خیبرپختونخوا اسمبلی کے سپیکر نے ارکان اسمبلی کی سکیورٹی واپس لینے کے معاملے پر سخت نوٹس لیتے ہوئے ہوم اینڈ ٹرائبل افیئرز ڈیپارٹمنٹ اور آئی جی کو مراسلہ بھیج دیا۔ مراسلے میں سکیورٹی کو ارکان کا قانونی حق قرار دیتے ہوئے اسے واپس نہ لینے کی ہدایت کی گئی ہے۔
وفاقی ایئرپورٹ ہیلتھ ڈیپارٹمنٹ کے مطابق عمرہ زائرین کے لیے ویکسی نیشن کے بغیر سفر کی تاریخ میں مزید 15 دن کی توسیع کر دی گئی ہے۔ فوکل پرسن ڈاکٹر سید مرتضیٰ شاہ بخاری کے مطابق اب زائرین 10 اکتوبر تک بغیر ویکسی نیشن سفر کر سکتے ہیں۔
پاکستانی فضائی حدود میں داخل ہونے والے افغان طالبان رجیم کے 8 ڈرونز پاک فوج کے ایئر ڈیفنس سسٹم نے مار گرائے۔ 4 ڈرونز طورخم اور 4 کوہاٹ سرحدی علاقوں میں تباہ کیے گئے، عوامی مقامات کو نشانہ بنانے کی کوشش ناکام۔
لیفٹیننٹ جنرل ریٹائرڈ نعمان محمود کو مکہ مشترکہ دفاعی معاہدے کے تحت پہلا سیکرٹری جنرل مقرر کر دیا گیا ہے۔ وزارت خارجہ کے مطابق وہ ریاض میں قائم کیے جانے والے اتحاد کے جنرل سیکرٹریٹ کی قیادت کریں گے۔ یہ سہ فریقی دفاعی معاہدہ سعودی عرب، پاکستان اور ترکیہ کے درمیان طے پایا ہے۔
سیکرٹری داخلہ پنجاب نے دفعہ 144 کے تحت صوبہ بھر میں عوامی اجتماعات، جلسے، جلوس، دھرنے اور ہتھیاروں کی نمائش پر پابندی کا نوٹیفیکیشن جاری کر دیا۔ یہ پابندی 23 ستمبر سے 5 اکتوبر تک نافذ العمل رہے گی، تاہم شادی، نماز جنازہ اور مذہبی اجتماعات کو استثنا حاصل ہوگا۔
پنجاب اور خیبرپختونخوا کے مختلف تعلیمی بورڈز نے انٹرمیڈیٹ پارٹ ٹو سالانہ امتحانات 2026 کے نتائج جاری کردیے، پوزیشن ہولڈرز کے نام بھی سامنے آگئے۔
NCCIA نے اسلام آباد کے E-11 اور G-10 میں تین مبینہ غیر قانونی کال سینٹرز پر چھاپے مار کر 212 پاکستانی اور چینی شہریوں کو حراست میں لے لیا۔
موٹروے پولیس کے مطابق ایم ون، ایم 14 اور جی ٹی روڈ سمیت اہم قومی شاہراہیں آج شام سے ہر قسم کی ٹریفک کے لیے مکمل بند رہیں گی۔ ایم 2 پر بڑی گاڑیوں کا داخلہ بھی بند کر کے انہیں جی ٹی روڈ پر ڈائیورٹ کیا جائے گا۔
موٹروے پولیس نے 23 ستمبر کی شام سے M-1، M-14 اور جی ٹی روڈ N-5 کے مختلف حصوں کو بند رکھنے کی ٹریفک ایڈوائزری جاری کردی۔
فیلڈ مارشل سید عاصم منیر سے فرانس کے سیکرٹری جنرل برائے دفاع و قومی سلامتی اور فرانسیسی سفیر کی ملاقات ہوئی، جس میں علاقائی سلامتی اور دفاع و سکیورٹی کے شعبوں میں دوطرفہ تعاون پر بات چیت کی گئی۔ فرانسیسی حکام نے علاقائی امن کے فروغ کے لیے پاکستان کی کوششوں کا اعتراف کیا۔
آئی ایس پی آر کے مطابق پاک روس مشترکہ فوجی مشق دروزبہ 9 چراٹ میں اور پاک عمان مشترکہ مشق وشاق الجبل 2 پبی میں شروع ہو گئی۔ دو ہفتوں پر محیط ان مشقوں میں پاکستانی، روسی اور عمانی افواج کے دستے انسدادِ دہشتگردی کی تربیت میں حصہ لیں گے۔
پاکستان میں سونے کی قیمت میں مزید 1,800 روپے کمی ہوگئی، جس کے بعد فی تولہ سونا 4 لاکھ 55 ہزار 736 روپے جبکہ چاندی 7 ہزار 107 روپے ہوگئی۔
بلوچستان کے تحصیل مند میں کسٹمز اسٹیشن پر مسلح افراد نے حملہ کرتے ہوئے دفتر کو آگ لگا دی، جس میں سپاہی محمد سراج زخمی ہوگیا۔ پاکستان کسٹمز کے مطابق حملے سے قبل انفورسمنٹ کارروائیوں پر اہلکاروں کو دھمکیاں موصول ہوئی تھیں۔
