریف اسلام آباد میں رواداری اور برداشت کے عالمی دن کی تقریب سے اہم خطاب کر رہے ہیں جس میں انہوں نے نبی کریم ﷺ کے اسوہ حسنہ اور قائد اعظم کے نظریے کا حوالہ دیا۔
وزیراعظم آفس میں موسمیاتی تبدیلی پراعلیٰ سطحی اجلاس ،موسمیاتی تبدیلی سے نمٹنے کیلئے مربوط قومی حکمتِ عملی ناگزیر
وزیراعظم شہباز شریف نے آئندہ برس مون سون کے دوران ممکنہ جانی و مالی نقصانات سے بچنے کے لیے ابھی سے ہنگامی تیاری شروع کرنے کی ہدایت جاری کر دی ہے۔ اسلام آباد میں منعقدہ اجلاس کی صدارت کرتے ہوئے انہوں نے وزارتِ موسمیاتی تبدیلی، وزارتِ منصوبہ بندی اور این ڈی ایم اے کو ہدایت کی کہ صوبائی حکومتوں کے ساتھ مل کر موسمیاتی تبدیلی کے چیلنجز سے نمٹنے کیلئے مربوط حکمت عملی تیار کی جائے۔
اردن کے شاہ عبداللہ دوم کا راولپنڈی میں جی آئی ڈی ایس کا دورہ،پاکستانی دفاعی صلاحیتوں اور جدید ٹیکنالوجی کی کھل کر تعریف
اردن کے شاہ عبداللہ دوم نے راولپنڈی میں جی آئی ڈی ایس کا دورہ کیا اور پاک فوج کی فائر اینڈ منور ایکسرسائز کا معائنہ کیا۔ فیلڈ مارشل عاصم منیر نے انہیں پاکستانی دفاعی صنعت پر بریفنگ دی، جبکہ وزیراعظم شہباز شریف بھی ٹلہ فائرنگ رینج میں موجود تھے۔
اردن کے بادشاہ شاہ عبداللہ دوم پاکستان کے دو روزہ سرکاری دورے پر اسلام آباد پہنچ گئے
اردن کے بادشاہ شاہ عبداللہ دوم وزیرِ اعظم شہباز شریف کی دعوت پر دو روزہ سرکاری دورے پر اسلام آباد پہنچ گئے۔ وزیراعظم ہاؤس میں گارڈ آف آنر پیش کیا گیا اور دونوں ممالک کے درمیان سیاسی، اقتصادی اور سیکیورٹی تعاون پر اہم مذاکرات ہوں گے۔
وزیراعظم شہباز شریف نے وفاقی کابینہ کا ہنگامی اجلاس طلب کر لیا
وزیراعظم شہباز شریف نے ملک کی مجموعی سیکیورٹی صورتحال کے پیش نظر وفاقی کابینہ کا ہنگامی اجلاس طلب کر لیا۔ ذرائع کے مطابق اجلاس میں قومی سلامتی، حالیہ دہشت گردی کے واقعات، اور پاک–افغان تعلقات پر تفصیلی بریفنگ دی جائے گی۔