پاکستان نے شاندار آل راؤنڈ کارکردگی کا مظاہرہ کرتے ہوئے بھارت کو 191 رنز سے شکست دے کر انڈر 19 ایشیا کپ کا تاج اپنے نام کر لیا۔
ترکی کے استنبول نیول شپ یارڈ میں پاکستان نیوی کے جدید ملگم کلاس جنگی جہاز پی این ایس خیبر کی کمیشننگ کی تقریب منعقد ہوئی، جس میں ترکی کے صدر رجب طیب اردوان مہمانِ خصوصی تھے۔ چیف آف دی نیول اسٹاف ایڈمرل نوید اشرف نے بھی تقریب میں شرکت کی۔ تقریب میں پاکستان اور ترکی کے دفاعی تعلقات، مشترکہ دفاعی پیداوار اور بحری سلامتی پر زور دیا گیا۔ پی این ایس خیبر جدید کمانڈ اینڈ کنٹرول سسٹمز، جدید ہتھیاروں اور سینسرز سے لیس ہے، جو پاکستان نیوی کی دفاعی صلاحیتوں میں نمایاں اضافہ کرے گا۔
صدرِ مملکت آصف علی زرداری عراق کے چار روزہ سرکاری دورے پر بغداد پہنچ گئے جہاں عراقی حکام نے ان کا پرتپاک استقبال کیا۔ دورے کے دوران صدر آصف علی زرداری کی اعلیٰ عراقی قیادت سے ملاقاتیں متوقع ہیں جن میں سیاسی، اقتصادی، تجارتی اور ثقافتی تعاون کو فروغ دینے پر تبادلۂ خیال کیا جائے گا۔ یہ دورہ پاکستان اور عراق کے برادرانہ تعلقات کو مزید مضبوط بنانے میں اہم سنگِ میل قرار دیا جا رہا ہے۔
بلوچستان کے ضلع خضدار اور اس کے ملحقہ علاقوں میں زلزلے کے جھٹکے محسوس کیے گئے، جس سے شہریوں میں خوف و ہراس پھیل گیا۔ زلزلہ پیما مرکز کے مطابق زلزلے کی شدت 3.3 ریکارڈ کی گئی جبکہ اس کی گہرائی 8 کلومیٹر تھی۔ زلزلے کا مرکز خضدار سے تقریباً 70 کلومیٹر مغرب میں واقع تھا۔ جھٹکے محسوس ہوتے ہی لوگ کلمہ طیبہ کا ورد کرتے ہوئے گھروں سے باہر نکل آئے، تاہم خوش قسمتی سے کسی قسم کے جانی یا مالی نقصان کی اطلاع موصول نہیں ہوئی۔
عالمی بینک نے پاکستان کے لیے 70 کروڑ ڈالر کی مالی معاونت کی منظوری دے دی ہے، جو پاکستان پبلک ریسورسز فار اِنکلوژِو ڈیولپمنٹ ملٹی فیز پروگراممیٹک اپروچ کے تحت فراہم کی جائے گی۔ اس فنڈنگ کا مقصد معاشی استحکام، مالی اصلاحات اور عوامی خدمات کی مؤثر فراہمی کو یقینی بنانا ہے۔
نائب وزیراعظم اور وزیرِ خارجہ اسحاق ڈار نے دریائے چناب کے بہاؤ میں اچانک اور غیرمعمولی اتار چڑھاؤ پر شدید تشویش کا اظہار کرتے ہوئے بھارت پر پانی کو بطور ہتھیار استعمال کرنے کا الزام عائد کیا ہے۔ اسلام آباد میں سفارتی برادری کو دی گئی ہنگامی بریفنگ میں اسحاق ڈار نے کہا کہ بھارت کی جانب سے بغیر پیشگی اطلاع پانی چھوڑنا سندھ طاس معاہدے کی صریح خلاف ورزی ہے، جس سے پاکستان کی زراعت، خوراک، معیشت اور 24 کروڑ عوام کے روزگار کو شدید خطرات لاحق ہو گئے ہیں۔
ڈگری کیس میں نااہل قرار دیے گئے اسلام آباد ہائیکورٹ کے جسٹس طارق محمود جہانگیری کو جج کے عہدے سے ڈی نوٹیفائی کر دیا گیا۔ صدر مملکت آصف علی زرداری نے وزیراعظم کے مشورے پر ڈی نوٹیفکیشن کی منظوری دے دی۔
