دبئی ائیر شو طیارہ حادثہ میں بھارتی تیجاس طیارہ مقامی وقت کے مطابق 2:10 پر مظاہرے کے دوران گر کر تباہ ہوگیا۔
سابق امریکی صدر ڈونلڈ ٹرمپ نے دعویٰ کیا ہے کہ مئی میں پاکستان اور بھارت کے درمیان ایٹمی جنگ کے خدشات ان کی جانب سے دونوں ممالک پر ’’350 فیصد ٹیرف‘‘ عائد کرنے کی دھمکی کے بعد ختم ہوئے۔ ٹرمپ کے مطابق وزیر اعظم شہباز شریف نے انہیں فون کر کے کہا کہ ’’آپ نے لاکھوں جانیں بچائیں‘‘۔ ٹرمپ نے کہا کہ بھارت اور پاکستان ایٹمی ہتھیاروں کے ساتھ جنگ کے دہانے پر تھے، تاہم ٹیرف کی دھمکی کے بعد دونوں ملک پیچھے ہٹ گئے۔ بھارت نے پہلے بھی ٹرمپ کے دعووں کی تردید کی ہے اور کہا ہے کہ کشیدگی کا خاتمہ علاقائی و سفارتی عوامل کی وجہ سے ہوا تھا۔
سپریم کورٹ میں 27ویں آئینی ترمیم کے بعد پیدا ہونے والی صورتحال پر بلائے گئے اہم فل کورٹ اجلاس میں ججوں نے ترمیم کے عدلیہ کے اختیارات پر اثرات، ادارہ جاتی ردِعمل اور مستقبل کے لائحہ عمل پر تفصیلی مشاورت کی۔ اجلاس کے دوران ایک جج کی جانب سے ترمیم کے خلاف اجتماعی استعفوں کی تجویز بھی پیش کی گئی، مگر اس پر کسی نے اتفاق نہیں کیا۔ اجلاس میں یہ سوال بھی اٹھایا گیا کہ کیا سپریم کورٹ پارلیمنٹ کو قانون سازی یا آئینی ترمیم سے روک سکتی ہے؟ چیف جسٹس یحییٰ آفریدی نے واضح کیا کہ عدالتی نظرثانی کا اختیار قانون بننے کے بعد استعمال ہوتا ہے، پہلے نہیں۔ اجلاس میں سینئر ججز نے حالات کو افسوسناک قرار دیتے ہوئے اس بات پر زور دیا کہ عدلیہ کو ایک مضبوط ادارہ جاتی ردعمل دینا چاہیے، تاہم کوئی مشترکہ فیصلہ سامنے نہ آسکا۔
خیبرپختونخوا کے مختلف علاقوں میں سیکیورٹی فورسز نے کامیاب انٹیلی جنس بیسڈ کارروائیوں کے دوران بھارتی حمایت یافتہ فتنۂ خوارج کے 4 دہشت گردوں کو ہلاک کر دیا۔ آئی ایس پی آر کے مطابق باجوڑ، شمالی وزیرستان اور ڈیرہ اسمٰعیل خان میں کی گئی کارروائیوں میں دہشت گردوں کے ٹھکانے تباہ کیے گئے اور اسلحہ و بارود برآمد کیا گیا۔ کلیئرنس آپریشنز جاری ہیں۔
وزیراعظم شہباز شریف اسلام آباد میں رواداری اور برداشت کے عالمی دن کی تقریب سے اہم خطاب کر رہے ہیں جس میں انہوں نے نبی کریم ﷺ کے اسوہ حسنہ اور قائد اعظم کے نظریے کا حوالہ دیا۔
پاکستان نیوی نے بحیرہ عرب میں بڑی کارروائی کرتے ہوئے تقریباً 13 کروڑ ڈالر مالیت کی 2 ہزار کلوگرام سے زائد میتھ ایمفیٹامین (آئس) برآمد کر لی۔ کارروائی پی این تبوک نے کمبائنڈ میری ٹائم فورس اور کمبائنڈ ٹاسک فورس 150 کی معاونت سے انجام دی۔ گزشتہ دو ماہ میں یہ نیوی کی تیسری بڑی کامیاب کارروائی ہے، جو غیر قانونی اسمگلنگ کے خلاف سخت عزم کا ثبوت ہے۔ نیوی نے کہا کہ وہ قومی بحری مفادات اور عالمی سمندری سلامتی کے تحفظ کے لیے پُرعزم ہے۔
وزیراعظم محمد شہباز شریف نے اسلام آباد میں ٹرائی نیشن سیریز میں شریک پاکستان، سری لنکا اور زمبابوے کی کرکٹ ٹیموں کے اعزاز میں ظہرانہ دیا۔ تقریب میں اعلیٰ حکومتی شخصیات اور دونوں ممالک کے سفارتی نمائندے شریک ہوئے۔ وزیراعظم نے کھلاڑیوں کے جذبے، مہارت اور کھیل کے دوران لگن کو سراہتے ہوئے کہا کہ تینوں ٹیموں کی پاکستان آمد بین الاقوامی کرکٹ کی بحالی اور اسپورٹس سفارت کاری کے فروغ میں اہم قدم ہے۔
