وزیراعظم شہباز شریف نے آزاد کشمیر قانون ساز اسمبلی انتخابات کے دوسرے مرحلے میں مسلم لیگ (ن) کی کامیابی پر نواز شریف اور کامیاب امیدواروں کو مبارکباد دیتے ہوئے کہا کہ یہ عوام کے اعتماد اور پارٹی کی پالیسیوں کی توثیق ہے۔
سابق افغان رکن پارلیمنٹ بکتاش سیاوش نے کہا ہے کہ طالبان کا اسلام سے کوئی تعلق نہیں، ان کے بقول افغانستان میں مزاحمتی تحریکیں طالبان رجیم کے خلاف عوامی ردعمل کی عکاس ہیں۔
امریکی صدر ڈونلڈ ٹرمپ کے غزہ امن منصوبے پر پیش رفت کے اعلان کے باوجود اسرائیلی فضائی حملے جاری ہیں۔ تازہ بمباری میں بچوں سمیت 18 فلسطینی شہید جبکہ جنوبی لبنان میں حملوں سے 5 لبنانی فوجی زخمی ہوگئے۔
افغانستان یونائیٹڈ فرنٹ کے چیئرمین جنرل سمیع سادات نے طالبان حکومت کے خلاف مسلح کارروائیوں کے آغاز کا اعلان کرتے ہوئے کہا ہے کہ پہلے مرحلے میں طالبان کے ارکان، اڈوں اور قیادت کو نشانہ بنایا جائے گا۔
آزاد کشمیر قانون ساز اسمبلی کے دوسرے مرحلے کے غیر سرکاری و غیر حتمی نتائج کے مطابق مسلم لیگ (ن) نے 14 جبکہ پاکستان پیپلز پارٹی نے 5 نشستوں پر کامیابی حاصل کر لی۔ ایک حلقے میں خراب موسم کے باعث پولنگ ملتوی کر دی گئی۔
اٹلس ہونڈا نے پاکستان میں Honda CD 70 Dream کا نیا ورژن متعارف کرا دیا ہے۔ نئی موٹرسائیکل میں صرف نئے گرافکس اور اسٹیکرز شامل کیے گئے ہیں جبکہ 72 سی سی انجن، 4 اسپیڈ گیئر باکس، ڈرم بریکس اور دیگر تمام فیچرز پہلے جیسے ہی برقرار رکھے گئے ہیں۔ کمپنی نے تاحال نئی قیمت کا اعلان نہیں کیا۔
پشاور بورڈ آف انٹرمیڈیٹ اینڈ سیکنڈری ایجوکیشن نے میٹرک سالانہ امتحانات 2026 کے نتائج 4 اگست کو جاری کرنے کا اعلان کر دیا۔ طلبہ آن لائن رزلٹ دیکھ سکیں گے جبکہ ڈی ایم سیز 10 اگست سے دستیاب ہوں گی۔
اوپو نے تصدیق کی ہے کہ OPPO A7 Pro Max کو 4 اگست کو چین میں متعارف کرایا جائے گا۔ فون میں 10,000mAh بیٹری، Snapdragon 4 Gen 5 پروسیسر، 120Hz OLED ڈسپلے، 50MP کیمرہ اور 80W فاسٹ چارجنگ جیسی جدید خصوصیات شامل ہوں گی۔
ڈی آئی خان کے علاقے درابن میں پولیس وین پر دہشت گردوں کی فائرنگ سے اے ایس آئی سمیت دو پولیس اہلکار شہید ہوگئے، جبکہ پولیس کی جوابی کارروائی کے بعد حملہ آور فرار ہوگئے۔
ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ ملک بھر میں 40 ہزار سے زائد انٹیلی جنس بیسڈ آپریشن کیے جا چکے ہیں جبکہ بلوچستان میں 31 ہزار سے زائد کارروائیاں مکمل کی گئی ہیں۔
این ڈی ایم اے اور پی ڈی ایم اے کے الرٹس کے بعد بالاکوٹ اور وادی کاغان میں شدید بارشوں اور کلاؤڈ برسٹ کے خدشے کے پیش نظر جھیل سیف الملوک روڈ ہر قسم کی ٹریفک کے لیے بند کر دی گئی، سیاحوں کو غیر ضروری سفر سے گریز کی ہدایت۔
آزاد کشمیر انتخابات کے بعد پیدا ہونے والی سیاسی کشیدگی کم کرنے کے لیے پیپلز پارٹی اور مسلم لیگ (ن) کے سینئر رہنماؤں نے مفاہمتی اجلاس کیا، جس میں انتخابی تنازعات کو مزید بڑھنے سے روکنے اور باقی مراحل پرامن انداز میں مکمل کرانے پر اتفاق کیا گیا۔
وزیراعظم شہباز شریف نے آذربائیجان کے سفیر خضر فرہادوف کی الوداعی ملاقات میں ان کی سفارتی خدمات، دوطرفہ تعلقات کے فروغ اور براہ راست پروازوں کے آغاز میں کردار کو سراہتے ہوئے مستقبل میں تعاون مزید مضبوط بنانے کے عزم کا اظہار کیا۔
