اسلام آباد: ڈی جی آئی ایس پی آر لیفٹیننٹ جنرل احمد شریف چوہدری نے معروف صحافی سہیل وڑائچ کے آرٹیکل پر شدید ردعمل ظاہر کیا ہے اور واضح کیا ہے کہ فیلڈ مارشل جنرل سید عاصم منیر نے کوئی انٹرویو نہیں دیا۔ ان کا کہنا ہے کہ سہیل وڑائچ نے ذاتی تشہیر کے لیے غیر ذمہ داری کا مظاہرہ کیا ہے۔ 9 مئی کے واقعات کے ذمہ داروں کو قانون کے کٹہرے میں لانے کا عمل جاری ہے۔
وزیراعلیٰ پنجاب مریم نواز نے جاپان کے ترقیاتی ماڈل کو پنجاب میں نافذ کرنے کا عزم ظاہر کیا۔ ٹوکیو میں ملاقاتوں کے دوران ٹیکنالوجی، صحت، تعلیم، زراعت، صنعت اور ٹریفک نظام میں تعاون بڑھانے پر اتفاق ہوا۔ ماہرین کے مطابق یہ اقدام پنجاب کے لیے گیم چینجر ثابت ہو سکتا ہے۔
انسداد دہشت گردی عدالت نے جی ایچ کیو حملہ سمیت 9 مئی کے 12 مقدمات کی سماعت 3 ستمبر تک ملتوی کر دی جبکہ فیصل آباد عدالت سے سزا یافتہ 14 ملزمان کے ناقابل ضمانت وارنٹ گرفتاری جاری کرتے ہوئے آئندہ سماعت پر پیش کرنے کا حکم دیا۔
وزیراعظم شہباز شریف اور فیلڈ مارشل عاصم منیر نے خیبر پختونخوا کے سیلاب متاثرہ اضلاع کا دورہ کیا، متاثرین سے ملاقات کی اور امدادی چیکس تقسیم کیے۔ فوج اور سول ادارے ریلیف آپریشن میں مشترکہ کردار ادا کر رہے ہیں جبکہ وزیراعظم نے متاثرین کو فوری امداد اور بحالی کی یقین دہانی کرائی۔
کراچی میں ریکارڈ توڑ بارش نے نظام زندگی کو مفلوج کردیا، شہر کی اہم شاہراہیں ندی نالوں کا منظر پیش کرنے لگیں، گھروں میں پانی داخل ہوگیا۔ مختلف واقعات میں 4 بچوں سمیت 5 افراد جاں بحق ہوئے جبکہ اربن فلڈنگ اور بجلی کے بحران نے شہریوں کو شدید مشکلات میں ڈال دیا۔
مون سون بارشوں اور سیلاب 2025: عطا تارڑ، آئی ایس پی آر اور این ڈی ایم اے کی اہم بریفنگ حکومت، فوج اور این ڈی ایم اے کی مشترکہ پریس بریفنگ وفاقی وزیر اطلاعات عطا اللہ تارڑ، ڈی جی آئی ایس پی آر لیفٹیننٹ جنرل احمد شریف چوہدری اور چیئرمین
لودھراں ریلوے اسٹیشن پر عوام ایکسپریس ٹرین حادثہ کے بعد بلیک باکس برآمد کر لیا گیا ہے۔ ابتدائی رپورٹ کے مطابق حادثہ ڈرائیور کی تیز رفتاری اور مقررہ قوانین پر عمل نہ کرنے کے باعث پیش آیا۔ فیڈرل انسپکٹر آف ریلوے نے تحقیقات شروع کر دی ہیں۔
کوئٹہ کی انسداد دہشتگردی عدالت نے بیوٹمز یونیورسٹی کے لیکچرار ڈاکٹر عثمان قاضی کو دہشتگردوں کی سہولت کاری کے الزام میں 14 روزہ جسمانی ریمانڈ پر کاؤنٹر ٹیررازم ڈپارٹمنٹ (سی ٹی ڈی) کے حوالے کردیا ہے۔