ضمنی انتخاب NA-18 کے باعث خیبر پختونخوا میں تین روزہ تعطیلات کا اعلان کیا گیا ہے۔ 22 سے 24 نومبر تک تمام سرکاری و نجی اسکول بند رہیں گے۔ انتظامیہ کا کہنا ہے کہ تعطیلات کا فیصلہ انتخاب کے دوران امن و امان کو یقینی بنانے کیلئے کیا گیا ہے۔
آزاد کشمیر کابینہ حلف کی تقریب میں وزراء اور مشیروں نے نئے عہدوں کا حلف اٹھاکر حکومت سازی کا عمل مکمل کردیا۔
نائب وزیراعظم و وزیر خارجہ اسحٰق ڈار شنگھائی تعاون تنظیم کے اجلاس میں شرکت کے بعد بیلجیئم روانہ ہو رہے ہیں، جہاں وہ 19 سے 21 نومبر تک یورپی یونین کے ساتھ ساتویں پاکستان–ای یو اسٹریٹجک ڈائیلاگ کی مشترکہ صدارت کریں گے۔ دفترِ خارجہ کے مطابق یہ ڈائیلاگ 2019 کے اسٹریٹجک انگیجمنٹ پلان کے تحت دوطرفہ تعاون کے تمام شعبوں کا جائزہ لے گا۔ اسحٰق ڈار برسلز میں ای یو انڈو–پیسیفک وزارتی فورم میں بھی شرکت کریں گے اور یورپی یونین کے متعدد سینئر حکام سے دوطرفہ ملاقاتیں کریں گے۔ دورے سے تجارت، جی ایس پی پلس، سرمایہ کاری اور سیاسی مشاورت کے نظام کو مضبوط بنانے میں اہم پیشرفت متوقع ہے۔ اس سے قبل ڈار نے ماسکو میں ایس سی او اجلاس کے دوران روس، چین، قطر، تاجکستان، ازبکستان اور کرغیزستان کے رہنماؤں سے ملاقاتیں کیں۔
سعودی عرب دفاعی پیکیج کی منظوری، ایف 35 طیاروں اور جدید ٹینکس کی خریداری کا اعلان۔
مخصوص نشستوں کےکیس فیصلہ میں جسٹس جمال کا اکثریتی فیصلے پر اہم اختلاف سامنے آگیا۔
لاہور کی انسداد دہشت گردی عدالت نے 9 مئی کے جلاؤ گھیراؤ کیس میں سابق گورنر پنجاب عمر سرفراز چیمہ کی بعد از گرفتاری ضمانت منظور کرلی ہے۔ عدالت نے دیگر مقدمات میں ضمانتوں کی سماعت 25 نومبر تک ملتوی کردی۔ 9 مئی کے واقعات میں ملک بھر میں توڑ پھوڑ، جلاؤ گھیراؤ اور تشدد کے نتیجے میں املاک کو نقصان پہنچا جبکہ سینکڑوں گرفتاریاں ہوئیں۔
بابر اعظم پر آئی سی سی جرمانہ، وجہ، سزا اور مکمل تفصیلات پڑھیں۔
پختونخوا میں سکیورٹی فورسز کی کارروائیاں، سرغنہ عالم محسود سمیت 15 خوارج ہلاک۔
وزیراعظم شہباز شریف نے کہا ہے کہ پاکستان ریلوے کی ڈیجیٹائزیشن اور جدید سہولیات کی فراہمی ملکی معیشت کو مضبوط بنیاد فراہم کرے گی۔ کراچی کینٹ اسٹیشن کی تزئین و آرائش اور شالیمار ایکسپریس کی نئی شکل و صورت کے افتتاح پر انہوں نے کہا کہ وفاقی اور سندھ حکومت مل کر کراچی سرکلر ریلوے کو جدید تقاضوں کے مطابق بحال کریں گے۔ وزیراعظم نے کہا کہ جدید ٹرینیں، آؤٹ سورسنگ ماڈل اور اسٹیشن اپ گریڈیشن ریلوے کی بحالی کا اہم حصہ ہیں۔
نائب وزیراعظم و وزیر خارجہ اسحٰق ڈار ایس سی او کے سربراہان حکومت اجلاس میں شرکت کے لیے ماسکو پہنچ گئے جہاں روسی وزارت خارجہ کے اعلیٰ حکام نے ان کا استقبال کیا۔ وزارت خارجہ کے مطابق اسحٰق ڈار اجلاس میں پاکستان کی نمائندگی کریں گے اور علاقائی تعاون، اقتصادی شراکت داری اور سکیورٹی روابط پر اہم گفتگو متوقع ہے۔
