اڈیالہ جیل سے عمران خان کا ایکس اکاؤنٹ چلانے کی تردید، سپرنٹنڈنٹ کا اہم جواب عدالت میں جمع

اڈیالہ جیل عمران خان کا ایکس اکاؤنٹ چلانے کی تردید

اڈیالہ جیل کے سپرنٹنڈنٹ نے اسلام آباد ہائی کورٹ میں جواب جمع کراتے ہوئے کہا ہے کہ پاکستان تحریک انصاف کے بانی عمران خان کا ’ایکس‘ اکاؤنٹ جیل سے آپریٹ نہیں ہو رہا۔ سپرنٹنڈنٹ کے مطابق عمران خان جیل میں سخت نگرانی میں ہیں اور موبائل سمیت کسی بھی ممنوعہ چیز کی اجازت نہیں۔ جیل رولز کے مطابق صرف فیملی اور وکلا کے ساتھ ملاقاتیں ممکن ہیں، جبکہ سیاسی ہدایات سے معاشرتی تشدد کے خطرات کا بھی ذکر کیا گیا ہے۔

انٹیلی جنس بنیاد پرسیکیورٹی فورسز کا بنوں میں کامیاب آپریشن، 22 دہشت گرد ہلاک

سیکیورٹی فورسز کا بنوں میں کامیاب آپریشن

خیبر پختونخوا کے ضلع بنوں میں سیکیورٹی فورسز نے انٹیلی جنس بنیاد پر کامیاب آپریشن (آئی بی او) کرتے ہوئے بھارتی اسپانسرڈ فتنۃ الخوارج کے 22 دہشت گرد ہلاک کر دیے۔ آئی ایس پی آر کے مطابق یہ کارروائی اس اطلاع پر کی گئی کہ بھارتی پراکسی خوارج علاقے میں موجود ہیں۔ شدید فائرنگ کے تبادلے کے بعد سیکیورٹی فورسز نے ٹھکانے کو مؤثر انداز میں نشانہ بنایا۔

ڈھاکہ میں ایچ ای سی کے تعاون سے پاکستان ایجوکیشن ایکسپو کا کامیاب انعقاد، 500 اسکالرشپ کا وعدہ

ڈھاکہ میں پاکستان ایجوکیشن ایکسپو کا ایک منظر جہاں طلباء کی بڑی تعداد بوتھ کا دورہ

پاکستان ہائی کمیشن اور ایچ ای سی نے ڈھاکہ میں پاکستان ایجوکیشن ایکسپو کی میزبانی کی، جو پاک بنگلہ دیش نالج کوریڈور کا حصہ ہے۔ اس موقع پر بنگلہ دیشی طلباء کے لیے 500 اسکالرشپ کا اعلان کیا گیا، اور یہ ایکسپو دیگر بڑے شہروں میں بھی منعقد ہوگا۔

پاکستان اور سعودی عرب تعلقات مزید مضبوط بنانے پر اتفاق، وزیراعظم اور سعودی عسکری قیادت کی اہم ملاقات

وزیراعظم اور سعودی عسکری قیادت کی اہم ملاقات

اسلام آباد میں وزیراعظم شہباز شریف اور سعودی چیف آف جنرل اسٹاف جنرل فیاض بن حمید الرویلی کے درمیان اہم ملاقات ہوئی، جس میں اقتصادی، دفاعی اور سیکیورٹی تعاون کو مزید مضبوط بنانے پر اتفاق کیا گیا۔ ملاقات میں آرمی چیف فیلڈ مارشل عاصم منیر بھی موجود تھے۔ دونوں ممالک نے دہشت گردی کے خاتمے اور علاقائی استحکام کے لیے مشترکہ عزم کا اعادہ کیا۔

وزارتِ اطلاعات میں اہم تقرری: اشفاق احمد خلیل وفاقی سیکرٹری اطلاعات و نشریات تعینات

اشفاق احمد خلیل وفاقی سیکرٹری اطلاعات تعینات

اسلام آباد میں وزارت اطلاعات کے سینئر افسر اشفاق احمد خلیل کو وفاقی سیکرٹری اطلاعات و نشریات کے عہدے پر تعینات کر دیا گیا ہے۔ اشفاق احمد خلیل اس سے قبل وزارت اطلاعات میں ایڈیشنل سیکرٹری کے طور پر خدمات سرانجام دے رہے تھے جبکہ وہ مختلف اہم ذمہ داریوں پر بھی فائز رہے ہیں۔ ان میں پریس انفارمیشن ڈیپارٹمنٹ (پی آئی ڈی) پشاور میں ڈائریکٹر جنرل، جاپان میں پاکستانی سفارتخانے میں پریس قونصلر، ڈائریکٹوریٹ آف الیکٹرانک میڈیا اینڈ پبلی کیشنز، پیمرا، انفارمیشن سروس اکیڈمی اور پی آئی ڈی کے اہم عہدے شامل ہیں۔

ضمنی الیکشن میں تاریخی فتح آج نہ فیض حمید ہے نا وہ ججز جو پی ٹی آئی کو جتواتے تھے:مریم نواز کا بیان

وزیراعلیٰ پنجاب مریم نواز کا بیان

وزیر اعلیٰ پنجاب مریم نواز کا بیان ہے کہ مسلم لیگ ن نے بیانیے پر نہیں کارکردگی پر ضمنی الیکشن جیتا۔ انہوں نے تنقید کرتے ہوئے کہا کہ آج نہ فیض حمید ہے اور نہ وہ ججز جو پی ٹی آئی کو الیکشن جتواتے تھے، اسی لیے مقبولیت کے دعوے زمین بوس ہو گئے۔

[فرمان الہی]
[نماز کے اوقات]