پاکستان نے دریائے چناب کے بہاؤ میں اچانک تبدیلی پر شدید تشویش کا اظہار کرتے ہوئے وضاحت کے لیے بھارت کو باضابطہ خط ارسال کر دیا ہے۔ دفترِ خارجہ کے مطابق بغیر پیشگی اطلاع پانی چھوڑنا سندھ طاس معاہدے کی خلاف ورزی ہے جو پاکستان کی زرعی، معاشی اور آبی سلامتی کے لیے خطرہ بن سکتا ہے۔ پریس بریفنگ میں بھارتی وزیراعلیٰ کی جانب سے مسلم خاتون کا حجاب زبردستی اتارنے کے واقعے پر بھی سخت ردعمل دیا گیا۔
اسلام آباد ہائیکورٹ نے تاریخی فیصلے میں جسٹس طارق محمود جہانگیری کو عہدے سے ہٹانے کا حکم دیتے ہوئے قرار دیا ہے کہ وہ جج تعیناتی کے وقت وکالت اور ایل ایل بی ڈگری کے لیے اہل نہیں تھے۔
اسلام آباد ایئرپورٹ امیگریشن بحران شدت اختیار کر گیا، ایف آئی اے وزیراعظم شہباز شریف کی ہدایات پر عمل درآمد میں ناکام، مسافروں کو شدید مشکلات۔
ایف بی آر نے اسلام آباد میں پراپرٹی کے نئے ویلیوایشن ریٹس کا نوٹیفکیشن معطل کر دیا۔ ترجمان کے مطابق تاجروں اور تجارتی تنظیموں کے شدید تحفظات کے بعد یہ فیصلہ کیا گیا، جبکہ پرانی ویلیوایشن ٹیبل بدستور نافذ رہے گی۔
اسلام آباد ہائیکورٹ کے سابق جج اور چیئرمین نیشنل انڈسٹریل ریلیشنز کمیشن جسٹس (ر) شوکت عزیز صدیقی نے ذاتی وجوہات کی بنا پر اپنے عہدے سے استعفیٰ دے دیا۔
اسلام آباد ہائیکورٹ میں ڈگری تنازع کیس کی سماعت کے دوران جسٹس طارق جہانگیری نے چیف جسٹس سرفراز ڈوگر کے بینچ پر عدم اعتماد کا اظہار کرتے ہوئے کیس کسی دوسرے بینچ کو منتقل کرنے کی استدعا کر دی۔
جنرل فیض حمید کی سزا کے بعد سیاسی و میڈیا حلقوں میں جنرل باجوہ کے خلاف کارروائی کی افواہیں گردش کرنے لگیں، تاہم ذرائع نے ان دعوؤں کی تردید کر دی۔
وزیراعظم شہباز شریف نے نیشنل ریگولیٹری ریفارمز کی تقریب سے خطاب میں کہا کہ پاکستان معاشی بحران سے نکل آیا ہے اور معیشت مستحکم ہو رہی ہے۔
چیف آف آرمی اسٹاف و چیف آف ڈیفنس فورسز فیلڈ مارشل عاصم منیر نے کہا ہے کہ پاک فوج ہر اندرونی و بیرونی خطرے سے نمٹنے کے لیے مکمل طور پر تیار ہے۔
یوٹیوبر عادل راجہ نے لندن ہائی کورٹ کے حکم پر بریگیڈیئر راشد نصیر پر لگائے گئے بے بنیاد الزامات پر اپنے تمام سوشل میڈیا پلیٹ فارمز پر باقاعدہ معافی شائع کردی ہے۔ عدالتی دستاویزات کے مطابق عادل راجہ نے تسلیم کیا کہ ان کے پاس الزامات کا کوئی ثبوت موجود نہیں تھا۔ عدالت نے عدم تعمیل کی صورت میں سزا، اثاثوں کی ضبطی اور بھاری جرمانے کی ہدایت بھی دے رکھی تھی۔
وزیراعلیٰ خیبرپختونخوا نے کہا کہ فیض حمید سزا مکمل طور پر ادارے کا اندرونی معاملہ ہے۔