یوکرین کے صدر ولودومیر زیلنسکی نے دعویٰ کیا ہے کہ روس نے کیف سمیت مختلف شہروں پر حالیہ حملوں میں ممکنہ طور پر شمالی کوریا کے تیار کردہ بیلسٹک میزائل استعمال کیے، جبکہ روس اور شمالی کوریا ماضی میں ایسے الزامات مسترد کرتے رہے ہیں۔
صدر مملکت آصف علی زرداری نے کمانڈر نیشنل سٹریٹجک کمانڈ جنرل سید عامر رضا کو نشان امتیاز (ملٹری) عطا کرنے کی منظوری دے دی۔ جنرل عامر رضا کو حال ہی میں فور اسٹار جنرل کے عہدے پر ترقی دے کر نئی ذمہ داریاں سونپی گئی تھیں۔
چیئرمین پاکستان پیپلز پارٹی بلاول بھٹو زرداری نے مظفرآباد جلسے سے خطاب کرتے ہوئے پی ٹی آئی سے بائیکاٹ ختم کرنے، انتخابی اصلاحات کے لیے اتحاد بنانے اور آزاد کشمیر میں شفاف انتخابات کرانے کی اپیل کی۔
پاکستان ریلویز کا بوسیدہ انفرا اسٹرکچر، پرانا ریلوے ٹریک، بار بار ٹرین حادثات اور سیلابی نقصانات نے ریلوے نظام کو شدید متاثر کر دیا ہے۔ مسافر ٹرینوں کی رفتار کم، تاخیر معمول اور ریلوے ٹریک کی اپ گریڈیشن ناگزیر ہو گئی ہے۔
سونے کی قیمت میں اضافہ ریکارڈ کیا گیا ہے۔ عالمی مارکیٹ میں فی اونس سونا 4050 ڈالر جبکہ پاکستان میں 24 قیراط فی تولہ سونا ایک ہزار روپے اضافے کے بعد 4 لاکھ 27 ہزار 436 روپے ہوگیا، جبکہ چاندی کی قیمت میں کمی دیکھی گئی۔
نائب وزیراعظم و وزیر خارجہ اسحاق ڈار نے قونصلر خدمات کے جائزہ اجلاس میں شہریوں کو بروقت اور معیاری سہولتیں فراہم کرنے کی ہدایت کرتے ہوئے قونصلر خدمات کی ڈیجیٹلائزیشن، شفافیت اور صبح و شام کی شفٹوں کے اجراء پر زور دیا۔
پاکستان نے انسانی بنیادوں پر تقریباً 16 ہزار افغان خواتین، بچوں اور بزرگ شہریوں کے قیام میں توسیع دینے کا فیصلہ کیا ہے۔ دفتر خارجہ کے مطابق قانونی ویزا یا سفری دستاویزات رکھنے والے کسی افغان شہری کو ملک سے بے دخل نہیں کیا گیا۔
بلوچستان کے ضلع تربت کے علاقے ناصر آباد سے 6 افراد کی گولیاں لگی لاشیں برآمد ہوئی ہیں۔ پولیس نے لاشیں اسپتال منتقل کر کے شناخت اور واقعے کی تحقیقات شروع کر دی ہیں، جبکہ دو روز قبل 6 مزدوروں کے اغوا کا واقعہ بھی سامنے آیا تھا۔
پاک بحریہ کے جنگی جہاز پی این ایس تیمور نے شمالی بحیرۂ عرب میں کامیاب ریسکیو آپریشن کرتے ہوئے 19 ماہی گیروں کو بحفاظت بچا لیا، وزیراعظم شہباز شریف نے پاک بحریہ کی پیشہ ورانہ صلاحیتوں اور انسانی ہمدردی کو سراہا۔
وزیراعلیٰ پنجاب مریم نواز شریف نے لیڈی پولیس افسران کی پاسنگ آؤٹ پریڈ سے خطاب کرتے ہوئے کہا کہ پنجاب کی ترقی کو دنیا کی کوئی طاقت نہیں روک سکتی، خواتین کو بااختیار بنانا حکومت کی اولین ترجیح ہے جبکہ جدید ٹیکنالوجی، امن و امان اور عوامی سہولیات پر خصوصی توجہ دی جا رہی ہے۔
ڈی آئی خان پولیس لائنز کے مال خانے میں رکھا بارودی مواد اچانک دھماکے سے پھٹ گیا، جس کے نتیجے میں بم ڈسپوزل سکواڈ کے انچارج زخمی ہوگئے۔ پولیس نے تحقیقات شروع کر دیں جبکہ اضافی ٹیمیں موقع پر طلب کر لی گئیں۔
سعودی وزیر دفاع شہزادہ خالد بن سلمان نے واشنگٹن میں امریکی صدر ڈونلڈ ٹرمپ سے ہنگامی ملاقات کی، جس میں ولی عہد محمد بن سلمان کا خصوصی پیغام پہنچایا گیا جبکہ ایران، عراق، حوثیوں اور مشرق وسطیٰ کی صورتحال پر بھی اہم گفتگو ہوئی۔
| فجر | 04:55 AM |
| طلوع آفتاب | 06:19 AM |
| ظہر | 11:52 AM |
| عصر | 03:00 PM |
| مغرب | 05:26 PM |
| عشاء | 06:49 PM |