وفاقی وزیر داخلہ محسن نقوی نے لاہور کے نادرا سنٹر کوٹ عبدالمالک اور پاسپورٹ آفس شاہدرہ کا اچانک دورہ کیا۔ انٹرنیٹ کی خرابی، عملے کی کمی اور ہیلپ لائن کی ناکامی جیسے مسائل پر شدید عوامی ردعمل سامنے آیا۔ وزیر داخلہ نے فوری اصلاحاتی احکامات جاری کیے۔
اسلام آباد میں وزیرِ اعظم شہباز شریف کی زیر صدارت اعلیٰ سطح اجلاس میں خیبرپختونخوا، گلگت بلتستان اور آزاد کشمیر کے سیلاب متاثرین کے لیے امدادی اقدامات کا جائزہ لیا گیا۔ وزیرِ اعظم نے کابینہ ارکان کی ایک ماہ کی تنخواہ عطیہ کرنے کا اعلان کیا اور وفاقی اداروں کو متاثرہ علاقوں میں بجلی، سڑکوں، صحت اور دیگر سہولیات فوری بحال کرنے کی ہدایت دی۔ این ڈی ایم اے کے مطابق 456 ریلیف کیمپس قائم اور 400 ریسکیو آپریشن مکمل کیے جا چکے ہیں۔
پنجاب حکومت نے اعلان کیا ہے کہ لاہور میں فروری 2026 سے ٹرام سروس شروع ہوگی جبکہ فیصل آباد اور گوجرانوالہ میں میٹرو ٹرین منصوبے بھی شروع کیے جائیں گے۔
کوئٹہ میں سیکیورٹی فورسز نے بیوٹم یونیورسٹی کے لیکچرار ڈاکٹر عثمان قاضی کو گرفتار کر لیا، جنہوں نے اپنے اعترافی بیان میں کالعدم بی ایل اے سے روابط اور دہشت گردوں کی سہولت کاری کا اعتراف کیا۔ وزیر اعلیٰ بلوچستان سرفراز بگٹی نے انکشاف کیا کہ یوم آزادی پر بڑا دہشت گرد حملہ ناکام بنایا گیا ہے۔
خیبر پختونخوا، گلگت بلتستان اور آزاد کشمیر میں شدید بارشوں اور سیلابی ریلوں نے تباہی مچا دی۔ اب تک 340 سے زائد افراد جاں بحق، درجنوں زخمی اور سینکڑوں بے گھر ہوچکے ہیں جبکہ بونیر اور سوات کے کئی گاؤں مکمل طور پر مٹ گئے۔
وزیراعظم شہباز شریف سے خواجہ سعد رفیق نے ملاقات کی جس میں ملکی سیاسی صورت حال، پارٹی امور، کلاؤڈ برسٹ اور سیلاب متاثرین کے ریلیف اقدامات پر تبادلہ خیال ہوا۔ ملاقات میں یٰسین ملک سمیت کشمیری رہنماؤں کی رہائی کے لیے کوششوں میں تیزی لانے کی تجویز بھی دی گئی۔
ڈان نیوز کراچی کے سینئر رپورٹر خاور حسین کی لاش سانگھڑ کے ایک ہوٹل کی پارکنگ سے برآمد ہوئی، جس نے کئی سوالات کو جنم دیا ہے۔ پولیس نے مختلف پہلوؤں سے تحقیقات شروع کردی ہیں جبکہ صحافتی برادری نے شفاف تحقیقات کا مطالبہ کیا ہے۔
وزیراعظم شہباز شریف نے عوامی نیشنل پارٹی (اے این پی) کی کل جماعتی کانفرنس میں مسلم لیگ (ن) کی نمائندگی کے لیے سینیٹر عرفان صدیقی اور وفاقی وزیر طارق فضل چوہدری کو نامزد کیا ہے۔ اجلاس آج اسلام آباد کے مقامی ہوٹل میں ہوگا
