وزیراعلیٰ پنجاب مریم نواز شریف نے بلوچستان کے دورے کے دوران سکیورٹی فورسز کے لیے 10 ارب روپے کی مالی معاونت کا اعلان کر دیا۔
عالمی اور مقامی مارکیٹوں میں سونے کی قیمتوں میں مزید اضافہ ریکارڈ کیا گیا ہے۔ بین الاقوامی بلین مارکیٹ میں فی اونس سونا 15 ڈالر مہنگا ہو کر 5,035 ڈالر تک پہنچ گیا جبکہ پاکستان میں فی تولہ سونے کی قیمت 1,500 روپے بڑھ کر 526,262 روپے ہو گئی، تاہم چاندی کی قیمتیں مستحکم رہیں۔
سپریم کورٹ نے بیرسٹر سلمان صفدر کو بانی پی ٹی آئی سے ملاقات کی اجازت دے دی، جیل سہولیات اور لیونگ کنڈیشن سے متعلق تفصیلی رپورٹ طلب کر لی۔
پی ایس ایل کی فرنچائز ملتان سلطانز 2 ارب 45 کروڑ روپے میں فروخت ہو گئی، ولی ٹیک نے ریکارڈ بولی لگا کر ٹیم خرید لی اور نام تبدیل کر کے راولپنڈی رکھ دیا۔
اسلامی نظریاتی کونسل نے رمضان المبارک کے لیے صدقہ فطر اور فدیہ صوم کی نئی شرحیں جاری کر دیں۔ کم از کم رقم 300 روپے مقرر کی گئی ہے جبکہ صاحبِ حیثیت افراد کو زیادہ ادائیگی کی ترغیب دی گئی ہے۔
این سی سی آئی اے نے سوشل میڈیا پر فتنۃ الہندوستان بیانیہ پھیلانے کے الزام میں ریڈیو پاکستان کے سابق ملازم کو گرفتار کر لیا۔ عدالت نے جسمانی ریمانڈ منظور کرتے ہوئے ڈیجیٹل شواہد کے تجزیے کی اجازت دے دی۔
ورلڈ بینک نے پاکستان ترقیاتی پروگرام کے لیے 10 سالہ مالی حمایت کا اعادہ کرتے ہوئے توانائی، تعلیم اور صحت سمیت مختلف شعبوں میں تعاون جاری رکھنے کا اعلان کیا ہے۔
راولپنڈی میں امن و امان کی صورتحال کے پیش نظر دفعہ 144 میں مزید 15 روز کی توسیع کر دی گئی ہے۔ ڈپٹی کمشنر حسن وقار چیمہ کے جاری کردہ نوٹیفکیشن کے مطابق 21 فروری تک جلسے، جلوس، ریلیاں، اسلحے کی نمائش اور لاؤڈ اسپیکر کے استعمال پر مکمل پابندی برقرار رہے گی۔
وفاقی وزیرداخلہ محسن نقوی نے انکشاف کیا ہے کہ اس وقت 21 بین الاقوامی دہشت گرد تنظیمیں افغانستان سے آپریٹ ہو رہی ہیں جبکہ دہشت گردوں کی فنڈنگ اور ٹارگٹس بھارت فراہم کر رہا ہے۔ انہوں نے کہا کہ حالیہ خودکش حملے نے تمام شکوک ختم کر دیے ہیں اور داعش، ٹی ٹی پی، افغان طالبان سمیت مختلف گروہوں کے گٹھ جوڑ کے ناقابل تردید شواہد سامنے آ چکے ہیں۔
خیبرپختونخوا میں سیکیورٹی فورسز کی دو الگ الگ کارروائیوں کے دوران 24 خوارج ہلاک کر دیے گئے۔ آئی ایس پی آر کے مطابق آپریشنز ضلع اورکزئی اور خیبر میں کیے گئے جبکہ علاقے میں کلیئرنس آپریشن جاری ہے۔
