اسحاق ڈار اور عباس عراقچی کا ٹیلیفونک رابطہ، پاکستان نے مذاکرات اور سفارتکاری پر زور دیا

اسحاق ڈار اور عباس عراقچی کا ٹیلیفونک رابطہ، پاکستان نے مذاکرات اور سفارتکاری پر زور دیا

اسلام آباد: نائب وزیراعظم و وزیر خارجہ اسحاق ڈار اور ایرانی وزیر خارجہ عباس عراقچی کے درمیان ٹیلیفونک رابطہ ہوا، جس میں خطے کی موجودہ سیکیورٹی صورتحال، ایران اور امریکا کے درمیان کشیدگی اور امن کے لیے سفارتی کوششوں پر تفصیلی تبادلہ خیال کیا گیا۔

ترجمان دفتر خارجہ کے مطابق اسحاق ڈار اور عباس عراقچی کا ٹیلیفونک رابطہ کے دوران اسحاق ڈار نے زور دیا کہ تمام فریق اسلام آباد مفاہمتی یادداشت (ایم او یو) کے تحت تحمل، کشیدگی میں کمی اور مذاکرات کا راستہ اختیار کریں۔ انہوں نے کہا کہ موجودہ تنازعات کا دیرپا اور مؤثر حل صرف سفارتکاری اور بات چیت کے ذریعے ہی ممکن ہے۔

وزیر خارجہ نے اس عزم کا اعادہ کیا کہ پاکستان خطے میں امن، استحکام اور کشیدگی کے خاتمے کے لیے اپنا مثبت اور تعمیری کردار جاری رکھے گا۔ انہوں نے کہا کہ پاکستان ہمیشہ مسائل کے پرامن حل، باہمی احترام اور سفارتی ذرائع کو ترجیح دیتا ہے۔

ترجمان دفتر خارجہ کے مطابق دونوں رہنماؤں نے خطے کی مجموعی صورتحال پر بھی تبادلہ خیال کیا اور اس بات پر اتفاق کیا کہ موجودہ حالات میں مسلسل رابطے اور مشاورت انتہائی اہم ہیں تاکہ کشیدگی میں مزید اضافہ روکا جا سکے۔

اسحاق ڈار اور عباس عراقچی کا ٹیلیفونک رابطہ کے اختتام پر اسحاق ڈار اور عباس عراقچی نے باہمی رابطے برقرار رکھنے، سفارتی مشاورت جاری رکھنے اور علاقائی امن و استحکام کے لیے مشترکہ کوششیں جاری رکھنے پر اتفاق کیا۔

پاکستان کا مؤقف ہے کہ خطے میں پائیدار امن کے لیے تمام متعلقہ فریقوں کو مذاکرات، سفارتکاری اور بین الاقوامی قوانین کے مطابق تنازعات کے حل کی جانب پیش رفت کرنی چاہیے۔

Deputy Prime Minister/Foreign Minister Senator Mohammad Ishaq Dar @MIshaqDar50 held a telephone conversation today with His Excellency Seyyed Abbas Araghchi, Foreign Minister of the Islamic Republic of Iran. @araghchi

Both leaders exchanged views on the evolving regional… pic.twitter.com/WuRxnROwwp
— Ministry of Foreign Affairs - Pakistan (@ForeignOfficePk) July 12, 2026