تین ملکی ٹی20 ٹرائی نیشن سیریز کی ٹرافی کی راولپنڈی میں شاندار رونمائی کر دی گئی، جہاں پاکستان، سری لنکا اور زمبابوے کی ٹیمیں حصہ لے رہی ہیں۔ افتتاحی میچ کل پاکستان اور زمبابوے کے درمیان ہوگا۔ پاکستانی کپتان سلمان آغا کے مطابق ٹیم کی کارکردگی حوصلہ افزا ہے جبکہ سری لنکن کپتان ڈاسن شناکا نے کہا کہ ٹی20 فارمیٹ مختلف ہے اور ان کی ٹیم نئی حکمت عملی کے ساتھ میدان میں اترے گی۔
ڈیرہ اسماعیل خان کے علاقے کلاچی میں سیکیورٹی فورسز نے انٹیلی جنس آپریشن کرتے ہوئے فتنۃ الخوارج کے سرغنہ عالم محسود سمیت 10 دہشتگردوں کو ہلاک کر دیا۔ کارروائی کے دوران بھاری اسلحہ، بارودی مواد، آئی ای ڈیز اور خودکش جیکٹس برآمد ہوئیں جبکہ 4 دہشتگرد زخمی ہوئے۔ ہلاک دہشتگردوں میں 4 کا تعلق افغانستان سے تھا۔ عالم محسود 2008 کے نواز کوٹ پوسٹ حملے، بنوں جیل حملے اور مختلف آرمی پوسٹس پر حملوں میں ملوث تھا۔
رائزنگ اسٹارز ٹی 20 ایشیا کپ 2025 میں پاکستان شاہینز نے بھارت اے کو ایک اہم میچ میں 8 وکٹوں سے شکست دے کر سیمی فائنل میں جگہ بنا لی۔ بھارت اے صرف 136 رنز بنا سکا، جسے پاکستان نے پراعتماد انداز میں حاصل کر لیا۔ شاہد عزیز، معاذ صداقت اور سعد مسعود نے شاندار بولنگ کا مظاہرہ کیا جبکہ ٹاپ آرڈر بیٹرز نے ٹیم کو آسان فتح دلائی۔
اردن کے شاہ عبداللہ دوم نے راولپنڈی میں جی آئی ڈی ایس کا دورہ کیا اور پاک فوج کی فائر اینڈ منور ایکسرسائز کا معائنہ کیا۔ فیلڈ مارشل عاصم منیر نے انہیں پاکستانی دفاعی صنعت پر بریفنگ دی، جبکہ وزیراعظم شہباز شریف بھی ٹلہ فائرنگ رینج میں موجود تھے۔
فیلڈ مارشل عاصم منیر نے کہا ہے کہ پاکستان امن چاہتا ہے لیکن اگر بھارت نے جنگ مسلط کی تو جواب وہی ہوگا جو مئی میں دیا گیا تھا۔ ایوانِ صدر میں شاہ عبداللہ دوم کے اعزاز میں ظہرانے کے دوران گفتگو کرتے ہوئے انہوں نے کہا کہ اللہ پر بھروسہ کرنے والی قوموں کو کبھی شکست نہیں ہوتی اور پاکستان کی فتح اللہ کی مدد سے ممکن ہوئی۔
انٹرپول نے پاکستان کی جانب سے سابق وفاقی وزیر مونس الٰہی کی حوالگی کی درخواست شواہد کی کمی کے باعث مسترد کر دی۔ منی لانڈرنگ، قتل اور دیگر کیسز کے ثبوت ناکافی قرار دیے گئے جبکہ انٹرپول نے واضح کیا کہ مونس الٰہی کسی بھی نوٹس پر درج نہیں۔ مونس کے وکیل نے فیصلے کو سیاسی مقدمات کے بے نقاب ہونے کی بڑی مثال قرار دیا۔
وزیراعظم محمد شہباز شریف اور اردن کے شاہ عبداللہ دوم کے درمیان اسلام آباد میں اہم ملاقات ہوئی، جس میں پاکستان اور اردن کے درمیان اسٹریٹجک، اقتصادی اور دفاعی تعاون کو مزید بڑھانے پر اتفاق کیا گیا۔ دونوں رہنماؤں نے عالمی اور علاقائی فورمز پر مشترکہ تعاون کے عزم کا اعادہ کیا۔ ملاقات میں غزہ صورتحال، خطے کی سلامتی، تجارت، سرمایہ کاری، تعلیم، سائنس و ٹیکنالوجی سمیت کئی شعبوں میں تعاون بڑھانے پر تفصیلی بات چیت ہوئی۔
سری لنکن کھلاڑی وائرل انفیکشن سے متاثر، کپتان اور کئی کھلاڑی میچ سے باہر ہونے کے خدشات۔
| فجر | 04:57 AM |
| طلوع آفتاب | 06:20 AM |
| ظہر | 11:52 AM |
| عصر | 02:59 PM |
| مغرب | 05:23 PM |
| عشاء | 06:47 PM |