صدر اور وزیراعظم نے بنوں میں بھارتی حمایت یافتہ خوارج کے خلاف کامیاب آپریشن پر سیکیورٹی فورسز کو خراج تحسین پیش کیا اور دہشت گردی کے خاتمے پر زور دیا۔
نائب وزیر اعظم و وزیر خارجہ سینیٹر محمد اسحاق ڈار نے مدینہ منورہ میں روضۂ رسول ﷺ کی زیارت کی اور ملک و قوم کی سلامتی اور خوشحالی کے لیے خصوصی دعائیں کیں۔
پاکستان نے غزہ میں اسرائیلی قابض افواج کے تازہ حملوں کی شدید مذمت کرتے ہوئے کہا ہے کہ یہ کارروائیاں بین الاقوامی قانون اور اقوام متحدہ کی قراردادوں کی صریح خلاف ورزی ہیں۔
لاہور میں جماعت اسلامی پاکستان کے اجتماع عام ’بدل دو نظام‘ سے خطاب کرتے ہوئے امیر جماعت اسلامی حافظ نعیم الرحمٰن نے کہا کہ پاکستان کی خارجہ پالیسی مکمل طور پر آزاد اور خودمختار ہونی چاہیے، کیونکہ امریکا کی غلامی نے ملک کو شدید نقصان پہنچایا۔ انہوں نے کہا کہ بلوچستان اور خیبرپختونخوا کی موجودہ حالت بھی انہی پالیسیوں کا نتیجہ ہے۔ انہوں نے فلسطین پالیسی سے انحراف پر حکومت کو تنقید کا نشانہ بنایا اور خبردار کیا کہ کشمیر یا فلسطین پر کوئی سمجھوتہ قوم قبول نہیں کرے گی۔
اسلام آباد میں وزیراعظم محمد شہباز شریف کی زیر صدارت پاکستان ریلوے کے امور سے متعلق اہم اجلاس ہوا، جس میں ریلوے کی بحالی، جدید کاری، بین الاقوامی رابطوں اور آؤٹ سورسنگ کے جامع پلان پر تفصیلی بریفنگ دی گئی۔ وزیراعظم نے خطاب میں کہا کہ ریلوے کسی بھی ملک کی معیشت اور مواصلات کی ریڑھ کی ہڈی ہوتی ہے اور پاکستان ریلوے کو جدید خطوط پر استوار کرنے کے لیے اٹھائے گئے اقدامات قابل ستائش ہیں۔ انہوں نے وزیر ریلوے حنیف عباسی اور ان کی ٹیم کی کوششوں کو سراہتے ہوئے بین الاقوامی معیار کے قانونی و معاشی ماہرین کی خدمات لینے کی ہدایت کی۔
قومی اسمبلی اور پنجاب اسمبلی کی 13 نشستوں پر ضمنی انتخابات سخت سیکیورٹی کے درمیان صبح 8 بجے شروع ہوئے جو شام 5 بجے تک جاری رہیں گے۔ زیادہ تر نشستیں اس وقت خالی ہوئی تھیں جب پی ٹی آئی کے وہ اراکین نااہل قرار پائے جنہیں عمران خان کی گرفتاری کے بعد 9 مئی 2023 کے پُرتشدد واقعات میں مبینہ ملوث ہونے پر سزائیں دی گئی تھیں۔
طورخم سرحد کی بندش نے افغانستان کی معیشت کو ہلا کر رکھ دیا اور ایک ماہ میں 45 ملین ڈالر کا نقصان رپورٹ ہوا۔
خیبر پختونخوا میں سیکیورٹی فورسز نے بھارتی حمایت یافتہ فتنۃ الخوارج کے نیٹ ورک کے خلاف دو بڑی کارروائیاں کرتے ہوئے 13 خطرناک دہشتگردوں کو ہلاک کردیا۔ آئی ایس پی آر کے مطابق 20 اور 21 نومبر کو لکی مروت اور ڈیرہ اسماعیل خان میں انٹیلی جنس معلومات کی بنیاد پر الگ الگ آپریشنز کیے گئے جن میں خوارج کے اہم ٹھکانوں کو نشانہ بنایا گیا۔
ترجمان دفتر خارجہ طاہر اندرابی نے واضح کیا ہے کہ جب تک افغانستان سے پاکستان پر دہشت گردوں کی معاونت اور حملوں کا سلسلہ جاری ہے، دونوں ممالک کے درمیان تجارت بحال نہیں ہو سکتی۔ ہفتہ وار بریفنگ میں انہوں نے کہا کہ پاکستان کے پاس تجارت معطل کرنے کے علاوہ کوئی دوسرا آپشن نہیں بچا کیونکہ افغانستان سے پاکستانی تاجروں، شہریوں اور تجارت پر مسلسل حملے ہو رہے ہیں، اور پاکستان اپنے لوگوں کی جانوں کی قیمت پر تجارت نہیں کر سکتا۔
بنوں کے تھانہ ہوید کی حدود میں امن و امان کی کوششوں کو نشانہ بناتے ہوئے نامعلوم حملہ آوروں نے رات گئے امن کمیٹی کے دفتر پر دھاوا بول دیا، جہاں اندھادھند فائرنگ کے نتیجے میں 7 افراد موقع پر ہی جاں بحق جبکہ ایک شدید زخمی ہوگیا۔ حملہ آور فائرنگ کے بعد فرار ہونے میں کامیاب ہوگئے جن کی تلاش کے لیے پولیس اور قانون نافذ کرنے والے اداروں نے علاقے میں سرچ آپریشن شروع کردیا ہے۔
| فجر | 04:28 AM |
| طلوع آفتاب | 05:52 AM |
| ظہر | 12:02 PM |
| عصر | 03:33 PM |
| مغرب | 06:13 PM |
| عشاء | 07:36 PM |
