راولپنڈی ڈولفن فورس تشدد کیس میں صادق آباد کے علاقے فاروق اعظم روڈ پر شہری پر مبینہ تشدد کی ویڈیو وائرل ہوگئی۔ واقعے کے بعد تاجروں نے ملوث اہلکاروں کے خلاف کارروائی کا مطالبہ کر دیا جبکہ پولیس ذرائع کے مطابق واقعہ معمولی تلخ کلامی کے بعد پیش آیا۔
جرمن ایئرپورٹ پر دھماکا خیز ڈرون برآمد ہونے کے بعد لیپزگ ہالے ایئرپورٹ پر سیکیورٹی ہائی الرٹ نافذ کر دیا گیا۔ بم ڈسپوزل ٹیم نے ڈرون کو ناکارہ بنایا جبکہ متعدد پروازیں عارضی طور پر معطل یا دیگر ہوائی اڈوں کی جانب منتقل کر دی گئیں۔
روس کا یوکرین پر میزائل حملہ ایک بار پھر شدت اختیار کر گیا۔ کیف پر تیز رفتار بیلسٹک میزائلوں اور ڈرونز سے حملے میں کم از کم 15 افراد ہلاک، 27 زخمی جبکہ یوکرینی فضائی دفاع کوئی میزائل روکنے میں کامیاب نہ ہو سکا۔
لکی مروت انٹیلی جنس بیسڈ آپریشن کے دوران سیکیورٹی فورسز نے خوارج کے متعدد ٹھکانے تباہ کرتے ہوئے کئی دہشتگرد ہلاک کر دیے جبکہ بھاری مقدار میں اسلحہ، گولہ بارود اور دیگر سامان بھی قبضے میں لے لیا گیا۔
امریکی صدر ڈونلڈ ٹرمپ کے غزہ امن منصوبے پر پیش رفت کے اعلان کے باوجود اسرائیلی فضائی حملے جاری ہیں۔ تازہ بمباری میں بچوں سمیت 18 فلسطینی شہید جبکہ جنوبی لبنان میں حملوں سے 5 لبنانی فوجی زخمی ہوگئے۔
ڈی آئی خان کے علاقے درابن میں پولیس وین پر دہشت گردوں کی فائرنگ سے اے ایس آئی سمیت دو پولیس اہلکار شہید ہوگئے، جبکہ پولیس کی جوابی کارروائی کے بعد حملہ آور فرار ہوگئے۔
یوکرین کے صدر ولودومیر زیلنسکی نے دعویٰ کیا ہے کہ روس نے کیف سمیت مختلف شہروں پر حالیہ حملوں میں ممکنہ طور پر شمالی کوریا کے تیار کردہ بیلسٹک میزائل استعمال کیے، جبکہ روس اور شمالی کوریا ماضی میں ایسے الزامات مسترد کرتے رہے ہیں۔
فہد شیخ نے سید محمد احمد سے معافی مانگ لی۔ سوشل میڈیا پر وائرل ہونے والی ویڈیو کے بعد اداکار نے وضاحت کرتے ہوئے کہا کہ معاملہ غلط انداز میں پیش کیا گیا جبکہ انہوں نے سینئر اداکار سے معذرت بھی کرلی۔
کراچی کے علاقے پی ای سی ایچ ایس سے مبینہ طور پر اغوا ہونے والے 25 سالہ نوجوان اور وافلکس کے مالک میر رضا علی کی لاش گلستانِ جوہر سے برآمد ہوئی۔ پولیس کے مطابق مقتول کو مبینہ طور پر تشدد کا نشانہ بنانے کے بعد گولی مار کر قتل کیا گیا، جبکہ واقعے کی مختلف پہلوؤں سے تحقیقات جاری ہیں۔
بلوچستان کے ضلع تربت کے علاقے ناصر آباد سے 6 افراد کی گولیاں لگی لاشیں برآمد ہوئی ہیں۔ پولیس نے لاشیں اسپتال منتقل کر کے شناخت اور واقعے کی تحقیقات شروع کر دی ہیں، جبکہ دو روز قبل 6 مزدوروں کے اغوا کا واقعہ بھی سامنے آیا تھا۔
ڈی آئی خان پولیس لائنز کے مال خانے میں رکھا بارودی مواد اچانک دھماکے سے پھٹ گیا، جس کے نتیجے میں بم ڈسپوزل سکواڈ کے انچارج زخمی ہوگئے۔ پولیس نے تحقیقات شروع کر دیں جبکہ اضافی ٹیمیں موقع پر طلب کر لی گئیں۔
مومنہ اقبال ہراسگی کیس میں اہم پیشرفت، عدالت نے حتمی دلائل طلب کر لیے مومنہ اقبال ہراسگی کیس مومنہ اقبال ہراسگی کیس میں ایک اہم عدالتی پیشرفت سامنے آئی ہے، جہاں این سی سی آئی اے (NCCIA) نے اپنی تفتیش کے دوران پاکستان مسلم لیگ (ن) سے تعلق رکھنے والے
پاکستان پیپلز پارٹی کی رہنما شیری رحمان نے نکیال میں پولنگ کے دوران فائرنگ سے کارکن مختار یونس کی ہلاکت پر گہرے افسوس کا اظہار کرتے ہوئے الیکشن کمیشن سے فوری نوٹس، شفاف تحقیقات اور ذمہ دار افراد کی گرفتاری کا مطالبہ کیا۔
