جنوبی وزیرستان کے علاقے وانا میں سیکیورٹی فورسز نے کیڈٹ کالج میں چھپے افغان خوارجیوں کے خلاف آپریشن تیز کر دیا ہے۔ تین دہشت گردوں کو ایک مخصوص عمارت تک محدود کر دیا گیا ہے جبکہ 115 افراد کو بحفاظت نکال لیا گیا ہے۔ حملے کے دوران کالج میں تقریباً 650 افراد موجود تھے۔ فوج نے علاقے کو مکمل گھیرے میں لے لیا ہے اور آپریشن انتہائی احتیاط سے جاری ہے تاکہ کسی کیڈٹ کو نقصان نہ پہنچے۔
پاکستان ریلوے ٹائم ٹیبل پر عارضی طور پر عملدرآمد روک دیا گیا ہے۔ انجینئرنگ پابندیوں اور سگنل مسائل کے باعث موسم سرما کے اوقات کی بجائے موسم گرما کے ٹائم ٹیبل کے مطابق ٹرینیں چلائی جائیں گی۔
پاکستان کے ایوانِ بالا سینیٹ نے 27ویں آئینی ترمیمی بل دو تہائی اکثریت سے منظور کر لیا۔ اپوزیشن نے اجلاس سے واک آؤٹ کیا، جبکہ حکومت اور اتحادی جماعتوں نے بل کی مکمل حمایت کی۔ ترمیم میں آئینی عدالت کے قیام، ججز کے تقرر و تبادلے کے نظام اور عدالتی اصلاحات سے متعلق اہم شقیں شامل ہیں۔ حکومت نے اسے تاریخی پیش رفت قرار دیا ہے۔
مفتی تقی عثمانی نے کہا کہ تاحیات عدالتی استثنیٰ شریعت اور آئین دونوں کی روح کے خلاف ہے اور کسی کو بھی قانون سے بالاتر نہیں ہونا چاہیے۔
27ویں آئینی ترمیم کے پارلیمان سے منظوری کے بعد حکومت نے اعلیٰ عدلیہ کی ازسرِنو تشکیل کا عمل شروع کر دیا ہے۔ وفاقی آئینی عدالت (FFC) کے لیے 7 جج صاحبان کے نام شارٹ لسٹ کر لیے گئے ہیں۔ جسٹس امین الدین خان کو چیف جسٹس مقرر کیے جانے کا امکان ہے۔ نئی عدالت آئین کی تشریح اور وفاق و صوبوں کے درمیان تنازعات کے تصفیے کے لیے قائم کی جا رہی ہے۔
27ویں آئینی ترمیم کی منظوری کیلئے سینیٹ کا اجلاس جاری، حکومت کا دعویٰ — نمبر پورے ہیں۔
سونے کی قیمت ایک بار پھر آسمان کو چھونے لگی — فی تولہ 7400 روپے مہنگا۔
ڈاکٹر عارفہ سیدہ زہرا انتقال کر گئیں، لاہور میں ان کی وفات نے ادبی دنیا کو سوگوار کر دیا۔
لاہور گیس سلینڈر دھماکے میں 3 افراد جاں بحق، خاتون سمیت زخمیوں کو اسپتال منتقل، واقعہ گیس جمع ہونے کے باعث پیش آیا۔
کوٹ لکھپت لاہور میں انسداد پولیو ٹیم پر حملہ، خاتون ورکر شدید زخمی، پولیس نے مقدمہ درج کر کے ملزمان کی تلاش شروع کر دی۔
