کراچی پولیس نے انکشاف کیا ہے کہ منشیات کیس میں گرفتار انمول عرف پنکی کے نیٹ ورک میں افریقہ کے 6 افراد بھی شامل ہیں۔ پولیس کے مطابق منشیات بیرون ملک سے آتی تھیں جبکہ کیس کی مزید تفتیش جاری ہے۔
پی ڈی ایم اے پنجاب نے لاہور، راولپنڈی، ملتان، بہاولپور اور دیگر شہروں میں تیز ہواؤں، گرج چمک، موسلا دھار بارش اور ژالہ باری کا الرٹ جاری کردیا۔ شہریوں کو غیر ضروری سفر سے گریز کی ہدایت کی گئی ہے۔
وزارت خزانہ نے قومی اسمبلی میں رپورٹ پیش کرتے ہوئے خبردار کیا ہے کہ مشرق وسطیٰ کی موجودہ صورتحال اور پٹرولیم مصنوعات کی بڑھتی قیمتیں پاکستان کی معیشت پر منفی اثرات ڈال سکتی ہیں۔ حکومت نے صورتحال سے نمٹنے کیلئے اعلیٰ سطحی کمیٹی قائم کردی۔
وزیراعظم شہباز شریف سے چینی کمپنی آئی بی آئی کے اعلیٰ سطح وفد نے ملاقات کی، جس میں پاکستان میں ڈیجیٹل اکانومی ہیڈکوارٹر قائم کرنے اور سرمایہ کاری بڑھانے پر تبادلہ خیال کیا گیا۔
عالمی مارکیٹ میں سونے کی قیمتوں میں نمایاں کمی ریکارڈ کی گئی ہے، جہاں فی اونس سونا 4619 ڈالر تک گر گیا۔ ماہرین کے مطابق تیل کی بلند قیمتیں، مضبوط ڈالر اور شرح سود میں کمی کی امیدیں کمزور ہونے سے گولڈ مارکیٹ دباؤ کا شکار ہے۔
حکومت نے ایف بی آر کو ایسے سرکاری افسران کی تحقیقات کا اختیار دینے کا فیصلہ کیا ہے جن کے اثاثے آمدن سے زائد ہوں۔ AI پر مبنی نیا نظام غیر معمولی مالی اضافہ ہونے پر ریڈ فلیگ الرٹس جاری کرے گا۔
پاکستان کرکٹ ٹیم کے سابق کپتان شاہد آفریدی کو کھیلوں کے میدان میں نمایاں خدمات پر ہلال امتیاز سے نواز دیا گیا۔ شاہد آفریدی نے ایوارڈ کو پوری پاکستانی قوم اور شہداء کے نام کرتے ہوئے مداحوں کا شکریہ ادا کیا۔
سپریم جوڈیشل کونسل کے اجلاس میں ججز کے خلاف 23 شکایات کا جائزہ لے کر نمٹا دیا گیا۔ اجلاس چیف جسٹس یحییٰ آفریدی کی سربراہی میں ہوا جبکہ مختلف اعلیٰ عدالتی ججز نے شرکت کی۔
پاکستان میں سونے اور چاندی کی قیمتوں میں اضافے کا سلسلہ جاری ہے۔ فی تولہ سونا ایک ہزار روپے مہنگا ہوکر 4 لاکھ 92 ہزار 362 روپے تک پہنچ گیا جبکہ چاندی کی قیمتوں میں بھی نمایاں اضافہ ریکارڈ کیا گیا۔
قطر سے ایل این جی لے کر آنے والا دوسرا جہاز آبنائے ہرمز عبور کرکے کراچی پہنچ گیا۔ ذرائع کے مطابق ایران جنگ کے بعد اب تک امریکہ، متحدہ عرب امارات اور قطر سے تین ایل این جی جہاز پورٹ قاسم پہنچ چکے ہیں۔
