امریکا نہ ہوتا تو اسرائیل کا وجود نہ ہوتا، ڈونلڈ ٹرمپ کی امیر قطر سے ملاقات کے دوران گفتگو

امریکا نہ ہوتا تو اسرائیل کا وجود نہ ہوتا، ایران نے جوہری ہتھیار حاصل کیے تو جہنم ڈھا دیں گے،صدر ٹرمپ کی امیر قطر سے ملاقات کے دوران گفتگو

واشنگٹن: امریکی صدر ڈونلڈ ٹرمپ نے کہا ہے کہ اگر امریکا کی حمایت نہ ہوتی تو اسرائیل بہت پہلے تباہ ہو چکا ہوتا، جبکہ ایران نے اگر جوہری ہتھیار حاصل کرنے کی کوشش کی تو اس پر سخت ترین کارروائی کی جائے گی۔

تفصیلات کے مطابق امریکی صدر ڈونلڈ ٹرمپ نے قطر کے امیر شیخ تمیم بن حمد الثانی سے ملاقات کے دوران میڈیا سے گفتگو کرتے ہوئے کہا کہ ایران کے ساتھ طے پانے والا معاہدہ کامیاب ہونا چاہیے کیونکہ یہ خطے میں امن اور استحکام کے لیے انتہائی اہم ہے۔

انہوں نے کہا کہ “میرے لیے سب سے اہم بات یہ ہے کہ ایران کبھی بھی جوہری ہتھیار حاصل نہ کر سکے۔ اگر ایران نے ایسا کرنے کی کوشش کی تو ہم اس پر جہنم ڈھا دیں گے۔”

صدر ٹرمپ کا کہنا تھا کہ ایران کے ساتھ ہونے والا معاہدہ ایٹمی ہتھیاروں کے پھیلاؤ کے خلاف ایک مضبوط دیوار ثابت ہوگا۔ ان کے بقول ایران کے ساتھ ایک منصفانہ معاہدہ طے پایا ہے اور امریکا ایران میں کسی قسم کی سرمایہ کاری نہیں کر رہا۔

ٹرمپ کی امیر قطر سے ملاقات کے موقع پر انہوں نے اسرائیل کے حوالے سے بھی دوٹوک مؤقف اختیار کرتے ہوئے کہا کہ “اگر میں مداخلت نہ کرتا تو اسرائیل بہت پہلے تباہ ہو چکا ہوتا۔ امریکا کے بغیر اسرائیل کا وجود ممکن نہیں تھا۔”

ڈونلڈ ٹرمپ نے کہا کہ قطر نے خطے کی کشیدہ صورتحال میں معاملات کو سنبھالنے میں مثبت کردار ادا کیا ہے اور وہ اس حوالے سے قطری قیادت کی کوششوں سے مطمئن ہیں۔

ٹرمپ کی امیر قطر سے ملاقات کے موقع پر انہوں نے مزید بتایا کہ انہوں نے اسرائیلی قیادت کو واضح پیغام دیا ہے کہ بیروت پر حملے انہیں پسند نہیں آئے۔ ان کے مطابق اسرائیلی وزیراعظم بنیامین نیتن یاہو کے ساتھ ان کے اچھے تعلقات ہیں اور انہوں نے تجویز دی ہے کہ حزب اللہ سے نمٹنے کی ذمہ داری شام کے حوالے کی جا سکتی ہے۔

ٹرمپ کی امیر قطر سے ملاقات کے موقع پر کہنا تھا کہ لبنان میں جاری کشیدگی کو وہ ایک محدود تنازع سمجھتے ہیں، جبکہ ان کے خیال میں ایران میں اس وقت “معقول قیادت” موجود ہے جو خطے میں استحکام کے لیے مثبت کردار ادا کر سکتی ہے۔

ٹرمپ کے تازہ بیانات ایسے وقت میں سامنے آئے ہیں جب مشرق وسطیٰ میں ایران، اسرائیل اور لبنان سے متعلق صورتحال عالمی توجہ کا مرکز بنی ہوئی ہے اور ایران کے جوہری پروگرام کے حوالے سے سفارتی سرگرمیاں بھی تیزی سے جاری ہیں۔

President Trump Participates in a Bilateral Meeting with the Emir of the State of Qatar https://t.co/8zD9Xodeip
— The White House (@WhiteHouse) June 16, 2026