وزیر اعظم محمد شہباز شریف ترکمانستان کے صدر سردار بردی محمدوف کی دعوت پر دو روزہ سرکاری دورے پر اشک آباد روانہ ہو گئے، جہاں وہ بین الاقوامی سال برائے امن و اعتماد 2025 کے ہائی لیول فورم میں شرکت کریں گے۔ دورے کے دوران وزیر اعظم متعدد عالمی رہنماؤں سے دوطرفہ ملاقاتیں کریں گے، جن میں توانائی، علاقائی تعاون اور اقتصادی شراکت داری سمیت اہم امور زیر بحث آئیں گے۔ ان کے ہمراہ اسحاق ڈار، اویس لغاری، عطا تارڑ اور اعلیٰ حکام بھی موجود ہیں۔
ڈاکٹر وردہ قتل کیس میں ڈی پی او ایبٹ آباد نے اہم انکشاف کرتے ہوئے بتایا کہ ملزمان نے مبینہ طور پر اغوا اور قتل کے لیے 30 لاکھ روپے ادا کیے، جس سے ممکنہ منی لانڈرنگ کا شبہ پیدا ہوگیا ہے۔
امریکا نے پاکستان کے ایف-16 طیاروں کے لیے 686 ملین ڈالر مالیت کے جدید اپ گریڈ پیکیج کی منظوری دے دی ہے، جس میں Link-16 سسٹمز، کرپٹو آلات، ایویونکس اپ گریڈ، تربیت اور لاجسٹک سپورٹ شامل ہیں۔ ڈی ایس سی اے کے مطابق یہ فروخت پاکستان کے ایف-16 بیڑے کو جدید بنانے، اس کی حفاظت بہتر کرنے اور اس کی سروس لائف 2040 تک بڑھانے میں مدد دے گی۔
بنگلہ دیش نے پہلی بار سرکاری سطح پر اعتراف کیا ہے کہ اسٹریٹجک طور پر ڈھاکا کے لیے پاکستان کے ساتھ ایسا علاقائی اتحاد ممکن ہے جس میں بھارت شامل نہ ہو، جب کہ نیپال اور بھوٹان اس طرح کی کسی گروپنگ کا حصہ بن ہی نہیں سکتے۔ بنگلہ دیش کے مشیر خارجہ محمد توحید حسین کے مطابق پاکستان، چین اور بنگلہ دیش پر مبنی تین ملکی پیش رفت ممکن ہے، جیسا کہ وزیر خارجہ اسحٰق ڈار نے اسلام آباد میں حالیہ بیان میں اشارہ دیا تھا۔
آئی ایس پی آر کے مطابق سابق ڈی جی آئی ایس آئی لیفٹیننٹ جنرل (ر) فیض حمید کو کورٹ مارشل میں سیاسی سرگرمیوں میں ملوث ہونے سمیت تمام الزامات میں مجرم قرار دے کر 14 سال قید بامشقت کی سزا سنائی گئی ہے۔
پاکستان نے اقوامِ متحدہ کی سلامتی کونسل کو خبردار کیا ہے کہ افغانستان کی سرزمین سے جنم لینے والی دہشت گردی پاکستان کی قومی سلامتی، خود مختاری اور خطے کے امن کے لیے سب سے بڑا خطرہ بن چکی ہے۔ اقوام متحدہ میں پاکستان کے مستقل مندوب عاصم افتخار نے کہا کہ افغان سرزمین دہشت گرد گروہوں کی محفوظ پناہ گاہ بن چکی ہے اور 2022 سے اب تک افغانستان سے ہونے والے حملوں میں پاکستانی شہریوں اور سیکیورٹی فورسز کی 1200 سے زائد جانیں ضائع ہو چکی ہیں۔
وزیر اعظم محمد شہباز شریف نے کہا ہے کہ افواجِ پاکستان کی قربانیوں کا مذاق اڑانے اور ان کے خلاف پروپیگنڈا کسی صورت برداشت نہیں کیا جائے گا۔ اسلام آباد میں قومی علما کنونشن سے خطاب کرتے ہوئے انہوں نے کہا کہ افواجِ پاکستان نے اپنے لہو سے تاریخ رقم کی اور دشمن کو ایسی شکست دی جو قیامت تک یاد رکھی جائے گی۔ وزیر اعظم نے قومی یکجہتی، فرقہ واریت کے خاتمے اور ملک کی سلامتی کے لیے علما کے کردار کو انتہائی اہم قرار دیا۔
| فجر | 04:57 AM |
| طلوع آفتاب | 06:20 AM |
| ظہر | 11:52 AM |
| عصر | 02:59 PM |
| مغرب | 05:23 PM |
| عشاء | 06:47 PM |