لاہور کے علاقے ستوکتلہ میں گاڑی تیز چلانے سے منع کرنے پر نوجوان رمضان کو مبینہ طور پر راڈ سے تشدد کا نشانہ بنایا گیا، پولیس نے فوری کارروائی کرتے ہوئے 2 ملزمان کو گرفتار کر لیا۔
مغربی کنارے میں اسرائیلی حملے ایک بار پھر شدت اختیار کر گئے۔ فلسطینی حکام کے مطابق اسرائیلی آبادکاروں نے نابلس اور طولکرم کے علاقوں میں دو مساجد کو نذر آتش کر دیا، جس سے عمارتوں کو نقصان پہنچا اور دیواروں پر عبرانی زبان میں نعرے بھی درج کیے گئے۔
آزاد کشمیر بحران سے متعلق وفاقی وزیر اطلاعات عطا اللہ تارڑ نے دعویٰ کیا ہے کہ سیکیورٹی اداروں نے ایک ایسے شخص کو گرفتار کیا ہے جس کے مبینہ روابط بھارتی آپریٹرز سے تھے۔ ان کے مطابق تحقیقات میں سوشل میڈیا پروپیگنڈا، فنڈنگ اور ڈیجیٹل مہمات سے متعلق شواہد سامنے آئے ہیں۔
یوکرین کے صدر ولادیمیر زیلنسکی نے دعویٰ کیا ہے کہ یوکرینی فورسز نے روس میں اسلحہ ساز فیکٹری، آئل ریفائنری، لاجسٹک تنصیبات، جنگی جہاز اور ایران سے متعلق فوجی سازوسامان کی ترسیل کے لیے استعمال ہونے والے بحری جہازوں کو کامیابی سے نشانہ بنایا۔
بلوچستان کے ضلع مستونگ میں سکیورٹی فورسز کی کارروائی کے دوران 4 دہشتگرد ہلاک کر دیے گئے، بھاری مقدار میں اسلحہ و گولہ بارود برآمد ہوا جبکہ دہشتگردوں کی سہولت کاری میں ملوث متعدد مشتبہ افراد کو بھی گرفتار کر لیا گیا۔
وزیراعظم شہباز شریف نے کہا ہے کہ پاکستان میں دہشتگردی دوبارہ ایک سازش کے تحت لائی گئی، بھارت دہشتگردوں کی معاونت کر رہا ہے جبکہ افغان سرزمین دہشتگردی کے لیے استعمال ہو رہی ہے۔ انہوں نے دہشتگردی کے خاتمے، بلوچستان کی ترقی اور شفاف گورننس پر بھی زور دیا۔
رئیس الاخبار کی انویسٹی گیشن رپورٹ کے بعد ایف آئی اے اینٹی کرپشن سرکل نے پمز اسپتال اسلام آباد میں ٹریپ ریڈ کرتے ہوئے جعلی میڈیکو لیگل سرٹیفکیٹس کے گینگ کو بے نقاب کر دیا۔ کارروائی کے دوران LDC محمد عثمان کو 50 ہزار روپے رشوت لیتے رنگے ہاتھوں گرفتار کیا گیا
بلوچستان کے ضلع مستونگ میں نامعلوم مسلح افراد نے سیشن جج کی گاڑی پر فائرنگ کردی، جس کے نتیجے میں سیشن جج عبدالحکیم کاکڑ اور ان کے گن مین جاں بحق جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔
سعودی عرب نے بحیرہ احمر میں اپنی کمپنی کے جہاز پر حملے کی تصدیق کرتے ہوئے بتایا کہ حملے سے جہاز کے اگلے حصے میں آگ لگ گئی، تاہم تمام عملہ محفوظ رہا اور کوئی جانی نقصان نہیں ہوا۔
سکیورٹی فورسز نے فتنہ الخوارج کی مبینہ سہولت کاری کے الزام میں مفتی ظفریاب کو گرفتار کر لیا۔ سکیورٹی ذرائع کے مطابق دوران تفتیش ملزم نے مبینہ طور پر تنظیمی روابط اور دیگر سرگرمیوں سے متعلق اہم انکشافات کیے۔
ایران نے دعویٰ کیا ہے کہ اس نے امریکا کی حالیہ فوجی کارروائیوں کے جواب میں اردن اور بحرین میں واقع امریکی فوجی اڈوں پر ڈرون حملے کیے، جبکہ ان دعوؤں کی آزادانہ تصدیق یا متعلقہ ممالک کی جانب سے باضابطہ ردعمل تاحال سامنے نہیں آیا۔
راولپنڈی میں ٹیکسی کے کرایے کے مبینہ تنازع پر غیرملکی خاتون اور ٹیکسی ڈرائیور کے درمیان جھگڑے کی ویڈیو سوشل میڈیا پر وائرل ہوگئی، جبکہ شہریوں نے مداخلت کرکے معاملہ ختم کروایا۔
| فجر | 04:50 AM |
| طلوع آفتاب | 06:13 AM |
| ظہر | 11:53 AM |
| عصر | 03:06 PM |
| مغرب | 05:34 PM |
| عشاء | 06:57 PM |