شمالی وزیرستان میں سکیورٹی فورسز کے آپریشنز، 16 خوارج ہلاک، پاک فوج کے 2 جوان شہید

شمالی وزیرستان میں سکیورٹی فورسز کے آپریشن کے دوران پاک فوج کے جوان

شمالی وزیرستان میں سکیورٹی فورسز کے آپریشنز، 16 خوارج ہلاک، پاک فوج کے 2 جوان شہید

راولپنڈی (14 نومبر 2026): شمالی وزیرستان کے مختلف علاقوں میں سکیورٹی فورسز کی انٹیلی جنس بیسڈ کارروائیوں کے دوران 16 خوارج ہلاک جبکہ پاک فوج کے دو جوان شہید ہوگئے۔

وزیراعظم شہباز شریف پاکستان منرلز انویسٹمنٹ فورم 2026 سے خطاب کرتے ہوئے
وزیراعظم شہباز شریف کا معدنیات کے شعبے میں سرمایہ کاری اور مقامی پراسیسنگ پر زور۔

پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے شمالی وزیرستان کے علاقوں میر علی، دتہ خیل اور گردونواح میں انٹیلی جنس بیسڈ آپریشنز کیے، جن کے دوران فتنہ الخوارج کے متعدد ٹھکانوں کو نشانہ بنایا گیا۔

آئی ایس پی آر کے مطابق گزشتہ 12 گھنٹوں کے دوران فائرنگ کے شدید تبادلے کے بعد علی خیل کے علاقے میں 12 خوارج ہلاک ہوئے، جن میں دو افغان شہری بھی شامل ہیں۔

اسی طرح میر علی اور دتہ خیل کے علاقوں میں ہونے والی کارروائیوں کے دوران مزید دو، دو خوارج مارے گئے، جس کے بعد ہلاک ہونے والوں کی مجموعی تعداد 16 ہوگئی۔

ترجمان پاک فوج کے مطابق آپریشنز کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کیا گیا۔ ہلاک ہونے والے خوارج مبینہ طور پر معصوم شہریوں کے قتل سمیت دہشت گردی کی متعدد کارروائیوں میں ملوث تھے۔

آئی ایس پی آر نے بتایا کہ کارروائیوں کے دوران پاک فوج کے دو جوان بہادری سے لڑتے ہوئے شہید ہوگئے۔ شہداء میں ضلع صوابی سے تعلق رکھنے والے 43 سالہ حوالدار عصمت علی اور ضلع مردان کے 32 سالہ نائیک آفتاب علی شامل ہیں۔

ترجمان کے مطابق علاقے میں ممکنہ طور پر موجود دیگر دہشت گردوں کے خاتمے کے لیے کلیئرنس اور سینیٹائزیشن آپریشنز جاری ہیں۔


READ MORE FAQS”

سوال 1: شمالی وزیرستان میں سکیورٹی فورسز کے آپریشنز کے دوران کتنے خوارج ہلاک ہوئے؟

جواب: آئی ایس پی آر کے مطابق مختلف کارروائیوں کے دوران مجموعی طور پر 16 خوارج ہلاک ہوئے۔

سوال 2: آپریشنز کے دوران پاک فوج کے کتنے جوان شہید ہوئے؟

جواب: شمالی وزیرستان میں کارروائیوں کے دوران پاک فوج کے دو جوان شہید ہوئے۔

سوال 3: شہید ہونے والے پاک فوج کے جوانوں کے نام کیا ہیں؟

جواب: شہداء میں ضلع صوابی کے 43 سالہ حوالدار عصمت علی اور ضلع مردان کے 32 سالہ نائیک آفتاب علی شامل ہیں۔

سوال 4: شمالی وزیرستان کے کن علاقوں میں آپریشنز کیے گئے؟

جواب: آئی ایس پی آر کے مطابق سکیورٹی فورسز نے میر علی، دتہ خیل، علی خیل اور گردونواح میں انٹیلی جنس بیسڈ آپریشنز کیے۔

وَأَقِيمُوا الصَّلَاةَ وَآتُوا الزَّكَاةَ وَركَعُوا مَعَ الرَّاكِعِينَ

فجر05:13 AM
طلوع آفتاب06:39 AM
ظہر11:52 AM
عصر02:45 PM
مغرب05:05 PM
عشاء06:31 PM
اے ایمان والو! اگر کوئی فاسق تمہارے پاس کوئی خبر لے کر آئے، تو خوب تحقیق کر لیا کرو، ایسا نہ ہو کہ تم کسی قوم کو نادانی میں نقصان پہنچا بیٹھو، پھر اپنے کیے پر پچھتاتے رہو۔  الحجرات: 6