ایف بی آر سگریٹ کیس میں ایف آئی اے نے انکشاف کیا ہے کہ صوابی کے گودام سے 25 کروڑ روپے مالیت کے سگریٹ کے 2,828 کارٹن غائب ہوئے۔ مقدمے میں ایف بی آر اور پیراماؤنٹ کمپنی کے مجموعی طور پر 8 افراد نامزد کیے گئے ہیں، جبکہ تفتیش میں مزید کردار سامنے آنے کا امکان ہے۔
فیلڈ مارشل سید عاصم منیر نے پشاور کور ہیڈکوارٹرز کا دورہ کیا جہاں انہیں خیبرپختونخوا کی سکیورٹی صورتحال اور انسدادِ دہشتگردی کارروائیوں پر بریفنگ دی گئی۔ انہوں نے فارمیشنز کو چوکس رہنے کی ہدایت کی اور کہا کہ مسلح افواج پائیدار امن و استحکام کے لیے پرعزم ہیں۔
پاکستان اور چین نے مشترکہ سرحدی کمیشن فعال کردیا، اسلام آباد نے اسے سرحدی انتظام، تجارت اور رابطوں کے لیے اہم قدم قرار دیا جبکہ بھارت نے اقدام مسترد کردیا۔
سہیل آفریدی نے پشاور میں پریس کانفرنس کرتے ہوئے کہا کہ 27 ستمبر کو پرامن احتجاج کے لیے بھرپور طاقت کے ساتھ نکلا جائے گا۔ ان کے مطابق تصادم کا ارادہ نہیں، جبکہ احتجاج کا تمام پلان 25 ستمبر کو بتایا جائے گا۔
MDCAT 2026 میں ملک بھر اور سعودی عرب سے 138,158 امیدوار رجسٹرڈ ہوئے، جبکہ کراچی میں 10,964 امیدواروں نے امتحان دیا۔
میمن گوٹھ کے قریب ڈی بلوچ لنک روڈ پر پولیس افسر کی گاڑی حادثے کا شکار ہوگئی، حادثے میں گن مین پرویز جاں بحق جبکہ پولیس افسر ممتاز بروہی زخمی ہوگئے۔
ہنگو میں خوارج کے ساتھ فائرنگ کے تبادلے میں شہید ہونے والے پاک فوج کے 6 اہلکاروں کی نماز جنازہ ادا کردی گئی، وزیر داخلہ محسن نقوی، گورنر خیبرپختونخوا اور سینئر سول و عسکری حکام نے شرکت کی۔
وزیر داخلہ محسن نقوی نے کہا ہے کہ اسلام آباد پر دھاوا بولنے کی کوشش کا کوئی فائدہ نہیں ہوگا، حکومت اس بار ملک کو کئی روز تک بند رکھنے والی صورتحال پیدا نہیں ہونے دے گی۔
سیاسی جماعتوں کے احتجاج اور لانگ مارچ کے پیش نظر خیبرپختونخوا سے اسلام آباد آنے والے راستوں پر سکیورٹی سخت کرنے کی تیاری، مختلف مقامات پر خندقیں اور رکاوٹیں بنانے کا فیصلہ۔
ہنگو سیکیورٹی فورسز آپریشن کے دوران قافلے اور خوارج کے مابین شدید فائرنگ کے تبادلے میں 8 خوارج جہنم واصل ہو گئے، جبکہ کیپٹن ابوذر فاروق اور لیفٹیننٹ شیراز بابر سمیت 2 افسران اور 6 جوان وطن کی مٹی پر قربان ہوئے۔ آئی ایس پی آر کے مطابق علاقے میں سینیٹائزیشن آپریشن جاری ہے۔
سی اسپارک 2026 کے دورے کے موقع پر سربراہ پاک بحریہ ایڈمرل نوید اشرف نے مختلف بحری جہازوں، کریکس کے علاقے اور نیول تنصیبات کا معائنہ کیا۔ آئی ایس پی آر کے مطابق مشق کے دوران ملٹی ڈومین آپریشنز اور خودکار سسٹمز کا وسیع پیمانے پر عملی مظاہرہ کیا گیا، امیرالبحر نے پاک بحریہ کی پیشہ ورانہ صلاحیتوں پر اطمینان کا اظہار کیا۔
پاکستان کے معروف کامیڈین اور اسٹیج اداکار آصف اقبال دل کا دورہ پڑنے کے بعد انتقال کرگئے، اہلِ خانہ نے ان کے انتقال کی تصدیق کردی۔
| فجر | 04:58 AM |
| طلوع آفتاب | 06:22 AM |
| ظہر | 11:52 AM |
| عصر | 02:57 PM |
| مغرب | 05:21 PM |
| عشاء | 06:45 PM |