فیلڈ مارشل عاصم منیر نے خیبرپختونخوا کے سیلاب متاثرین کی بحالی کیلئے پاک فوج کو خصوصی ہدایات جاری کیں۔ فوجی جوانوں نے ایک دن کی تنخواہ اور 600 ٹن راشن عطیہ کر دیا جبکہ ہیلی کاپٹر، اربن ریسکیو ٹیم اور اضافی دستے متاثرہ علاقوں میں تعینات ہیں۔
آرمی چیف فیلڈ مارشل عاصم منیر نے برسلز میں خطاب کرتے ہوئے کہا کہ سیاسی مصالحت سچے دل سے معافی مانگنے سے ہی ممکن ہے۔ انہوں نے بھارت اور افغانستان کو پاکستان کے امن میں مداخلت سے باز رہنے کی سخت وارننگ بھی دی۔
حکومت پاکستان نے اگست 2025 کے لیے پیٹرولیم مصنوعات کی نئی قیمتوں کا اعلان کردیا ہے۔ پیٹرول کی قیمت برقرار، ڈیزل سمیت دیگر مصنوعات سستی کردی گئیں۔
خیبرپختونخوا حکومت کا ایم آئی 17 ہیلی کاپٹر باجوڑ میں امدادی سامان لے جاتے ہوئے خراب موسم کے باعث حادثے کا شکار ہوگیا، جس میں 2 پائلٹ سمیت عملے کے 5 اہلکار شہید ہوگئے۔ شہداء کا تعلق مختلف شہروں سے تھا اور سب ریٹائرڈ فوجی افسران اور عملہ تھے
وزیراعظم شہباز شریف کی زیر صدارت ہنگامی اجلاس میں ملک میں بارشوں اور سیلاب کی صورتحال کا جائزہ لیا گیا، متاثرہ علاقوں میں فوری ریسکیو اور ریلیف آپریشن کے اقدامات تیز کرنے کی ہدایات جاری کی گئیں۔
کالا شاہ کاکو میں اسلام آباد ایکسپریس ٹرین حادثے کی تحقیقاتی رپورٹ مکمل ہوگئی، پٹڑی کے جوائنٹ ٹوٹنے کو حادثے کی بڑی وجہ قرار دیا گیا، وزیر ریلوے حنیف عباسی جلد ذمہ داروں کے خلاف کارروائی کریں گے
خیبرپختونخوا حکومت کا ایم آئی-17 ہیلی کاپٹر باجوڑ جاتے ہوئے پہاڑی علاقے میں گر کر تباہ، تین اہلکار شہید۔ خراب موسم یا فنی خرابی حادثے کا سبب، انکوائری کمیٹی قائم۔
اسلام آباد میں یومِ آزادی کے موقع پر وزیراعظم شہباز شریف نے آرمی راکٹ فورس کمانڈ کے قیام کا اعلان کیا اور معرکۂ حق میں دشمن کو شکست دینے والے فوجی و سول شخصیات کو اعلیٰ اعزازات سے نوازا۔ وزیرِ اعظم نے دفاعی صلاحیتوں کو مزید مستحکم بنانے اور قومی یکجہتی کو فروغ دینے پر زور دیا۔
اسلام آباد میں معرکہ حق کی تاریخی فتح کے موقع پر ایک شاندار تقریب منعقد ہوئی، جس میں سول و عسکری قیادت اور بہادر افسران کو اعلیٰ اعزازات سے نوازا گیا۔ صدر آصف علی زرداری نے افسران اور سول شخصیات کو ہلال جرات، نشان امتیاز، ستارہ بسالت اور تمغہ بسالت سے نوازا، جبکہ پاک فضائیہ کے بہادر پائلٹس کو بھی ستارہ جرات سے سرفراز کیا گیا۔
| فجر | 05:02 AM |
| طلوع آفتاب | 06:27 AM |
| ظہر | 11:51 AM |
| عصر | 02:53 PM |
| مغرب | 05:16 PM |
| عشاء | 06:41 PM |