پاکستان اور آئی ایم ایف میں 1.2 ارب ڈالر کے قرض پروگرام پر اسٹاف لیول معاہدہ طے، معیشت میں بہتری اور 14 سال بعد کرنٹ اکاؤنٹ سرپلس۔
افغان طالبان کا اسپن بولدک حملہ ناکام، پاک فوج کی جوابی کارروائی میں 50 جنگجو ہلاک اور متعدد زخمی۔
کرم سیکٹر میں پاک-افغان سرحد پر ایک بار پھر افغان طالبان کی بلااشتعال فائرنگ، پاک فوج کے بروقت اور مؤثر جوابی کارروائی سے طالبان پوسٹوں اور ایک ٹینک کو تباہ کر دیا گیا۔ سیکیورٹی ذرائع کے مطابق متعدد طالبان ہلاک ہو کر پوسٹیں چھوڑ کر فرار ہوگئے۔ وزارتِ دفاع نے کشیدہ حالات کی تصدیق کرتے ہوئے کہا ہے کہ دونوں ممالک کے درمیان تعلقات منقطع ہیں اور کسی بھی وقت دوبارہ جھڑپیں شروع ہو سکتی ہیں۔ وزیراعظم شہباز شریف نے واضح کیا کہ اب دہشت گردی کے خلاف ٹھوس فیصلوں کا وقت آ چکا ہے۔
وزیراعظم شہباز شریف نے کہا ہے کہ 1967 سے پہلے کی سرحدوں کے ساتھ فلسطینی ریاست کا قیام پاکستان کی مشرقِ وسطیٰ پالیسی کی اساس ہے۔ شرم الشیخ میں اجلاس کے بعد اپنے بیان میں انہوں نے امریکی صدر ڈونلڈ ٹرمپ کی غزہ میں جنگ بندی کے لیے کوششوں کو سراہا۔
فیسکو نے 53 ہزار زرعی صارفین کے لیے بلوں کی تاریخ میں 7 روز کی توسیع کا اعلان کر دیا، جس سے کسانوں کو مالی مشکلات میں کمی آئے گی۔
26ویں آئینی ترمیم کیس کی سماعت کے دوران سپریم کورٹ میں ججز کے درمیان تلخ جملوں کا تبادلہ ہوا، سماعت کل تک ملتوی کر دی گئی۔
پیر مظہر سعید شاہ نے ناگزیر وجوہات کی بنا پر وزارت اطلاعات آزاد کشمیر سے استعفیٰ دے دیا، میڈیا کے ساتھ تعاون پر شکریہ ادا کیا۔
پاکستان ٹیلی کمیونی کیشن کمپنی (پی ٹی سی ایل) نے اعلان کیا ہے کہ زیرِ سمندر انٹرنیٹ کیبل کی مرمت کے باعث ملک بھر میں انٹرنیٹ سروسز متاثر ہونے کا امکان ہے۔ مرمت کا کام 14 اکتوبر کو شروع ہوگا اور تقریباً 18 گھنٹے جاری رہے گا۔ پی ٹی سی ایل نے صارفین کو یقین دہانی کرائی ہے کہ متبادل راستے فعال کیے جا رہے ہیں تاکہ سروس کا تسلسل برقرار رہے۔
شرم الشیخ میں منعقدہ تاریخی غزہ امن معاہدے میں امریکی صدر ڈونلڈ ٹرمپ، السیسی، اردوان، امیر قطر اور وزیراعظم شہباز شریف نے شرکت کی۔
اس معاہدے سے برسوں کی جنگ کے بعد مشرقِ وسطیٰ میں امن، ترقی اور استحکام کے نئے دور کا آغاز ہوا۔ ٹرمپ نے اعلان کیا کہ “ہم نے جنگ نہیں، امن جیتا ہے۔”
وزیراعظم شہباز شریف نے کہا کہ “صدر ٹرمپ نوبیل امن انعام کے حقیقی مستحق ہیں۔”
شہر قائد میں رینجرز، سی ٹی ڈی اور پولیس نے مشترکہ کارروائی کرتے ہوئے غیر قانونی طور پر مقیم افغان باشندوں کے خلاف بڑا آپریشن شروع کر دیا۔ متعدد مشتبہ افراد گرفتار، شناختی کاغذات کی تصدیق جاری۔
